Mariqoosi 10:1 - Mataafa Qulqulloota

¹ Yesuusi eyye xa'e ka piita Yihuta isho piitadda kirra Yurtaanoositiiyyi afa disiti ca opa aane. Orra akata leka ka isha kapopa ollopa de'ew, isha ka akka kollimaadi qara'e ishootta kollinni.

Mariqoosi 10:1 ပူးပေါင်းရင်းမြစ်များ

Mataafa Dehaamta 12:9

Ookase, ookuma pattanne ma, upna orra kollishe; isha pahanadda lekaya dikade ka oppa qore ka upna lekaya olikamma' qattishe.

Xuuma Ermiyaasi 32:33

Fuulaaysho anopan oorinne ma tulta ana' katen; ka kadin punu an olkamma an qaatinnin mali ishootta kollinna nefooyye, kollatta tiiten; umma fukkeetiyyo in dakayne.

Maatiyoosi 26:55

Etosenetiiyyi Yesuusi ka samaytaseti kide, “Hela akkima tiyyoolayta qapnaan mina'e, koraatewwa isho kumaya pohatten ka ana qapa deetene? An tika qulqulloota kela kuyyaata piisa kollinnooyye, ishina ana a qapne.

Maatiyoosi 4:23

Yesuusi ka tikkasene a qinseeta a orra Yihuta kela kollissanne, ka otootase a fayya amankisteeta Waaqa torreetanne ka a paaqa isho deesa ika lekaytan qapame dinissaanne, piita Kelila piisa oppa tittiitaawni.

Mariqoosi 1:21

Ikka tarpen ka katama Qifirnahoomi kayen, sampata a kamma deenooyye Yesuusi ka tikase a qinseeta a orra Yihuta opa aane. Ka kollissa paayye.

Mariqoosi 10:2

Feresaattoppa lamaya ka isha kapopa de'en ka isha ekkaysatta faden ka isha kaassaden ka kidene “Hela seeroppa nama akkima iskatteetaadi alle diisho i'ishi faqqatamte?”

Mariqoosi 12:35

Yesuusi a tika qulqulloota kelopa kollinnooyye, ikaassade ka kide, “Kollissampaya a seera ata maana malla kiini ‘Kiristoosi inna Taawwiti?

Mariqoosi 14:49

An tika qulqulloota kela awta piisa kollinno ka eeyye ishin olli kalooyye, ishina ana a qapne; ma xoori sede wa malla asse koddite, akka qaaleta mataafa qulqulloota dikkatto malla.”

Mariqoosi 2:13

Yesuusi oppa'e ooreew ka pakateetase a Kelila kapopa aane. Orra lekayta ka isha kapopa ollopa de'e, ikka ishootta kollishe.

Mariqoosi 4:2

Ikka we lekaya pahanan ishootta kollishe ka ishootta kide,

Mariqoosi 6:2

Ka kuyyaatase a sampata a orra Yihutaatiiyyi, tikase a qinseeta a orra Yihuta kela kollissa paayye. Orra lekaytaka eyye ca. Ka isha dakkaysanni; ka kide “Ata namoose ayshaayye sede piisa qeede? Ata ookuma a atta paho ishi daasame? Ikka atta daxxowwosen kooni? Ka oppa qawwaawen.

Mariqoosi 6:34

Yesuusi ete koonka kara lekkannooyye, orra lekayta akke ka qoota kaharra sikmayta dape paho malla, ishootta nyarrahe, ka we lekaya ishootta kollishe.

Mariqoosi 6:6

Qoota amanteeta dapen malla ikka harmo isha qawwasse. Ka sekkammaayye oori, palewwaappa tittiitaawni ka orra kollinni.

Yohaannisi 10:40

Yesuusi a lammattati kirra Yurtaanoosi tuulleew ka porase a paayyota Yohaannisi oppa pishaan orra jaqqino opa aane ka eyye jare.

Yohaannisi 11:7

Ka sekkammaayye tamaarewwaadi kide, “Piita Yihuta opa amma annaaw.”

Yohaannisi 18:20

Yesuusi ka ishi oorshe ka kide, “Anti nama piisa'en la'ayshe ka haasawade ka tikkasene a qinseeta a Yihutaata kelopa ollopa annitta isho tika qulqulloota kela, awta piisa kollishe; umma waan dekandekatti haasawade takkan' nefo in caan;