Mariqoosi 15:32 - Mataafa Qulqulloota

³² Isha oton Kiristoosi, nuqusase a, intoonno a amma masqaloose qara lekkadooy, ino ka akkino ka isha amannooy.” Shiftaddasene isha olli fannisame kuli ka asseew isha onni.

Mariqoosi 15:32 ပူးပေါင်းရင်းမြစ်များ

Xuuma Issayyaasi 44:6

Nuqsase a Isira'eeli Waaqa, isase Isira'eeli furanno, Waaqa a we piisa ettaninno ikiini, “Anti a paayyota ka a piraampira; umma ana mali a pila in co.

Xuuma Sofooniyaasi 3:15

Waaqa, dapase a allu ishin qara' mure, alle'e diishe ka paarkaalaatti alle' pashshe. Waaqa nuqusase a Isira'eeli' qoota otantaayshin oppa co malla, arepadesa wa ishin qappada in caaneey, in fuuran.

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Maatiyoosi 1:17

Semmalla xelta Aprihaami paayyatte haka xelta Taawwititi'i, xelta kudanka afuri. Xelta Taawwiti paayyatteew haka piita Paapilooni opa poojameetati'i, xelta kudanka afuri. Piita Paapilooni opa poojamaayye paayyatte haka xelta Kiristoosi xelta kudanka afuri.

Maatiyoosi 27:42

“Ha orra pila'e dinshe, ma isi dinissa imalaale; oton nuqusa Isira'eelitiiyyi, intoonno a amma masqala qara lekkado; ino ka ishi amannooy.

Maatiyoosi 27:44

Shiftaddasene isha olli fannisame kuli ka asseew kiini ka isha onni.

Mariqoosi 15:26

Wanjalaadi akkissa'e taafeetase kiinitto, “Nuqusa Yihuta” Itaafamte.

Mariqoosi 15:27

Ka Yesuusi quda'ew, shiftada lakkin de'en ka takka qinda akkittatin ka takka qinda pittittatin isha kapa fannisen. [

Yohaannisi 1:49

Sitiiyyi Naatina'eli ka ka kide, “Kollissampayto, atti a inna a Waaqa! ka a nuqusa Isira'eeli!”

Yohaannisi 12:13

Ka taamma Sampaapa qapade ka isha teyyatta' sooke ka nessa kuttishe ka kide, “Hosa'inna, nuqusa Isira'eeli a maxxa Poqallaatin deeno a eeppisamo!”

Roomi 3:3

Ka kuli Yihutaatoppaayye, oto orra demo amanama in qapniniiyyi, sede a ishootta amanama dapen, i'amanama Waaqa' hattissa?

Timotoosi a lammatta 2:18

Orroose, “Tootoppa xaana a orra le'eti xattaaw koddene” kiini ka shiishshaan dukaata kapa sekaaden. Ka amanteeta orra demo patinni.