Mariqoosi 13:11 - Mataafa Qulqulloota

¹¹ Oto orra ishin qapo ka firteeta turopa ishin dehannooyye, ‘Maanan mina oorsanna?’ In kidan ka turan in qaapan. A haasawado Hapura Qulqulloota diishe ishinanneey; semmalla wa saatese oppa ishina daasama pattaaw haasawda.

Mariqoosi 13:11 ပူးပေါင်းရင်းမြစ်များ

Mataafa Saamu'eeli a lammatta 23:2

“Hapura Waaqa anoppanne haasawade, qaaletaadi ka arrapiyyo qara kitta.

Xuuma Issayyaasi 50:4

Akkan a nukkullaadeti qaaletan xasa oorissa ettansho'e, Waaqase' piisa qara qapo afaa orra a tamaare'e ana' daashe; ka teykanta teykantaayye mukittaappa ana xa'inni; ka akkan a nama tamaarro mina dakkaysado'e, nappaayyo panni.

Maatiyoosi 10:17

Orra taanynyada turopa ishin tuukka ka tikkasene a orra a Yihuta a qinseeta kela ishin karafaay, orra kapa istoytaada.

Mariqoosi 13:12

Hellaa toola oli tarpishaan ka toota oli daashan; aappa ka innaadi toota tarpisha ka daasha. Hellaa ka toollaasso qara paarkaalummaatan xa'an ka ishootta leyshan.

Mariqoosi 13:9

“Ishina mattaayshina isi tooytaada. Orra firti shoonkota turopa ishin tuukka; ka tikkasene a qinseeta a orra a Yihuta kela ishin karafa, akka maakkiyyaayyo kodditanexe ishina ka ana minan mukissampaya isho nuqussa tura'e, firteeta qa'attan.

Luqaasi 21:12

Ma xoori a sede piisa in koddinin turanne, orra ishina qaqqapa ka ishin kamma daana ka tikkasene a qinseeta a orra Yihuta isho tika hida opa ishin tarpisha ka qoota maxxiyyo malla saarra piita isho nuqussa turopa ishin qeeda.

Yohaannisi 3:27

Yohaannisi ka ishootta oorshe ka kide, “A Waaqa nama daasho mali, nama we takkan nefo qapnaatta ettaninni in co.

Kodampaya 2:4

Ikka piisanti Hapura Qulqullootatin immakaaden. Ka akka Hapura Qulqulloota akka haasawadane, ishootta ettanissa daashe qara'e, afadda pilaatin haasawatta paayyen.

Kodampaya 3:13

Waaqase a aappadaannoti, a Aprihaami ka a Hisaaqi ka a Yayqoopi, isha innaadi Yesuusi ulfeesse; ishina' xoori Pilatoosi tura'e isha tarpissen ka daassen ka ete Pilaatoosi isha fureeta fadeeyye tiitten.

Kodampaya 4:31

Ete qinseeta diikkishen kammaayye, porase a oppa ollin caan ka lellehe. Ikka piisani Hapura Qulqullootatin immakaaden ka fuura mali qaaleta Waaqa maxanyumaan torren.

Kodampaya 6:10

Ma xoori ookuma isho hapura Istifaanosi ishin haasawanno mina' oorissa in ettaninne.

Kodampaya 6:15

Sitiiyyi orra a firtishoonkotoppa co piisa, ete Istifaanosi quda ilda koden ka tooynaaneeyye, fuulaadi fuula erkampattoota Waaqa'e ishootta' pahanaade.

Kodampaya 7:55

Isha' xoori Hapura Qulqullootatinni immakaade ka moontandela tooyyade ka ulfeena Waaqa isho Yesuusi a harka Waaqati akkitta qa'ade akke.

Qorontoosi a paayyota 2:13

Semmalla ino, ookumase hapura Waaqatin teyannonnen orra hapurati wa a hapura' kollinnina diisheey, ookuma a nama kapa de'en an kollinni an kinno.

Efesooni 3:5

Juuttose nefo akkima amma hapura Waaqatin erkamampaya isho xuumampaya akkaatte mina'e orra sapanna tarrpeeti cooti'i in akkaanne.

Yayqoopi 1:5

Ishin oppaayye nama a ishi ookuma qaje oton icaayye, a Waaqa qinsado; Waaqa i'ishi' daashaay. Isha' xoonampayta Waaqa, a fuula in quu'inin mali a nama piisa xoona daannooy.

Petroosi a paayyota 1:12

Xuumampayoosen akkima ishin kela koda koonaan ka issi' kooni in kinnin, i'ishootta akkaatte; saanta a ishin ishin kela koda koden nefo, qaalese a amma Hapurase moonte lekkadenne orroose otootase a fayya ishina' torrino ishina' lele akkissaanne ishin kela koda koden. Erkampattowwa kuli ka sede kara akkeeta xajeelli.