Mariqoosi 11:9 - Mataafa Qulqulloota

⁹ Orra Yesuusi tura qate isho a kamma qate piisa ka nessa kuttan kiini, “Ulfeena a Waaqa koddo! a maxxa Poqallaatin deeno, a eeppisame.

Mariqoosi 11:9 ပူးပေါင်းရင်းမြစ်များ

Maatiyoosi 21:9

Samaytoppaayye a isha tura qate ka a isha kamma qate isho a isha kammadesa deena ka nessaaysho kuttishen ka dawanni ka kiini “Hoossa'ina! A kalata innasene a Taawwiti kayo! A maxxa Poqallaatin deeno, a eeppisamo! Moonte Waaqa a kalataysamo!”

Maatiyoosi 23:39

In ishina kiini, haka ‘A maxxa Poqallaatin deeno, a eeppisame’ kiitan kara'e, ana a akkitan.”

Mariqoosi 11:8

Orra lekayta ka ohawwaasso poroppan desa afni, a demo ka taamma haashsha qapa quurri ka poroppan desa afni.

Yohaannisi 12:13

Ka taamma Sampaapa qapade ka isha teyyatta' sooke ka nessa kuttishe ka kide, “Hosa'inna, nuqusa Isira'eeli a maxxa Poqallaatin deeno a eeppisamo!”

Yohaannisi 19:15

Ishootta' xoori ihoren ka kidene, “Alle' sekayshe, alle sekayshe ka fannise!” Pilatoosi ka ishootta' kide, “Hela nuqusaayshinan alle' fannisa?” Saarra qeesewwa kuli ka ishi oorshen ka kidene, “Nuqusase kutta a Roomi qeesaari maliiyyi ino nuqusa pila an qapno!”