Mariqoosi 10:17 - Mataafa Qulqulloota

¹⁷ Yesuusi ete eyye sooke ka annooyyeew, nama takka isha minopa keere ka isha tura kilpiippade ka isha kaassade ka kide, “Atti kollissampayta a paxaara, akkan caatta parapara akkado'e, maana kodeeta ana faani?”

Mariqoosi 10:17 ပူးပေါင်းရင်းမြစ်များ

Xuuma Taani'eeli 6:10

Taani'eeli kadii punu akka ajajoose' taafame, kobbeeta ka kamma' toommamte dakayeeyye, fooqotaadi qaropa fayyade. Maskootewwa fooqetaadi qinda Yursaalami opa panama ka akka turan kuyyaatoppa sessaan qinsanno mina'e, Waaqaadi tura kilpiippanni ka kuyyaatoppa' sessaan Waaqa qinsanni ka isha kalataysanni.

Maatiyoosi 17:14

Ete samayta kapopa tiitaweneeyye, nama takka Yesuusi kapopa de'e ka isha tura kilpiippade ka kide,

Maatiyoosi 25:34

Sitiiyyi nuqusase ka isasene qinda akkittati caati kida, ‘Ishina a aappinno ishina sakeeti, xooya ka mankisteetase a piita uumamte paayyatte ishina harmisamte lehada.

Maatiyoosi 28:8

Sekkamma ishootta aren ifuurri ka aren harmo xasoonni ka jarjartan alle hawlase kapa aanen ka tamaarewwaadi torreeta hiren.

Mariqoosi 1:40

Qoosholayta takka ka Yesuusi kapopa de'e. Ka loqqa kela ishi kilpippade ka kide, “Oton iheentaayye, ana dinissa ka nyala ana quda tawissa ettanissa.”

Mariqoosi 10:18

Yesuusi ka ishi oorshe ka kide, “Waaqa takkayta mali a paxaara takka nefo in cooy, maana'e a paxaara ana kiini?

Mariqoosi 12:14

Ka dehaaden ka Yesuusi kidene, “Kollissampayto, atti akkima dukollayta koddite in upna. Umma nama fuureetan ka atta ana kidan kideetanne, wa a koonitta in caan ka dukaata qara saanta Waaqa kollinni; hela seerinno oppaayye nuqusase kutta a Roomiti'i kipira daassata ifaqqatamtem, mon in faqqatamme? Kipira in daannam mon an daanno?”

Mariqoosi 9:25

Yesuusi ka akkima samayta olkelan isha kapopa hirro akke ka hapurase neeqa fukke ka kide, “Atti hapura dakkaawe ka haasa ettaninni in kinniniiyi! akka innoosen kara sookto! ka lammatta karopa a oorini in ke ajajini.”

Luqaasi 10:25

Kuyyaata takkaayye kollissampayta takka a seera'e Yesuusi kapopa de'e ka isha ekkaysatta fade. Ka isha kaassade ka kide, “Kollissampayto, caatta parapara akkatta'e maana kodeeta ana faani?”

Yohaannisi 3:2

namoose halkeette Yesuusi kapopa aane ka ishi kide, “Kollissampayto, a Waaqa isha olli kinnaado maliiyyi nama takka nefo wossin orra qawwanna a atti koonitta, koda ettaninno in co. Semmalla atti akkima kollissampayta Waaqa kapa de'e koddite in upna.”

Yohaannisi 5:39

Ishina qoota mataaffa qulqllootatin a caatta parapara akkattan ishina pahanaannitto malla, ishootta karaawwe qorrittan. Ishootta xoori qootiyyo desa maakkummi.

Yohaannisi 6:40

Aa henna a Waaqa Aappinno, nama inna Waaqa akko ka isha amanno, akka caatta parapara akkado. Anti nefo kuyyaata piraampiratiiyyi tootoppa in isha xaasha.”

Kodampaya 16:30

Ka lakopa ishootta sookshe ka ishootta kide, “Poqalladdaayyo, akkan dino'e, maana koda ana parpaaccisni?”

Kodampaya 2:37

Orrase ete sede dakayeeyye, ikka a kuttati karittaaysho karanxata ishootta' dakaatte, ika Peetiroosi isho erkamampayasene ata haseeti' kidene, “Hellaanno! Ka kuli maanan koona?”

Kodampaya 20:32

Amma nefoow, Waaqa isho qaaletase a daassataadi isase ishin kokkoonnasso ka qulqullowwaappa ishina lehna daassata ettanisso'en atara ishin daanni.

Kodampaya 9:6

Ammaa xoori xa'e ka katama karopa kale, wa koda ke parpaaccisnitta eyyeeyye ke lelamaneey.”

Roomi 2:7

Orra koda paxaaran japaattaan a kalata ka ulfeena isho caattase panni in kinnin faano, Waaqa caatta parapara'e ishootta' daasha.

Roomi 6:23

Tookta a juppoota kela deenitto toota. Daassata a Waaqa kapa daasammitto xoori, caatta a parapara; a Poqallaanno Yesuusi Kiristoosi qudan teynaan.

Efesooni 1:18

Kippeeta a atta pahato'e akkima' halaamten ka lehnasene ulfeessame a qulqullowwa lehaadane a atta kitto akkima kutti, akka upnaattane'e, ildaassin a karan xata akka ishina' panamane'en qinsanni.

Tiito 3:7

Sede nefo wa malla asse kode, akkan daassataadin hanqeellummo ka caattase a parapara an kippeetan asanninno, lehaanno malla.

ipro 1:14

Ka kuli erkampattowwa piisa, hapurrasene Waaqa kela koda koona, a Waaqa akka orra a dinno kela koda kodane'e pora ishootta erkanna'enne?

Petroosi a paayyota 1:4

Isha lehandasene panni in kinnini ka nyala in qapnini isho kerini in kinnini'i moonta ishina' harmishe.

Yohaannisi a paayyota 2:25

Sede nefo kippeetase a Kiristoosi ino' daashe caattase a parapara.