Mariqoosi 11:13 - Mataafa Qulqulloota

¹³ Ka laka desa qoyra takka hilteeta a haashshaan ilaawa akke ka kide, “Takka punu luukkata qara caada;” Ka kelopa aane. Ma xoori ete kapopa dehaadeeyye, qoota eta oppaayye qoyroose a hilteeta dallo in koddinin malla, haashsha mali we qara in teyne.

Mariqoosi 11:13 ပူးပေါင်းရင်းမြစ်များ

Xuuma Issayyaasi 5:2

Ka dulase qote ka kara dakadda pohe; ka oppa' wayneeta fayya' dishe; ka oppa' poqa a tooya' dawe; ka kara' pora oppa' wayneeta diipan kode; ka kippade ka kide, “Wayneeta a me'aawnitto dalta;” Isheetta' xoori a haddaawnitto dalte.

Xuuma Issayyaasi 5:7

Waaqase Poqalla we' piisa ettaninno, dulaadi a wayneeta' samayta Isira'eeli, samayta a Yihuta kan dishmaadi a ishin xasoonno; ka allu ishootta qara mura a dukaata' fade, ma xoori, orra patta' leyshene akke; ka hanqeelluma fade, ma xoori ullupitta a orra miiddameeti dakaye.

Maatiyoosi 21:19

Ka qoyra takka a hilteeta pora kapa akke ka kelopa maqe, ma haashsha mali delta takka nefo qara in akkine ka semmalla qoyraseti kide, “Awwe desa delta an delan.” Qoyrase ka eennow koke

Mariqoosi 11:12

Parraytaadi ete Pittaaniyaayye oorraaneeyye, Yesuusi idoxe.

Mariqoosi 11:14

Seminan Yesuusi ka qoyrase a hilteetati kide, “Arepa desa nama takka nefo ke qara luukkata in dammin” A sede haasawannooyye tamaarewwaadi ka dakayen.

Luqaasi 10:31

Qeesitta takka xaadi anno ka porose oppa xata anni; ka ete namase qidame ka eyye katame akkeyye, a we takkan nefo isha in koonin maliiyyi, qinda pilaatin maqe ka kapa tawe.

Mataafa Rutti 2:3

Isheetta ka ante ka a isqara in upnin maliiyyi dula aappa takka Po'esi kiinaan a daltayta Elimeleki kodde oppopa ante ka eyye ferampaya kammaayye patteeta faddata paayyite.

Mataafa Saamu'eeli a paayyota 6:9

Ka tooya, oton Peeteshemishi hamintase xaadipa anniiyyi, asseeyye Waaqase a Isira'eeli'i ino qara rakkoose kutta qeede. A taakiti akkima rakkoose isha ino qara in qeennin ikka asse patta koddite in upnaanna.