Mariqoosi 1:15 - Mataafa Qulqulloota

¹⁵ ka kollinni ka kiini, “Eta idesa kayen, mankisteeta Waaqa nefo ka dehaattey, juppootaayshin oppaayye alle oora ka otootase a fayyaati amana. ”

Mariqoosi 1:15 ပူးပေါင်းရင်းမြစ်များ

Xuuma Taani'eeli 2:44

Sapanna nuqussasenetiiyyi aappa moonta Waaqa mankisteeta haka parparati' kallaatto, samayta piita pila ka quda qappatta in ettaninnini xaasha. Mankisteetose ka mankistewwa pila' piisa alle' pirta ka xaadi haka paraparati kallaatta.

Xuuma Taani'eeli 9:25

Semmalla tooy sede upnaado! Ka matte qapnaado! Akka Yursaalami harmisamto'e, a ajaja sooke desa paayyatteeyye haka dinshampaytase Kiristoosi' deeno'e, tappa tappa tarpa. Kamma'ew tappa kunda lehi lakki kara'e, porra ka oxinta kawwatta Yursaalami rakkootoppan desa harmisaman.

Maatiyoosi 10:7

ka oto antaneeyye ishootta torra ka kida ‘Mankisteeta moonta idehaatte!’

Maatiyoosi 3:2

“Tin mankisteeta Waaqa idehaatteey, juppootayshin oppaayye oora!”

Maatiyoosi 4:17

Sitiiyyi paayyatte Yesuusi ka torra paayye ka kide, “Mankisteeta a Waaqa idehaatteey, juppootayshin oppaayye oora.”

Luqaasi 10:11

‘Tin kuyyaalayta katamaassina a loqqaanno quda co kulin ishina dawdawaninna. Ma xoori akka mankisteeta Waaqa ishin kapopa dehaatte upnaada.’

Luqaasi 10:9

ka paaqolaya katamoosen kara ca dinsha ka samayta torra ka kida, ‘Mankisteeta Waaqa ishin kapopa idehaatte.’

Luqaasi 24:47

Akkimse mina'ew, maxxaadin, juppootoppa ooreta ka haseenta juppoota akkatta, Yursaalami paayyatte piitaddaappa samayta piisa torramto ilelamte.

Kodampaya 20:21

Yihutaata isho orra a Yihutaata in koddinin akka juppootopa ooran ka Waaqopa tiitaawan ka Poqallaanno Yesuusi Kiristoosi amanane'e, tura desa in ishootta' lele.

Roomi 16:26

Ammaa xoori dukaatase isookte; ajaja a Waaqase a paraparatinni akka orra piisa amano ka ishi ajajamo'e, mataaffa a xuumampaya qudanne lekna piisa akka upnaado'e, ikodamte.

Kelaatiya 4:4

Ma xoori ete etasene' qapame' kayteeyye, Waaqa innaadi ino erke, isha ka iskatteetoppa delade ka a seera ajajammo kodde.

Efesooni 1:10

Kodoose qapame a Waaqa oto etaadi kaytooyye kodo, uumata a piita isho moonteeyye co piisa akka ollopa ooro ka hupna ukkumeeta a Kiristoosi a isase matta kodde kela kinnaado' kodeeta.

Timotoosi a paayyota 2:6

Orra piisa juppootoppa furatta'e a kaaja wetin furannaaneti isi kode ka isi daashe isha. Sede nefo, ete etaadi a dukaata kayteeyye, qoota dinissa Waaqati desa maakkummi.

Tiito 1:3

ete sapanase a Waaqa qapade kayteeyye, ajaja a dinshampaytase' xanno, a Waaqatinni qaalese torreeta an ishi atara teyyade qudanne Waaqa qaaletaadi akkishe.