Mariqoosi 1:34 - Mataafa Qulqulloota

³⁴ Yesuusi ka orra paaqa ika lekaytan miidammo lekaya dinshe; ka orriyya lekayta sookshe. Orriyyasene qoota Yesuusi ayno akkima kodde upan malla, Yesuusi akka qootaadi desa in haasawannini'i, ishootta dawre.

Mariqoosi 1:34 ပူးပေါင်းရင်းမြစ်များ

Maatiyoosi 4:23

Yesuusi ka tikkasene a qinseeta a orra Yihuta kela kollissanne, ka otootase a fayya amankisteeta Waaqa torreetanne ka a paaqa isho deesa ika lekaytan qapame dinissaanne, piita Kelila piisa oppa tittiitaawni.

Maatiyoosi 4:24

Qoota kurraadi piita Sooriya pisoppa dakaade malla; orra ka a paaqa isho deesa ika lekaytan miidamma ka a orriyyaan qapame ka a mawna isho totoonnaya piisan isha kapopan de'e; isha ka ishootta dinshe.

Mariqoosi 1:25

Yesuusi ka hapurase neeqa fukke ka ishi kide “Jaw kide ka kara sooke!”

Mariqoosi 3:12

Yesuusi xoori akka aynumaadi in lellini'i harmo ishootta fuke.

Luqaasi 4:41

Hapurra nenneeqa ka ullupni ka kiini, ‘Atti a inna Waaqa.’ Ka orra lekayta kara sookni. Yesuusi xoori, akkima hapurrosen nenneeqa qootaadi desa we takkan nefon haasawannini'i, ishootta fukni ka ishootta dawrini. Maana malla qootaadi desa i'upaneey.