Luqaasi 9:7 - Mataafa Qulqulloota

⁷ Qoota orra demo torrino ka kiino “Ha Yohannisise pishaan orra jaqno tootoppa xa'e” Malla, Herodiisise piita kelila mukinno, wa Yesuusi kode piisa dakaye ka ikka tura ollin patte.

Luqaasi 9:7 ပူးပေါင်းရင်းမြစ်များ

Mataafa Masmuureta 73:19

Ata atta irra qara dapanni, ka tammaqtan pirammi?

Xuuma Issayyaasi 22:5

Waaqa Poqalla a we piisa ettaninno, xoora an oppaayye naaba a keleshaata kara pora ullupna ka diddiitamma ka olkelan yaaqyaaqna'e qapade; xoora oppaayye katamaddaanno quda kawwaya pootaman anka irrowwaappa pora ullupno qapade.

Xuuma Mikkiyaasi 7:4

A ishoottoppa shakkayteeta aako paho qassatta paha, a ishoottoppa akata dikatta fayya' qapo kidammo, akka qeetta xallenta' mina'e nama fuurinni. Akka Waaqa xuumampaytaadippan lele mina'e kuyyaatase a de'o ka sawwaadi qara' xa'o pore kitta. Karaayye, ishootta ammaaw tura' tammaqtan piramen.

Maatiyoosi 11:2

Yohannisise pishaan orra jaqno a tika hida kara cooyye, koda Kiristoosi dakaye ka tamaarewwaadi oppa nama lakki kide,

Mariqoosi 8:28

Ishootta ka ishi oorshen ka ishi kidene, “Orra demo ike kiini, ‘Yohannisise pishaan orra jaqno’ A demo ka kiiniwi, ‘Eliyaasi’ A demo ka kiiniwi, ‘Xuumampayaappa takka.’”

Luqaasi 13:31

Sitiiyyi Feresaata oppaayye orra demo ka Yesuusi kapopa de'e ka ishi kide, “Herodisi ke ikassa faaniiy, piisse oppa alle aane.”

Luqaasi 21:25

Kamma desa Yesuusi ikide, “Milikkitadda orra qawwanna'e piirtota ka leya isho hikka qara akkaada. Piita qara samayta piisa ka, nessase pakateeta isho puppeeta kara xaano ka orra tammaqinno qaran xaate'e fuura ka qaapa.

Luqaasi 23:7

Ka ete, akkima Yesuusi piita a Herodiisi mukinnooyye de'e, upnaadeeyye, Herodiisipa kapopa isha erke. Herodisi sitiiyyi Yursaalami kara ca.

Luqaasi 3:1

A nuqusase kutta a Roomi Tipariyoosi Qeesaari nuqusumeeyye, para kudanka kennattati, Pentenitase Pilaatoosi piita Yihuta'e mukinni, Herodiisi'iw piita Kelila'e mukinniiw; innaasso Filippoosi'iw piita Ituriyaasi ka piita Tirakontaasi'i mukinniiw; Lissaniyoosi'iw piita a Pileeni'i mukinniiw;

Luqaasi 9:19

Ishootta ka ishi oorshen ka kidene, “Orra demo ike kiinii, ‘Ha Yohannisise pishaan orra jaqno.’ A demo ka kiiniwi, ‘Ha Eeliyaasi.’ Orra pila ka kiiniiwi ‘Ha xuumampaya xatta oppaayye takka tootoppaayye xa'e.’”