Mariqoosi 1:27 - Mataafa Qulqulloota

²⁷ Orra piisa ka oppa qawwaawe ka oli kakaassanni ka kiini, “Ata ini maana? Ini kollissa haaraya a atta paho? Hapurra nenneeqa kuli hupnaadi a ukkumeetatin ajajin. Ishootta nefo ka ishi ajajammi.”

Mariqoosi 1:27 ပူးပေါင်းရင်းမြစ်များ

Maatiyoosi 15:31

Samayse ete dakkaya haasa in sahanini haasawannaan, a hekkella ka pora annaan, totoonnaya ka dinnaan, a ilda qara patene ka paata akkinaan, ikka akkeneeyye, oppe ollin qawwaawen ka Waaqase a Isira'eeli kalataysaden.

Maatiyoosi 8:9

Anti mattiyyo'e saarra ana qaropeela ca'en qapa, foolisowwa a ana kelopa xata ca ka caaneew. Ishoottoppaayye oton takka ‘Aane’ kiinooyye, i'anni; ka oton takka ‘Xooye’ kiinooyyeew ideeni; oton orxaytiyyo takka kiinoowwe ‘Sede kode’ ikooni.”

Maatiyoosi 9:33

Ete orrittase isha kara sookeeyye, namase ka haasawade. Samayta ka oppa qawwaawe ka kide, “Xela wa asse paha apari piita Isira'eeli oppa in akkaanne!”

Mariqoosi 1:26

Hapurase neeqa ka namase piitopa kate ka mijiqjiqshe ka nessa kuttan ullupe ka kara sooke.

Mariqoosi 1:28

Eennow kurra Yesuusi ka piitadda a Kelila kapandesa ca pisa oppa dakaade.

Mariqoosi 10:24

tamaarewwaadi ka qaalese xaadippa qawwaawen. Yesuusi xoori i'ishootta oorshe ka kide, “Hellaay, mankisteeta Waaqa oppopa kalta oo attan rakkoota.

Mariqoosi 10:32

Ete pora Yursaalamipa anno opa caaneeyye, Yesuusi ishootta tura desa anni. Tamaarewwaadi ka seppa qawwaawen, a ishootta kammadesa deena ka fuuren. Yesuusi ka tamaarewwasene xaadi kudanka lakki isi kapopa haleew; ka qoota wa a isha qara kayaati desa ishootta upnayshe.

Mariqoosi 16:5

Ete hawlase karopa kulleneeyye, xayyoolayse takka ohaata ata uwwisade ka qinda akkittain kute'e akken ka qara tammaqen.

Mariqoosi 16:6

Isha xoori i'ishootta kide, “In fuuran! ishina akka Yesuusise a Naasirati fannisame faanittan in upaay. Isha tootoppa ixa'e, umma are in co. Pora oppa hawlame nefo, are tooyya.

Mariqoosi 7:37

Orra torrosen dakaye piisa ka a kuttati oppa qawwaawe ka kide, “We piisa harmishe ka dakkaya akka dakayan ka orra haasa ettaninni in kinnin nefo akka haasawado kooni.”

Luqaasi 4:36

Orra piisa ka oppa qawwaawe ka olli kide; “Ini qaaleta atta pahato? Ha isha hupna ukkumeeta isho hupnanne hapurra neeqa ajajini; ishootta nefo ka ishi ajajammi ka nama kara sookni.”

Luqaasi 9:1

Yesuusi erkamampayasene kudanka lakki iskapopa hale ka hupna isho ukkumeeta a ishin orriyya sookshan ka deesa piisa dinshan, ishootta daashe.

Kodampaya 17:19

Semmalla ikka Pawloosi qeeden ka orra pora takka a Ariyoosfaakoosi kidammo oppopa xora ollopa anno oppopa ishan aanen ka ishi kidene, “Ino a kollissoose haarayoose a kollinnitto maana akkima kodde upnaatta in heennaay,