Mariqoosi 10:23 - Mataafa Qulqulloota

²³ Yesuusi ka tiitaawe ka tooyyade ka tamaarewwaadi kide, “Teyantoolaya'e, mankisteeta Waaqa oppopa kalta, oo attan rakkoota!”

Mariqoosi 10:23 ပူးပေါင်းရင်းမြစ်များ

Mataafa Iyyoopi 31:24

Oton warqeetan kippadeeyye, ka warqeeta paxaara' xasa' kodadeeyye,

Maatiyoosi 18:3

ka kide, “Dukaatannen ishina kiini, oto ishina a pursammin ka akka hella shashakka mina a koddininiiyyi, pakkanna mankisteeta a moonta oppopa a kaltan.

Mariqoosi 10:15

dukaatannen ishina kiini, nama a inna shakka mina in koddinin ka mankisteeta Waaqa teyyanni in kinnin, pakkanna oppopa in kalo. ”

Mariqoosi 10:22

Namase ete sede dakayeeyye, nyarrahatane fuulaadi poornayshe; ka qoota teyanta kutta qapo malla, nyarrahatan alle aane.

Mariqoosi 3:5

Yesuusi ka karittaaysho a dundune qara nyarrahe; ka orra a kapandesa co ilda miiratin tooye ka namaseti kide, “Harkaayti derayshe!” Ikka derayshe, harkase xaadi ka dine.

Mariqoosi 5:32

Yesuusi xoori nama isha quda qappade akka'e, isi kapandesa tooyni.

Luqaasi 18:24

Yesuusi ka akka namase nyarrahe akke ka kide, “Teyantoolaya'e, mankisteeta Waaqa oppopa kalaa'e, oo attan rakkoota!

Yohaannisi 3:5

Yesuusi ka oorshe ka kide, “Anti dukaatannen ke kiini, nama haka pisha isho Hapura Qulqulloota oppa dalado maliiyyi, mankisteeta Waaqa oppopa kalta ettaninni in co.

Qorontoosi a paayyota 1:26

Hellaanno a kiristaanatiiyyi, a Waaqa ishin halaannooyye, orra atta paho akka' kodditen, matte oorsada. Akka dikatta nama qara'e, ishin oppaayye lekaya ookkaan, umma kokkonnayaan, umma kutkuttowwaan.

Yayqoopi 2:5

Ishina a jaalatame hellaanno a kiristaanatiiyyi, dakkaysada! Waaqa, akka amanteetan teyaantolaya koddan ka mankisteetase a orra isha jaalanno' kippeeta' daashe lehadane'e, teekolaya piisseti in reexanne?

Yayqoopi 4:4

Ishina amanammi in kinninitiiyyi! nama piita jalanno akkiman paarkaala Waaqa a' uptane? Semmalla nama piita jaalanno piisa paarkaala Waaqa'e koddini.

Petiroosi a lammatta 1:11

Seden oori mankisteetase a parapara a Poqallaanno ka a Qoraccinno a Yesuusi Kiristoosi oppopa kalta'e, immakkootanne ishina daasamta.