Mariqoosi 11:1 - Mataafa Qulqulloota

¹ Yesuusi isho tamaarewwaadi ete katama Yursaalami kapa dehadeneyye, Peetefaake isho Pittaaniyaanne aanen ka Taprasayti kayen. Yesuusi ka tamaarewwaadippa nama lakki erke ka ishootta kide,

Mariqoosi 11:1 ပူးပေါင်းရင်းမြစ်များ

Mataafa Saamu'eeli a lammatta 15:30

Taawwiti xoori matta qaranne ohaata qeede ka marattase a irroota Taprasayti loqqa pattan fayyade ka poran pooyni. Samaytase isha quda co piisa ka mattadaasso qaran ohawwa qeedaden ka pooytan fayyaden.

Xuuma Sakkaariyaasi 14:4

Kuyyaasetiiyyi, loqqaadi irroota a Taprasayti isase Yursaalamiiyyi qinda piirtota opa kitto qara'e qa'adan. Irroose a Taprasayti ka qinda piirtotati desa ka haka dumaataati lakki' kaamatta, naaba kuttayta ka kara sooka; irroota paka takka ka qinda qutatta opa hasta, paka takka ka qinda tupatta opa hasta.

Maatiyoosi 21:17

Ka alle ishootta diishe ka katamaappa sooke ka piita Pittaaniya opa aane ka eeyye muke.

Maatiyoosi 24:3

yesuusi a irroota Taprasayti qara kuti'e ka eyye cooyye, tamaarewwaadi xawwaati isha kapopa de'en. Ka isha kaassaden ka kidine, “Ata wossen piisa aytami koddan? Milikkita an ishin deenaatti isho piraampira piita upnaanno kan maana?”

Maatiyoosi 26:30

Ka ete masmuureta dawaden kammaayye, irroota Taprasayti qaropa fayyaden.

Mariqoosi 11:2

“Qatta ka paleese ishin tura kitto oppopa aana; ka oto eyye kaytaneeyye, innayya harreeta anama takka nefo turan qara in kutiinini, a eyye hiddame'e akkitaneey, fura ka ishin xooya.

Mariqoosi 13:3

Yesuusi ete tika qulqulloota mina desa irroota Taprasayti qara kuti'eyye, Peetiroosi ka Yayqoopi ka Yohaannisi isho intiriyaasi ka xawwi desa isha kapopa dehaaden ka isha kaassaden

Mariqoosi 14:13

Isha ka tamaarewwaadippa nama lakki erke ka ishootta kide, “Katamaapa aana ka, nama okkotan pisha haano akkitaneeyi, kamma aana.

Mariqoosi 6:7

Yesuusi erkamampayasene xaadi kudanka lakki isi kapopa hale ka lakki lakki ollin qape ka erke ka hapurra neeqa qara hupna ukkumeeta ishootta daashe.

Yohaannisi 8:1

Se kammaayye Yesuusi irroota Tepreseyti opa aane,

Kodampaya 1:12

Sekkammaayye, ishootta ka irrootase Taprasayti kidammitto qaraayye Yursaalamipa tiitaawen. Irrootose a Taprasayti Yursaalami kapa desa pora a kuyyaata saampata orra Yihutaati anta' faqqatammo (Kiilomeetreeta takka) mina' kitto'e seki.