Mariqoosi 13:9 - Mataafa Qulqulloota

⁹ “Ishina mattaayshina isi tooytaada. Orra firti shoonkota turopa ishin tuukka; ka tikkasene a qinseeta a orra a Yihuta kela ishin karafa, akka maakkiyyaayyo kodditanexe ishina ka ana minan mukissampaya isho nuqussa tura'e, firteeta qa'attan.

Mariqoosi 13:9 ပူးပေါင်းရင်းမြစ်များ

Maatiyoosi 5:22

Anti xoori in ishina kiini, nama a nama qara miironno piisa qara'e faratamta semaliiyyiiw nama a nama onno ka kiino, ‘Toofo’ piisa qara'e firtishoonkota farata nama a nama onno ka kiino, ‘Eepo’ piisa qara'e, apitta a libbini in kinninii faratama

Mariqoosi 1:44

“Sede nama takka nefo kapa in lelan ma, qeesitta kapopa aane ka qeesitta isi akkishe. Ka akka orra piisa maakitta koddito'e, qoota dinaayti ka nyala a ke quda taweeti desa, kalisootase a Muuse ajaje Waaqa kalshe.”

Mariqoosi 13:5

Yesuusi ka ishootta orshe ka kide, “Akka nama takka nefo ishin in sassapannini tooytaada.

Mariqoosi 13:8

Samayta samayta qara'e oranna xa'a; mankisteeta ka mankisteeta qara oranna xaata, piita ka porra lekaya oppan lellehta. Porra lekaya oppa loota ka deeta; sede piisa kan rakkoota paayyota a yatatta paayyota mina pahanaatta.

Mariqoosi 6:11

Pora oppa orra ishin teyyanni in kinnin ka ishin dakayni in kinnini piisa oppa, loqqaassin quda kuyyaalayta dawdawada; sede maakkitta ishootta qara kodditaay.”

Luqaasi 9:5

Oton orrase'e ishin teyyanni in kinnin xoori, oto katamoosen kara sooknittaneeyye, kuyyaalayta loqqaassin quda dawdawada; sede maakkitta ishootta qara kodditaay.”

Yohaannisi 15:20

Isase an ishina' kide, ‘Orxayta poqallaadi qara in qapo’ matte oorsada. Oto pora ana daaneneeyye, ishin kuli asseew pora daanan; oton qaaletiyyo' tooytaadeneeyye, asseew qaaletaayshin kuli tooytaadan.

Yohaannisi 16:2

Tikkasene a qinseeta a orra Yihuta kela ishin sookshan ka ishin kamma daanan. Laadi eta a oppaayye orra ishin lenno piisa, a Waaqa koda koono pahanaatto de'a.

Kodampaya 21:11

Xuumampaytose ka ino kapopa dehaade ka saalpata Pawloosi qeede ka isi tupa harka isho loqqa hide ka kide, “Hapura Qulqulloota ikiini, ‘Yihutaata a Yursaalami kara kitto asse aappa salpatoseti hiita ka orra a Yihutaata in koddinin turopa tuukkita.’”

Kodampaya 7:54

Firtishoonkotase ete sede dakayteeyye, imiirootte ka Istifaanoosi qara'e, miiran ilka ollin qomte.

Kodampaya 9:16

Qootiyyo malla rakkoota kutta a atta kitto akka isha qara kayto ana isha akkishaay.”

Filippisiyuusi 1:29

Wa malla sede qoota Kiristoosi desa ishina' daasamte, akka isha amantan patta mallanne ma, akka isha malla rakkattan kuli malla.

Teseloonqe a lammatta 1:5

Sede piisa wa akkinnitta, firteeta Waaqa akkima dukaata koddite ka mankisteetase' xaadi a' malla rakkoota teyyannittan karopa orra kalta ishootta parpaaccisno ishin koonitto akkinni.

Yohaannisi a lammatta 1:8

Ishina' xoori akka mushshaaraayshin immakkoota akkattane'e, japaada ka wa' kootene akka ishin tura in pannini, tooytaada.

Keleshaata 1:9

Anti innasene xaayshin a kiristaana Yohaannisi; isase Yeuusi Kiristoosi qudanne rakkootaadi ka mankisteetaadi isho duupattaadi oppaayye ishin olli qoottanno, qaaleta Waaqa isho Yesuusi maakkuma minannen, piitase otanta pakateeta' kara kitto ka Fitmo kidammitto kara' hidame.

Keleshaata 2:10

Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.

Keleshaata 2:13

Atti akkima pora a oppa suufaana seetana co oppa kalto in upa. A koddito ma maxxiyyo ikokkonnaysatte ka qapatte, umma amanteeta a ana qara qapto a' marmanne, maakkittase xayyo amaname Antipaasi ete katamasene' xaayshin a kara seetana kala kara ishshame nefooyye, ana amaneeta a' diinne.