Mariqoosi 14:41 - Mataafa Qulqulloota

⁴¹ Ka a sessattati ishootta kapopa ooreew ka ishootta kide, “Hela ammikki mukten ka nessannittane? Ha ikoddite. Saatetase ikayte tin inna nama harka juppoolaya oppopa tuukkaman.

Mariqoosi 14:41 ပူးပေါင်းရင်းမြစ်များ

Mataafa a Nuqussa a paayyota 18:27

Ete kuyyaata kutta kayteeyye, Eeliyaasi ka ishootta qara seesa paayye ka kide, “Ata isha Waaqaay, nessaayshin kuttisha ka ullupan xawwi? Takka punu dikatta qara ollin koopeey, taaki koda qara koopeey, taaki pora qara caay taaki imuke impasissa ka parpaaccisniiy.”

Mataafa a Nuqussa a paayyota 22:15

Ka nuqusase turopa dehaade; nuqusase ka ishi kide, “Mikkiyaasi Remaati a Kele'adi torpa'e, hela in tuullam moon alle'en diinna?” Isha ka ishi oorshe ka kide, “Waaqa Poqalla ke turopa tuukkaay, tuule ka pute.”

Mataafa a Nuqussa a lammatta 3:13

Elsa'i ka nuqusa Isira'eeliti kide, “Ino maanan olkapa qapna? Xuumampayasene a aappaayshina isho a aayyaassina kapopa aane.” Nuqusa Isira'eeli ka kide, “Inna! Ha Waaqa isha ino nuqussa sessa akka nuqusa Mo'api turopa ino tuukko'e, ollopa ino hale.”

Mataafa Dehaamta 11:9

Atti xayyoolayto! A' xayyopa kittooyye xasoodo, parraatti a xayya oppa karittaayti piisan xasoodo ka wa iltaayti akkite, karittaayti ka xajeele' piisa kode; ma xoori, qootose' piisa malla, Waaqa akkima firteeta turopa ke dehaysho upnaado.

Xuuma Hisqeeli 20:39

Ishina samayta Isira'eelitiiyyi, Waaqase' piisa qara qapo qootaayshina desa asse kiini, “Arepa desa oton ana'e a' dakayni a' kinniniiyyi, ishina takka takkaayye aananka ka killannaddaassina' sakatada! Ma kuli i'anopa dakkaysattan ka ana' ajajamtan, umma kalisowwaassin isho killannaassinanne, maxxiyyo a qulqullaawe a' nyalissan.

Maatiyoosi 26:2

“Kuyyaata lakki kammaayye akka xaysonessuma a qaran tarpeeta koddito i'uptan inna nama nefo fannisama turopa tuukkaman.”

Mariqoosi 14:10

Asqorottittase Yihuta isase tamaarewwasene a Yesuusi kudanka lakkippa takka kodde, Yesuusi qapsiisa'e saarra qeesewwa kapopa aane.

Mariqoosi 14:18

Ete damta kute'en ka dammaaneeyye Yesuusi ishootta kide, “Anti dukaatannen ishinakiini, ishin oppaayye nama takka ana qapsiisa. Isha nefo amma ana olliiyyi damta dama qara ca.”

Mariqoosi 14:35

Ka shakkayteeta ishootta kapa desa sekaade ka kilpiippade ka fuula piitan kaye ka oton ikoddiniiyyi akka saatese isha qara tarpito waaqopa qinsade.

Mariqoosi 14:40

Ka tiitaaweew ka qoota ildaasso mukittaan ulsaaden malla, ishootta a muke akkew; umma wa isha mina oorinnaane in upan.

Mariqoosi 14:42

Xa'a ka anna, tin isase ana qapsiiso idesa kayeey.”

Mariqoosi 7:9

Aataassin tooytaatta malla ajaja Waaqa alle diinnittan.

Mariqoosi 9:31

Sede nefo wa malla asse koddite, qoota Yesuusi tamaarewwaadi kollinno malla, ka kiino “Inna nama, harka orra oppopa tuukkaman; ishootta ka isha ishshan. Ma xoori kuyyaata sessa kammaayye tootoppa ixa'a malla.”

Yohaannisi 12:23

Yesuusi ka oorshe ka ishootta' kide, “Tin saateta a oppaayye inna a nama ulfeessaman ikayte.

Yohaannisi 12:27

Kamma' desa Yesuusi ikide, “Tin anti qaapannen kupade ka kuli maanan kida, hela in kida ‘Aappo, saatese kela anan pahe?’ Ma xoori akkan asse an kiinini'i, saatese a rakkoota mallan de'e;

Yohaannisi 17:1

Yesuusi ete sede haasawade kammaayye, opeela kide ka moontandela tooyyade ka kide, “Aappo! tin, saatetase ikayteey, innaatti akka ke ulfeessane'e, innaatti ulfeesse.

Yohaannisi 7:30

Sitiiyyi ikka isha qapa faden; ma qoota etaadi in kaynin malla, nama takka nefo isha in qapne.

Yohaannisi 8:20

Yesuusi a tika qulqulloota kelaayye saatineetase karopa kaajaa pohonaan kapa co ka kollinnooyye, qaalese haasawade. Sitiiyyi qoota etaadi in kaynin malla, nama takka nefo isha in qapne.

Kodampaya 7:52

Kamtoollayaay, aappadaassin ayno kamma pora in daannin? Ha aappadaassin xuumampayasene turan qattishe ka akkima hanqeellaytase de'o' lele'e leyshen. Ishina ka amma hanqeellittase toota' daassen ka ikassen.

Mataafa Taanynyada 10:14

Aana ka killowwasene a rexattene opa ullupada, ishootta ka rakkootoppa ishinan pahen.