Mariqoosi 15:14 - Mataafa Qulqulloota

¹⁴ Pilatoosi ka ishootta kide, “Maana'e? Maanaanne dape?” Ishootta ka qare'ew ullupitta koopshen ka kidene, “Fannise!”

Mariqoosi 15:14 ပူးပေါင်းရင်းမြစ်များ

Mataafa Masmuureta 69:4

A pattayya ana needdanna, nyirfaayyo a matta qara lekuma' qapan; a ana ikassa faana ka tabaan ana needdanna ikoopen; ka waan an hannini ana' kiini, “Oorshe.”

Xuuma Issayyaasi 53:3

Ha isha nama a orra isha needdade ka jippe; isha nama surumta ka a nyarrahata; ikka a nama orra qara ilda tiitanno mina'e needdatame, umma ino an isha an ulfeessine;

Xuuma Issayyaasi 53:9

Kadi punu isha' hupnan nama qara in kalliniiyyi, darta ka afaadippa in' teyanniniiyyi, ukkuttowwa alle'e isha ishshen; ka teyantoolayaappa' isha mooken.

Maatiyoosi 27:19

Pilatoosi ete sufaana a qaraxata faranno qara kute'ey, iskatteetaadi erkana ishi erkite ka kiite, “Xallapo olsaannen; qoota namooseti desa harmo payyaheey, hanqeellaytose a nama qara we takkan nefo in kodan.”

Maatiyoosi 27:4

“Qootan hanqeellayta nama toota qapsiise malla, in ishin dape” Ishootta ka ishi kidene, “ke qaapissa xanno maana ino dipe,”

Maatiyoosi 27:54

Motolaqasene isho orrase isha olliiyyi Yesuusi tooytino ete lellehaytase a piita isho wa kodde akkeneeyye, harmo'e fuuren ka kidene, “Ha namoose dukaatannen inna a Waaqa.”

Mariqoosi 15:13

Ishootta ka a lammatati ullupen ka kidene, “Fannise!”

Mariqoosi 15:15

Pilatoosi ka samayta xasassa'e Parpaani ishootta fure ka Yesuusi karafsiise ka akka fannisamo'e ishootta turopa tuukke.

Luqaasi 23:21

Samaytase xoori iullupe ka kide, “Alle fannise! alle fannise!”

Luqaasi 23:4

Sitiiyyi Pilatoosi, saarrasene a qeesewwa isho samaytaseti kide, “Anti namoose qara dapa takka nefo an akkine.”

Luqaasi 23:41

Ino ishin dapayta an koone minannen qitaateta a ino parpaaccisnitto akkanne. namoose xoori we takkan nefon in dapne.”

Luqaasi 23:47

Motolaqitta a eyye co ete wa kodde akkeeyye, ikide “Namoose dukaatannen hanqeelitta” Ka Waaqa ulfeesse.

Yohaannisi 18:38

Pilatoosi ka kaassade ka kide, “Ata dukaata maana?” Ka sekkammaayye a lammattati Yihutaata turopa sooke ka ishootta' kide, “Anti dapa takka nefo isha qara'e, an akkine.

Yohaannisi 19:6

Saarrasene a qeesewwa isho kutkuttowwasene a tooytampaya ete Yesuusi akkeneeyye, ihoren ka kidene, “Fannise! Fannise!” Pilaatoosi xoori i'ishootta kide, “Anti qindiyyo desa, dapa takka nefo qara'e, an akkineey, oto heentaneeyye ishina' qeeda ka fannisada.”

Kodampaya 13:28

Kadi punu wa toota qaran isha kaya isha qara in teyniniiyyi, akka ishootta isha ishsho'e Pilatoosi naappaden.

Kodampaya 19:34

Ma xoori orrase ete, akkima Iskindiri Yihutitta kodde upnaadeeyye, saateta lakki mina kitto kara'e piisanti nessa takkan ullupen ka kidene, “Aartemiise a Efesooni, kuttayteeta!”

ipro 7:26

Se malla, saara qeesewwa a qulqullaawe ka a qaja in qapnin ka a nyala in qapnin ka juppoolayappa xawwi' oore ka ulfeenan moonteeyye pora a piisa qaropeela qapo opa fayyade. Qeesitta a asse paho ino' parpaaccisni.

Petroosi a paayyota 1:19

Ishina diikase a Kiristoosi ulfeessame ka a laahase toobuma isho qaja in qapnini pahonne' furamten.