Mariqoosi 15:21 - Mataafa Qulqulloota

²¹ Ka ete annaaneeyye Qerenitta takka, Simooni kidammo aappa opa Iskindiri isho a Ruufosi, a xaadi kantadaayye katamaappopa kallo akken ka akka irreetan masqalase a Yesuusi xaysado koden.

Mariqoosi 15:21 ပူးပေါင်းရင်းမြစ်များ

Maatiyoosi 27:32

Ka ete tikase kara sooknaaneeyye, Qereenitta takka Simooni kiinaan akken ka irreetan qara masqalase a Yesuusi xayshen.

Maatiyoosi 5:41

Nama takka kadi pora shakkayta ana olli aane kida ka ke kitteessaayye, pora seka kuli opa isha olli aane.

Mariqoosi 15:20

Ka ete isha qara seesen kammaayye, ohaatase tiima isha quda qeeden ka mehaddaadi isha quda kalshen ka fannissa ishin aanen.

Luqaasi 14:27

Nama masqalaadi haadanni in kinnin ka ana kamma deeni in kinnin tamaarittiyyo kodda in ettansho.

Luqaasi 23:26

Ikka oori Yesuusi qeeden ka ete ishin annaaneeyye, Simooni Qerenitta, a kantadaayye kallo ka katamaapa kullino akken ka isha qapen ka qara masqalase a Yesuusi xayshen ka Yesuusi kamma isha qattishen.

Yohaannisi 19:17

Sekkammaayye Yesuusi ka masqalaadi qapade ka porase pukurkura matta kidammo opa aane, poroose nefo, afa Iprutini Kolkoota kidammi,

Kodampaya 11:20

a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren.

Kodampaya 13:1

Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli.

Kodampaya 2:10

ka a Firkiya ka a Binfiliya ka a Kipsi ka a awrajjadda Liipiya a piita Qereena kapan desa ca oppan kalla; ino Yihutaata a Roome deete isho ino a amanteeta Yihuta oppopa oore areen kinna.

Kodampaya 6:9

Sitiiyyi tika a qinseeta orra Yihuta a tika qinseeta, “A orra nataan sooknooti” kidammo kara ka Qereenaayye ka orra Iskintiriya oppa ka Kilqiya isho Issiya kara, orra takka takka ka Istifaanosi qara' xa'e ka isha shiisha paayye. “Orra nataan sooke” Kideeta, orra a Yihuta a karpishshuma a orra piita pila kela sooke lelli.

Roomi 16:13

Ka Ruufosise Poqalla' koda kodeetan a kuttati upnaysame'e, nakaytiyyo lela. Ka aayyasene xaaysho, a innaadi mina ana jaalannitto kuli nakaytiyyo lela.