Mariqoosi 14:18 - Mataafa Qulqulloota

¹⁸ Ete damta kute'en ka dammaaneeyye Yesuusi ishootta kide, “Anti dukaatannen ishinakiini, ishin oppaayye nama takka ana qapsiisa. Isha nefo amma ana olliiyyi damta dama qara ca.”

Mariqoosi 14:18 ပူးပေါင်းရင်းမြစ်များ

Mataafa Masmuureta 41:9

Moottiyyo an kippanno an toma takkoppa ollin damme kuli, ana qara paarkaallummaatan xa'e.

Maatiyoosi 26:21

A damtoppa caaneeyye, Yesuusi ka ishootta kide, “Dukaatannen ishina kiini, ishin oppaayye nama takka ana qapsiisa”

Maatiyoosi 5:18

Anti dukaatannen ishina kiini, haka piita isho moonta tarpinaan kara'e, seera Waaqa piisa dikkada diisheey, seeroppaayye puussota takka taaki uqqinta takka nefo in patto.

Maatiyoosi 6:16

Kamma desaaw Yesuusi ikide, “Oto damta musannittaneeyye, akka pahanassampaya orra mina pissaayishin in poornaannin. ishootta akka a damta musanna kodden akka orra ishootta upnaado'e fuulaaysho poornaanniiy; anti dukaatannen ishina kiini, ishootta xaayyaasso immakkoota teyyaden.

Maatiyoosi 6:2

Semmalla oto hiyyeessa we daannittooyye, akkimase pahanassampaya orra kurra teya malla, tikka a Yihuta a qinseeta isho porraappaayye koono mina'e orra tura in akkishan. Dukaatan ishina kiini ishootta turanneew xaayyaasso teyen

Maatiyoosi 6:5

Kamma desaaw Yesuusi ikidewe, “Oto qinsannittooyye, akka pahanassampaya orra mina in koddan ishootta akka orra ishootta tooyo'e, tikkasene a orra a Yihuti a qinseeta isho qeppeelliyya porra kapa qaqqa'atta ka Waaqa opa qinsatta jaalanniiy anti dukaatannen ishina kiini, ishootta turanneew xaayyaasso akkaden

Mariqoosi 10:15

dukaatannen ishina kiini, nama a inna shakka mina in koddinin ka mankisteeta Waaqa teyyanni in kinnin, pakkanna oppopa in kalo. ”

Mariqoosi 10:29

Yesuusi ka orshe ka kide, “Dukaatannen ishina kiini, nama ana ka otootase a fayya malla kido ka tikaadi, taaki hellaasso, taaki tuparraasso, taaki aayyaasso taaki aappaaysho, taaki hellaadi taaki lehandaadi alle diisho,

Mariqoosi 14:17

Ete halkeettaawteeyye, Yesuusi tamaarewwasene xaadi kudanka lakki olli de'e.

Mariqoosi 14:19

Ishootta ka seppa nyarrahen ka tara taran isha kaassaden ka kidene, “Hela kati ana koddita?”

Mariqoosi 14:25

Anti dukaatannen ishina kiini, hakan mankisteeta Waaqati wayneetase haaraya ikko kara'e, arepa desa luukase a wayneeta diipamteppaayye lammatta an ikko.”

Mariqoosi 14:9

Anti dukaatannen ishina kiini, piisse qara pora oppa otootose a fayya torraammitto pisa oppaayye, wossene a ishetta koote, isheetta matte oorsatta'e torraaman.”

Mariqoosi 3:28

“Anti dukaatannen ishina kiini, juppoota a orra koono isho otitta a onnaan piisa ishootta diisama.

Mariqoosi 6:11

Pora oppa orra ishin teyyanni in kinnin ka ishin dakayni in kinnini piisa oppa, loqqaassin quda kuyyaalayta dawdawada; sede maakkitta ishootta qara kodditaay.”

Mariqoosi 8:12

Yesuusi xoori isi karan xata harmo nyarrahe ka kide, “Orra xeltoseti maana'e akka ishootta daxxoota kodaneew faani? Anti dukaatannen ishina kiini, xeltoseti'i, daxxoota takka nefo in kodamto.”

