Mariqoosi 10:37 - Mataafa Qulqulloota

³⁷ Ishootta ka ishi orshen ka kidene, “Ulfeena mankisteetaayti oppaay, ino oppa nama takka akka qindaayti a akkittatin kute'o, takka ka a pittittati kute'o ino faqqate.”

Mariqoosi 10:37 ပူးပေါင်းရင်းမြစ်များ

Mataafa a Nuqussa a paayyota 22:19

Mikkiyaasi ka ishi kide, “Semmalla nessa Waaqa Poqalla dakaye, a Waaqa Poqalla sufaanetaadi qara kuti'en akke. Xela moonta piisa ka akkitta ka pittittan isha kapa qaa'ade.

Mataafa Masmuureta 110:1

Ha Waaqa ipoqallaayyo' kide, “Hakan' nyaapaayti hupnaayti a ukkumeeta' kelopa ke' oorinno kara'e, harkiyyo a akkittati' kuti'e.”

Mataafa Masmuureta 45:9

Iskatta tikase' xaayti a manksteeta kara co oppaayye, tuparra nuqussa'e ca; nuqusitteeta ka mehadda a warqeeta paxaaratin quda siren kalsatte, ka qindaayti a akkittatin qa'atte.

Maatiyoosi 19:28

Yesuusi ka ishootta kide, “Anti dukaatannen ishina kiini, oto we piisa haaraya koddinaaneeyye, inna nama ka suufaanaadi a ulfeena qara kuti'aneeyye, awse ishina ana kamma deena, sufaana kudanka lakki qare kutiitan ka kaffasene a Isira'eeli kudanka lakki qara farattan.

Maatiyoosi 25:31

Kammadesa Yesuusi ikide, “Inna a nama oto erkampattowwa a Waaqa olli ulfeenan deenaaneeyye, sufaana ulfeena qare kuti'an.

Mariqoosi 10:36

Isha ka ishootta kaassade ka kide, “Akkiman maana ishina kodo faanittan?”

Mariqoosi 16:19

Poqalla Yesuusi ete sede piisa ishootta haasawade kammaayye, moontopa fayyade ka harka Waaqati qinda akkittaati kute'e.

Mariqoosi 8:38

Nama xeltase marmattampayteeta ka juppoolayteeta koddite tura ana ka qaaletiyyon jeerro piisa, anti inna a namatiiyyi oton erkampattowwa qulqullaawe olli ulfeena Aappinnootin deenoyye, asseewwen ishan jeera”

Luqaasi 24:26

Kiristoosi rakkoose piisa teyyatta ka ulfeenaadippopa kalta isha parpaaccisni in kittoo?”

Petroosi a paayyota 1:11

hapurase a Kiristoosi turan ishootta kara co ka rakkootase Kiristoosi qara' kayto ka rakkoose kammaayye, ulfeena a akkado turanneew ishootta akkishe. Ishootta ka sede piisa aytami akkima koddito ka atta akkima koddito kara qoren.