Mariqoosi 10:14 - Mataafa Qulqulloota

¹⁴ Yesuusi ka sede akke ka miirode ka tamaarewwaadi kide, “Mankisteeta Waaqa qoota a sene asse pappahaati koddite malla, hella in dawran diisha, ikka ana kapopa de'en.

Mariqoosi 10:14 ပူးပေါင်းရင်းမြစ်များ

Mataafa Uumata 17:7

“Otantiyyo isho a xaayti oppa'e ka a sanynyeetaayti ka xelta a deenitto piisa oppa'en haka paraparati kodayteetiyyo qaatisha. Sede nefo, ke ka sanynyeetaayti piisa'en Waaqa kodda.

Mataafa Masmuureta 78:4

Ino' nefo an hellaanno tura an juunno; kalata a Waaqa ka hupnaadi ka daxxowwaadi a kode'en xelta itturopa xaanitto' torrina.

Xuuma Issayyaasi 65:23

Ishootta' pattayyaen' yaalan, umma pateetta malla hellaa in xaayan; maana malla ishootta isho hellaasso, samayta a Waaqa ishootta' sake koddaneey.

Mataafa Dikoota 14:31

Ma xoori hellasene xaayshin a kiitene, “Ipoojaman” senen piisse karopa kalsha; ishootta ka piitase a ishina jippiten lehadan.

Maatiyoosi 18:10

Sene shashakka oppaayye akka takka nefo ishina a puyannin tooytaada in ishina kiini, erkampattowwaasso awta piisa fuula aappase xanno moonte kalo oppa tooyniiy

Maatiyoosi 18:4

Nama akka innoosen shakka mina mattaadi xata shakkinno piisa, mankisteeta moontatiiyyi, isha piisa qara jaalli.

Maatiyoosi 19:14

Yesuusi ka ishootta kide, “Mankisteeta moonta a sene asse pappahaati'iy; hella in dawran diisha ikka ana kapopa de'en”

Maatiyoosi 5:10

A hanqeelluma malla pora daanamma qoota mankisteeta Waaqa xaaysho koddite malla, i'eppisamen.

Maatiyoosi 5:3

“Qoota mankisteeta moonta xaaysho koddite malla; orra kallaataaysho a hapuratin akka teekolaya kodden ishootta dakkannitto, i'eppisamen,

Mariqoosi 3:5

Yesuusi ka karittaaysho a dundune qara nyarrahe; ka orra a kapandesa co ilda miiratin tooye ka namaseti kide, “Harkaayti derayshe!” Ikka derayshe, harkase xaadi ka dine.

Mariqoosi 8:33

Yesuusi xoori itiitaawe ka tamaarewwaadi tooyyade ka Peetiroosi fukke ka ishi kide, “Atti seetano, ana kapa aane! A nama diisheey, a Waaqa a dikanni a kittooy!”

Yohaannisi 3:3

Yesuusi ka ishi kide, “Anti dukaatannen ke kiini, nama haka lammatta dalado maliiyyi, mankisteeta Waaqa akkeeta ettaninni in co.”

Yohaannisi 3:5

Yesuusi ka oorshe ka kide, “Anti dukaatannen ke kiini, nama haka pisha isho Hapura Qulqulloota oppa dalado maliiyyi, mankisteeta Waaqa oppopa kalta ettaninni in co.

Kodampaya 2:39

Qaalese a kippeeta ishin ka hellaassin, isho isasene pora sekaayye ca a Waaqa Poqallaanno issipa halaada piisati'iiy.”

Kodampaya 3:25

Ishina, a' lehampaya xuumampaya ka akkimoose mina'ew, a' lehampaya kodayteetase a Waaqa aappadaanno olli kodade ka Aprihaami kide'e, ‘Orra piita qara co piisa sanynyeetaaytin eeppisama.’

Roomi 11:16

Pukeessa takkan oppaayye, ete a paayyota qulqullaaweneeyye, piisa qulqullaawe; akkimoose' mina'ew; oton hittina qoyra takka'e qulqullaawaayye, taammaadi kuli qulqullaawni.

Roomi 11:28

Isira'eeleta qoota otootase a fayya in teyyannin malla, ishin a Yihutaata in koddini minanne paarakaala Waaqa' koddite. Ma xoori qinda reexaatinni aappada a kaffa' minanne, ishootta orra a Waaqa ishootta jaalade.

Qorontoosi a paayyota 14:20

Hellaanno a kiristaanatiiyyi, wa neeqa' kodeeta kapaayye nyooqqawwa kodda; ma dikattaayshinan nyooqqawwa an koddan. Dikattaayshinan orra qime kodda.

Qorontoosi a paayyota 7:14

Diirta a kiristaana in koddinin, iskatteetaadi a kiristaana koddite minanne a qulqullaawe kodda; iskatteeta a kiristaana in koddinin ka diirtaadi a kiristaana kodde minan a qulqullaawte kodditaaw. A taakati hellaassin nyalaanne caan. Amma xoori a qulqullaawe.

Efesooni 4:26

Miirooda ma miiraayshinan juppoota an kodan; umma miiraayshin qara'e letta in dummin.

Mataafa oppa' Ooreta 4:37

Qoota aappadaassina a xatta jaalade ka ishootta kamma sanynyeetaysho reexade malla isha mattaadi'i hupna a kuttan piita Kipsi kara ishin sookshe.

Timotoosi a lammatta 1:5

Amanteeta dukaata, a ke kara kitton matte oorsanni. Amanteeta asse pahato paayyota qara okkooyyotaayshin Looydi ka aayyaassin Ewniiqqe kara kitta; an ka akka ke kuli kara kitto upnaade.

Timotoosi a lammatta 3:15

Innume' paayyite ka mataaffasene a qulqulloota akkima Yesuusi Kiristoosi amaneetan dina teynaan kollinna i''upta.

Mataafa Iyyaasu 8:35

Iyyaasu seerase a Muuse ajaje oppa a takka nefo in hattinnin maliiyyi samayta Isira'eeli a iskatta ka hellaa kodde isho kalayta piisa tura nappape.

Petroosi a paayyota 2:2

Hella amma delade akka aanna xajeellaan mina'e ishina'ew akka dinaayishinan kuttattane'e, kollissase a Hapura' qulqullaawe xajeela.

Keleshaata 14:5

Ishootta apari darta in koone ka in upan, umma qaja in qapan.

Mataafa Saamu'eeli a paayyota 1:11

Ka kalsha daasatte. Ka kiite, “Oo Waaqqo ke a we piisa ettaninno, oton dukaatanne jeeriyyo a orxayteetaayti akkitaayye ka ana xaamsattaayye ka ana a teymininiiyyi, ka ana orxayteetaayti inna diirta daassaayye, parraadi piisa kara'en ke Waaqa' daasha umma kooshshota mattaadi qara in kayto.”

Mataafa Saamu'eeli a paayyota 1:22

Haanna xoori ishootta olli in anne ma idiirtaadi kiite, “Oto inna ku'an eennowwen ishin de'a, ka fuula Waaqa tura dehaysha ka ishi daasha. Ikka parraadi piisa eeyye kallaada.”