Mariqoosi 1:7 - Mataafa Qulqulloota

⁷ Ka orra kiini, “namoose ana kamma de'o harmo'e ana qara qapa. Anti xata kideeta ka xopaadi isha kela fureeta mikka mina'e an qanne.

Mariqoosi 1:7 ပူးပေါင်းရင်းမြစ်များ

Maatiyoosi 3:11

Tin anti juppootoppa oorissa'en pishaan ishin jaqini, a ana kamma de'o xoori, Hapura Qulqulloota isho apittanne ishin jaqa isha ana qaropa a kuttate jaalli anti isha kela xopa loqqaadi mikka haadeta mina an qanne

Maatiyoosi 3:14

Yohaannisi ka isha dawrini ka kiini, “Asse in koddito anti harkaaytippa jaqama ana parpaaccisniiyi, ata xawwa atti atta ana kapopa deeni?”

Mariqoosi 1:6

Mehadda a Yohaannisi kalsanna, nyirfa kaala oppa kodamen; surraadippa salpata kollatta'e hiddanni; damtaadi nefo, torrayta isho takma taammata.

Mariqoosi 1:8

Anti pishaannen ishin jaqni ma, isha xoori Hapura Qulqullootatinni ishin jaqa.”

Luqaasi 3:16

Yohaannisi xoori i'ishootta piisa kide, “Anti pishaannen ishin jaqini ma, nama ana qara jaallo a pilaa'e de'a. Anti teepa xopaadi nefo fureeta mina an qanne, isha Hapura qulqulloota ka apittanne ishin jaqa.

Yohaannisi 1:27

Isha ana kamma desa de'a, umma anti an teeppa xopaadi mikka isha kelaayye fura mina an qanne.”

Kodampaya 13:25

Yohaannisi ete kodaadi dikkinnooyye ikiini, ‘Ata anti aynon ishina pahanaade? Annt an Kiristoosin ma, anti nama an isha kelaayye teeppa xopaadi nefo fureeta an kaynini, ana kamma desa de'a.’

Kodampaya 19:4

Pawloosi ka ishootta kide, “Ha pishaan jaqqettose a Yohaannisi juppootoppa ooreeta malla koddite. Isha wa samayta' haasawade nefo ikiini ‘A ana kamma desa de'o amana’ isha nefo Yesuusi. ”

Mataafa Saamu'eeli a paayyota 25:41

Isheetta ka ishootta tura kilpiippatte ka ishootta kaareta oorisse ka kiite, “Anti orxayteetaadi isha koda koda'e ka orxayaadi kela loqqa jaqa'e, in harmisade.”