Mariqoosi 10:24 - Mataafa Qulqulloota

²⁴ tamaarewwaadi ka qaalese xaadippa qawwaawen. Yesuusi xoori i'ishootta oorshe ka kide, “Hellaay, mankisteeta Waaqa oppopa kalta oo attan rakkoota.

Mariqoosi 10:24 ပူးပေါင်းရင်းမြစ်များ

Mataafa Masmuureta 17:14

Oo Waaqqo! orrose kelaayye harkaaytin anan pahe ka orrase a qoottotaaysho kallaase a piita qara patta koddite kelaayye ana dinshe; teyantase' xaayti dekatte oppaayye, karittaaysho duttanisse; ikka hellaasso nefo kela haste; ka teyantaaysho a ishootta kela haste kuli arepeela hellaassoti kuulli.

Mataafa Masmuureta 52:7

“Tin eeyye, namase Waaqa qara isi in xaayannin, ka teyantaadi a koopte kippade, ka wa neeqa' kodeeta kamma' kame, eeyye tooya.”

Mataafa Masmuureta 62:10

Wa' sartene qara' xasa in xaayadan; umma wa' hattene in kippadan. Oto teyanta kooptooyye, isheetta qara' xasa in xaayadan.

Mataafa Pahana 11:28

A teyantaadi kippanno ipi'a, hanqeellaya xoori a qoyra qoyya mina'e japaran.

Mataafa Pahana 18:11

Teyanta teyaantolaya ishootta'e katamaasso a oxname' mina, ikka akkima kawwatta a kayyatammi in kinnin mina' dikanni.

Mataafa Pahana 23:5

Oton teyanta qara'e ilddaatti xaayatteeyye, irra qara patta, ka akka seyya mina xoolla kodatta ka moontan xa'atta.

Xuuma Ermiyaasi 9:23

Waaqa asse kiini, “Ookayta, ookumaadi in in jeejjannin; kokkonnittaaw kokkonnumaadi in jeejjannin; umma teyantoolayta teyantaadi in jeejjannin.

Xuuma Inpaqoomi 2:9

Ishina teyanta a karpa' koddite ollopa pootattaan tikkaassin immake ka akka rakkoota ishin qara in deenini'i, tikkaassin a kallaata irrowwa qara' qupadeetiiyyi, oo ishin kido!

Xuuma Sofooniyaasi 1:18

Awta kuyyaata a miira Waaqa kaytooyye, pirrewaasso taaki warqewwaasso ishoottan paha in ettanshan, piita piisa ka a isqara in upnin maliiyyi akka apitta paata kupno ka pirro mina'e, miira Waaqa a haalota pooyya' deenon piramta.

Maatiyoosi 19:25

Tamaarewwaadi ete sede dakayeneeyye, harmo oppa qawwaawen ka kidene, “Ka kuli asseeyye, ayno dineeta ettansha?”

Mariqoosi 1:27

Orra piisa ka oppa qawwaawe ka oli kakaassanni ka kiini, “Ata ini maana? Ini kollissa haaraya a atta paho? Hapurra nenneeqa kuli hupnaadi a ukkumeetatin ajajin. Ishootta nefo ka ishi ajajammi.”

Mariqoosi 10:23

Yesuusi ka tiitaawe ka tooyyade ka tamaarewwaadi kide, “Teyantoolaya'e, mankisteeta Waaqa oppopa kalta, oo attan rakkoota!”

Luqaasi 16:14

Feresaata, qoota kaaja jaalannito malla, waasene a Yesuusi haasawade piisa dakayte ka isha qara seeste.

Yohaannisi 13:33

Hellaayyooyye, anti an ishin kapa a kuttati an jaro, ishina ka pora ana faatan. Akkiman ukkumampaya a Yihutaati kide'e, ‘Pora an anti opa anno opa deena a ettanissan’ mina'e, amma nefo asseewwen ishina' kiini.

Yohaannisi 21:5

Yesuusi ka ishootta kaassade ka kide, “Hellaay, hela Murkuja i'qaptane?” Ishootta ka ishi oorshen ka kidene, “Murkuja takka nefo an qapno.”

Yohaannisi 6:60

Tamaarewwaadi oppa, lekaya ete sede dakayeneeyye, ikidine, “Haasoosen ikokkokiiy, ayno teyyatta ettansha?”

Kelaatiya 4:19

Hellaayyooyye! haka Kiristoosi ishin kara akkaanno'e a lammattati'i ishin malla yetatta xaaya ana qape.

Timotoosi a paayyota 6:17

Teyantoolaya a piisseti, akka issi in peepnin, taaki kippeetaaysho teyaanta paatapatta qara in xaayannini'i; ishootta ajaje ka akka kippeetaysho Waaqase akkaan xasoonno'e we piisa koopinno ka ino' daanno qara' xaayadane'e ishootta ajaje.

Yohaannisi a paayyota 2:1

Hellaayyooyye! Waan malla sede ishina' taafna, akka ishina juppoota a' koonin malla. Ma xoori oton nama juppoota kodaayye, Waaqa Aappa kapaayye tamaakkattampaytan qapna. Isha' nefo hanqeellittase Yesuusi Kiristoosi.

Yohaannisi a paayyota 4:4

Hellaay! ishina a Waaqa. Hapura a ishin kara co, a piitoppa co qara qapa; semmalla xuumampaya a darta ipputten.

Yohaannisi a paayyota 5:21

Hellaayye! killanna waaqaysatta kapa isi tooytaada.

Keleshaata 3:17

Atti ikkiini, ‘Anteyaantolayta ka teyaanta kutta' qapa; umma wa ana' qajna takkan nefo in caan.’ Akkima' hiyumte ka nyorpite ka teekte, ilda ka ke qara' paten akka lulle kitto, a upto.