Mariqoosi 14:6 - Mataafa Qulqulloota

⁶ Yesuusi xoori ikide, “Diisha maana'e isheetta payyahinnittan? Wa fayyaxe ana kootey.

Mariqoosi 14:6 ပူးပေါင်းရင်းမြစ်များ

Xuuma Issayyaasi 54:17

Meeha oranna a ke malla tumame ke in teyo, arrapa deexampaya ke mina'en tamaakkado, akka piisa putta.” Waaqa ikiini, “Sede qoottota orxayaayyo, dukaata ana kapa ishootta' murammitto kan sede; hanqeetaaysho a ana kapa teyan kan sedeew.

Maatiyoosi 26:10

Yesuusi ka wa ishootta kiinaane upnaade ka ishootta kide, “Iskatteese wa fayya'e ana kooteey, maana'e isheetta payyahinnittan?

Mariqoosi 14:5

Helani tinaareta dippa sessa qaropa katamta opan ka hiyyeessadda qoonni heeneneey; ka iskatteese kojeessen.”

Mariqoosi 14:7

Hiyyessadda qoota awta piisa ishin olli caan malla, eta heentaneeyye ishootta qaarqaara i'ettanissan; Anti xoori awta piisa ishin olli an kinnaado.

Kodampaya 9:36

Iyyoobbe karaayyew, iskatteeta takka Taabita kidammitto a Waaqa amannitto ca; maxxaadi nefo afa Kirikkitin Torqa kidammi. Se kideese nefo kuumanta kideeta. Isheetta iskatteeta awta piisa koda paxaara koonitto ka hiyyeesadda nefo qaarqaarritto.

Qorontoosi a lammatta 10:18

Nama oto Poqalla isha kalataysannooyye kalataysammi diisheey, oto isha isi kalataysannooyyen.

Qorontoosi a lammatta 9:8

Awta piisa akka we' piisan isi ettanissan, ikka koda paxaara piisa kodeeta ishina' kayto'e, Waaqa sakaadi kuttumtan ishina daassata i'ettansha.

Efesooni 2:10

Ino kodaddaasene paxaara a Waaqa turan harmishe akkan koono'e, an uumata Waaqa a Yesuusi Kiristoosi qudan lammatta uumame.

Qolaasiisi 1:10

Ka akka poqalla'e saanta aparpaaccisnitton kallaattan ka koda a paxaara ika piisa kodeetan dalta daltan ka qinda piisan isha xasassaan ka Waaqa upnaattaan kuttattaan antani'en ishina Waaqa qinsanninna.

Teseloonqe a lammatta 2:17

Akka wa paxaara' piisa kootan ka haasawattane'e, a karittaayshina'e xasa oorsho ka akka' wa paxaara' kootan ka haasawattane'e, ishin kokkonnaysho.

Timotoosi a paayyota 5:10

Ka hella fayya qoheetanne ka xaykitta teyyattaanne ka qulqullowwa kela loqqa jaqeeta ka rakkatampaya qaarqaaranne ka koda paxaara piisa kodeetanne, a koda paxaara piisa kodeetan upnaysamte koddeeta isheetta faani.

Timotoosi a paayyota 6:18

Ka, akka koda paxaara kodan ka a koda paxaaran teyantoode' koddan ka nama' daassata'e ka wa qapane qootta'e a harmisade' koddane'e ishootta ajaje.

Timotoosi a lammatta 2:21

Nama wossen ulfeena in qapnini kapa xawwi oorro ka isi qulqullannno, meeha a koda ulfeenatin koonaane pahanaada. Meeha a we' nakanno a koda paxaara piisa koda' harmisade ka Poqallaadi isi reexxe kodda.

Timotoosi a lammatta 3:17

Sede nefo, nama Waaqa, akka qaja dapo ka koda paxaara piisa koda' harmisade koddo malla.

Tiito 2:14

Kiristoosi, akka ukkuttuma piisa kela ino furado ka akkan samaytaadi koddino ka a koda paxaara piisa kodeeta yaatanna' koddino'e, ino jaqqeeta malla toota isi daashe.

Tiito 2:7

Atti'iw wa paxaara' kodeetanne we piisan ishootta' pahana kodde. Ka akka kollissaayti' piisatte ka dukaatan isi piisa daasse akkishe.

Tiito 3:14

Orrinnoow akka wa ishootta' parpaaccisna akkado ka kallaata a kara dalta in qapnin in kallaannini'i, a koda paxaara kodeeta kollado.

Tiito 3:8

Sede qaaleta amanamte. orra Waaqa amane akka koda paxaara koda' japaado'e, akka sede piisa kokkonnasson faani. Sede wa paxaara ka nama piisa'e we' nakanniiy.

ipro 10:24

Ka akkan jaalala isho koda paxaara kodeetan kallaanno'e, atta akka olnyerissa ino faanitto,

ipro 13:21

Akka heennaadi kodeeta ettanissane'e a koda paxaara piisa kodeeta' hupna ishina' daasho. Ka wa isha xasanna Yesuusi Kiristoosi qudan ino' kodo. Ulfeena a haka paraparati a Yesuusi Kiristoosi kayo; Ameen!

Petroosi a paayyota 2:12

Takka punu kadi ishina' kidane “Orra neequmta koono nefooyye,” Ka ishin haasawanneeyye; kuyyaata a Waaqa ino tooyya' deenooyye, orra a Yihutaata in koddinin akka kodaayshin a paxaara akko ka Waaqa kalataysado'e, oto ishoottoppa kallaannittaneeyye, qalpeeta fayya' qapnaada.