Mariqoosi 12:29 - Mataafa Qulqulloota

²⁹ Yesuusi ka ishi orshe ka kide, “Ajaja piisa qara jaallo, isase kiino, ‘Isira'eleteeyye dakkaysado! Waaqa poqallaanno isha Waaqa takkayta.

Mariqoosi 12:29 ပူးပေါင်းရင်းမြစ်များ

Mataafa Masmuureta 86:10

Maana malla, atti ikutti ka wa orra qawwanna' kooniiy, ke pattan Waaqa.

Mataafa Pahana 23:26

Innaayyo, karittaayti ana daashe; ilddaatti ka saantiyyo qara in maqqinin.

Maatiyoosi 10:37

Nama a ana qaran qapto aappaaysho ka aayyaasso jaalanno piisa, tamaarittiyyo koddeeta isha parpaaccisni in kitto. Nama ana qaran qapto innaadi ka enentaadi jaalanno, tamaarittiyyo koddeeta isha parpaaccisni in kitto.

Maatiyoosi 23:9

Ishina qoota moonte appa takka pattaaw qaptan malla, piita qaraayye nama takka nefo ‘aappo’ in kidan ka in halan.

Luqaasi 10:27

Namase ka ishi kide, “Seera ikiini, ‘Waaqa Poqallaatti, karittaayti piisan ka isi piisan ka hupnaayti piisan ka dikattaayti piisan, jaalado; ka akkima isi jaalannitto mina'e, kantittaayti jaalado.’”

Roomi 3:30

Ha Waaqa takkayta ka isha'ew Yihutaata isho a Yihutaata in koddinini amanteetan hanqeellanni.

Qorontoosi a paayyota 8:4

Semmalla, qoota so'a a killoota' qalame' dametati desa, killoota akkima caatta in qapnin, Waaqa takkayta maliiyyi a pila ka in kinnin, in upna.

Kelaatiya 3:20

A koddito ma, araarissampayse otantoppa co, kola lakki piisa'e qa'anni diisheey kola takkan patta' qa'anni in co. Waaqa xoori takkayta.

Mataafa oppa' Ooreta 10:12

Amma samayta Isira'eelitiiyyi, Yaahiwwe Waaqaayti maana ke qara faani? Akka Yaahiwwe Waaqaayti tura fuurto ka saantaadi pisa oppan anto ka isha jaalatto ka karittaayti piisan ka isi piisan isha waaqaaysatto, ka akka ke ettanto'e akka ajajadda ka taantewwaadi an awwe ke daanna tooytito'enne?

Mataafa oppa' Ooreta 30:6

Akka caatto'e ka Yaahiwwe Waaqaayti karittaayti piisan ka isi piisan jaalatto'e, Yaahiwwe Waaqaayti ke isho sanynyeetaayti'i karitta isha afa dakayno daasha.

Mataafa oppa' Ooreta 6:4

Samayta Isira'eelitiiyyi dakkaysada! Yaahiwwe waaqinno takkayta pattan Yaahiwwe.

Timotoosi a paayyota 1:5

Ajajoose wa malla daasamma' xoori, jaalalasene karitta fayya ka dikatta paxaara isho amanteeta dukaata kara deena;

Timotoosi a paayyota 2:5

Waaqa takkayta; a otantoppa co ka Waaqa isho nama ollin araarinno nefo takkayta. Isha nefo, isase nama kodde Yesuusi Kiristoosi.

Yayqoopi 2:19

Atti i'amanni ka kiini “Waaqa takkayta ca” Sede ipaxaari, a amanteetatidesa orriyya kuli amanni ka fuuraan xarri.

Yihuta 1:25

Waaqase a isha patta dinshampaytinno kodde'e, Poqallaanno Yesuusi Kiristoosi qudanne, a xattati paayyatte ka amma ka haka paraparati kuli ulfeena ka kuttumta ka hupna isho ukkumeeta a isha' kodden. Ameen!