Mariqoosi 13:24 - Mataafa Qulqulloota

²⁴ “Sitiiyyi rakkoose piisa kammaayye, piirtota itukkanta, umma leyaa in la'ayo;

Mariqoosi 13:24 ပူးပေါင်းရင်းမြစ်များ

Xuuma Issayyaasi 13:10

Hiikka a moonta quda' isho kitaddaasso in la'ayan; letta nefo oto piirtooyye itukkantaawta; leya umma la'ayta in daasho.

Xuuma Ermiyaasi 4:28

sede minan piita ipooyta; moonta ka illi xata tukkanta; in haasawadeey, dikattiyyo an pursho; in piisadeey, iskammopa an ooro”

Xuuma Hisqeeli 32:7

Awtan ke patinnooyye, moontada turan deka ka hikka kuli tukkansha ka piirtota qara oraartan deka; leya umma in la'ayo.

Xuuma Taani'eeli 12:1

Erkampattootase kelashaatase maana akka kodde ana' lelte ka ana' kiiteewwe, Sapanoosetiiyyi erkampattootase erkampattowwa a qara saara kutta koddite samaytayshin tooytinitto Mika'eli kidammitto xa'a. Rakkoota a inna nama' piita qara uumamene paayyatte apari piita qara'en koddinin ka koddita; ma xoori sitiiyyi nama maxxaadi maskapa caatta a Waaqa oppa' taafame piisa ipaha.

Xuuma Taani'eeli 7:10

Apitta ka sufaanetose' kela xata a malxa a pisha' mina urqini; isha orxaya kumadda lekaya' dikamma'e qapa; orra kumadda kundadda' dikammo ka isha tura' qa'ade. Firteeta ka faratama paayyite; mataaffa kuli ka panamen.

Xuuma Iyyu'eeli 2:10

Piita ishootta tura ixarta, moonta ka olkelan lelleehta, piirtota isho leya ka alle' tukkanan, umma hiikka in la'ayan.

Xuuma Iyyu'eeli 3:15

Kuyyaasetiiyyi piirtota ka leya itukkanan; umma hikka in la'ayan.

Xuuma Amoosi 5:20

Kuyyaatose a Waaqa oppa firteeta farato, kuyyaata tukkanta' diisheey a la'ayta ishina'en koddito; kuyyaase kuyyaata oppa la'ayta akkaanni in kinnin ka tukkante ka a nan kiite ishin qara' koddita.

Mariqoosi 13:23

Anti we piisan turanneew ishina leleey, semalla tooytaada.”

Petiroosi a lammatta 3:10

Kuyyaata poqalla' xoori a opa isi qara in upnin mali a kera' mina' deeta; kuyyaasetiiyyi moontada nessa a kuttanne patan. Uumata piisa apittanne kupada ka pata, piita isho wa piita qara ca' piisa ka kupadan.

Petiroosi a lammatta 3:12

Semmalla a deena kuyyaata Waaqa yaatattaan asanna ka akka jarjartan deeto' koona' kodda; kuyyaasetiiyyi moonta apittanne kupatta ka patta, uumata moonta ka foola apittatin liila.

Keleshaata 20:11

Sekkammaayye anka sufaana kutta a ata ka a sufaanase qara kute'e akke; piita isho moonta ka isha turaayye qahen. Umma pora ishootta in teyanne.