Mariqoosi 9:1

Kamma desa Yesuusi i'ishootta kide, “Dukaatannen ishina kiini, orrose amma are co oppaayye, orra a in leenin mali mankisteeta Waaqa a hupna kuttan deenitto akko takka takka ca.”

Mariqoosi 9:41

Dukaatannen ishina kiini, ishina qoota a Kiristoosi kodditen malla, nama maxxiyyon qulla kela pisha ishina qapo, wa kapa akkada in dapo.”

Luqaasi 11:51

Dukaatannen ishina kiini, Apeele desa paayyatte haka Sakkaariyaasise tika qulqulloota isho pora kalisootatiiyyi otantoppa ishshameeti'i, diika a tuqame kapa'e xeltoose'e kassatama.

Luqaasi 22:21

“Ma xoori harka a nama ana qapsiisooti, tin are tomoppa ana olli dammi.

Luqaasi 4:24

Anti dukaatannen ishina kiini, xuumampayta orra piitaayshoti oppa teyyatammi in co.

Yohaannisi 1:51

Anti dukaatannen ishina kiini, a moonta panamto, erkampattowwa Waaqa ka inna a nama qareela fayyannaan ka lekkannaane akkitan.”

Yohaannisi 13:18

Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto ‘Nama laaqqotiyyo dame ana qara' paarkaalummaata' xa'e’ dikkatta isheetta parpaaccisni.

Yohaannisi 13:21

Yesuusi ete asse kide kammaayye isi karan xata kupade ka kide, “Anti dukaatannen ishina' kiini, ishin oppaayye takka ana qapsiisa” Ka olkela ja'i kiishe ka lele.

Yohaannisi 13:22

Tamaarewwaadi ka qoota ayno desa akkima sede haasawade a in upnin malla, oli totooyyen.

Yohaannisi 13:38

Yesuusi ka ishi oorshe ka kide, “Ke ana malla toota kuli isi daasha? Dukaatannen ke' kiini, awwe a lukkalitta in iyyinin turanne, sessaanne ana marmatta.”

Yohaannisi 21:18

Anti dukaatannen ke' kiini, atti a xayya qaptooyye, issinni saalpataayti hiddanni ka pora a heento opa anni; oto keritooyye xoori, harkaatti derassa ka nama pila ka mehadda ke' kalsha ka pora atti a heennini opa ken aana.”

Yohaannisi 3:11

Anti dukaatannen ke kiini, ino waan upna'en haasawanninna ka wa an akkine maakkumminna, ishina xoori maakkuminno a teyyanni a kittan.

Yohaannisi 3:3

Yesuusi ka ishi kide, “Anti dukaatannen ke kiini, nama haka lammatta dalado maliiyyi, mankisteeta Waaqa akkeeta ettaninni in co.”

Yohaannisi 3:5

Yesuusi ka oorshe ka kide, “Anti dukaatannen ke kiini, nama haka pisha isho Hapura Qulqulloota oppa dalado maliiyyi, mankisteeta Waaqa oppopa kalta ettaninni in co.

Yohaannisi 5:19

Yesuusi ka ishootta oorshe ka kide, “Anti dukaatannen ishina kiini, inna Waaqa wa Waaqa Aappa koona ikka akke kodeeta maliiyyi, hupnaadi a ukkumeetatin we takkan nefo kodeeta ettaninni in co. Wa Waaqa Aappa koona, inna Waaqa asseew kooni.

Yohaannisi 6:26

Yesuusi ka ishootta oorshe ka kide, “Anti dukaatannen ishina kiini, ishina wa malla ana faanittane, qoota laaqqoota damten ka duttanten malla diisheey, qoota wa orra qawwanna akkiten mallan.

Yohaannisi 6:32

Sitiiyyi Yesuusi ka ishootta kide, “Anti dukaatannen ishina kiini, a laaqqota moonte xata lekkatte ishina daashe Muusen ma a moonte xata laaqqota dukaata ishina daanno Aappinno.

Yohaannisi 6:47

Anti dukaatannen ishina kiini, nama ana amanno, caatta parapara'e qapa.

Yohaannisi 6:70

Yesuusi ka ishootta oorshe ka kide, “Anti ishin kudanka lakki an reexadenne? Ma ishin oppaayye nama takka taaploosi.”