Mariqoosi 13:14 - Mataafa Qulqulloota

¹⁴ Akkima xuumampaytase Taani'eli haasawade mina'e, oto “nyala pateetta pora a oppa kinnaatta ishootta faani in kinnini oppa akkitaneeyye. Nama nappapno a sede matte qapnaado! Sitiiyyi a piita Yihuta oppa ca, a alle irroowwa qaropa qahen.

Mariqoosi 13:14 ပူးပေါင်းရင်းမြစ်များ

Pooyta Ermiyaasi 1:10

Paarkaala, teyantaadi a qapto piisa tura saren, akkima ishshaarritta orra Waaqa oppopa in kullinini'i, orrase a dawrite killanna kodanno kuli ka tikaadi a qulqulloota karopa kulle; isheetta ka sede akkite.

Xuuma Hisqeeli 44:9

Waaqase' piisa qara qapo ikiini, “Hapta a dawra qara in murannin ka ana' ajajama in heennin, a samayta Isira'eeli oppa kalo oppaayye takka nefo tikiyyo a qulqulloota' kelopa in kullo.”

Xuuma Taani'eeli 11:31

Xelase xaadi a oranna ka tikase a qulqulloota nyalissa' xa'an; ka kalisootase kuyyaata mina dehannitto kuli alle hattishan ka pakkoose oppa nyala heenti kodan.

Xuuma Taani'eeli 12:11

Eta a oppa kalisootase a kuyyaata mina dehaannitto haste pakkoose oppa nyala heente ka kodammaane desa paayyatte kuyyaata kuma ka dippa lakki ka kunda sakali tarpa.

Xuuma Taani'eeli 8:13

Sekkamma anka a qulqullowwaappa takka' haasawanno dakaye. Qulqullitta pila ka isase' haasawanno' kide, “Hela wossene kelashaatoppan qoota kalisootase kupnaan a kuyyaata mina' dehannittooti desa akkaade ka qoota neequmtose a nyala koddite desa akkaade ka sede a tika qulqulloota isho lekna qara diddiitammo desa akkaade aytami dikkadan?

Xuuma Taani'eeli 9:27

Mukissampaytase tappa takkan kara'ew samayta lekayta olli kodayteeta kodada ka paka tappoosene kara'e kalisoota isho' daassata dehaannito piisa alle' hattisha ka pakkoose oppa'e haka kuyyaatase a toota isha qara' kidamte kaynitto kara'e tika qulqlloota' kara'e nyala hente koda.

Maatiyoosi 13:51

Kamma desa Yesuusi i'ishootta kaassade ka kide, “Hela kuli se piisa i'ishina kalte?” Ishootta ka oorshen ka kidene, “Aa.”

Qorontoosi a paayyota 14:20

Hellaanno a kiristaanatiiyyi, wa neeqa' kodeeta kapaayye nyooqqawwa kodda; ma dikattaayshinan nyooqqawwa an koddan. Dikattaayshinan orra qime kodda.

Keleshaata 1:3

Wossen piisa qoota dehaynittoppa' dikkadan malla, nama qaalese a xuuma nappapno a eeppisame. Akkimoose mina'ew, a qaalese a xuuma dakayna ka wa xuumose kara' taafame koona a eeppisame'ew.

Keleshaata 13:18

Semmalla tooy ookuma eeyye qara'e parpaaccisni. Nama upna qapo, a dikoota pinantoseti kara diko; dikoose nefo, nama mina tooyni dikoose dippa lehi kunda lehi lehi.