Luqaasi 9:16 - Mataafa Qulqulloota

¹⁶ Se kammaayye Yesuusi laaqqootase ken isho murkuujase lakki qeede ka moontandela tooyyade ka qara Waaqa kalataysade ka oppa moosse ka akka samaytaseti qootane'e tamaarewwaadi daashe.

Luqaasi 9:16 ပူးပေါင်းရင်းမြစ်များ

Maatiyoosi 14:19

Ka akkima samayta miissaappandesa qaa'o'e ajaje ka laaqqotase keni isho murkujase lakki qeede ka moontandela tooyyade ka qara Waaqa kalataysade ka laaqqotase oppa moosse ka tamaarewwaadi daashe; ishootta ka samayta daddaashen.

Maatiyoosi 15:36

Ka laaqqootase tappa isho murkujase qeede ka qara Waaqa kalataysade ka oppa moosse ka tamaarewwaadi daashe; ishootta ka samaytaseti dadaashen.

Mariqoosi 7:34

Ka moontandela tooyyade ka shammaqsade ka namaseti kide, “Effatah!” Se kideese nefo “Paname!” kideeta.

Luqaasi 22:19

Kammadesa Yesuusi laaqqoota qeedeew ka qara Waaqa kalataysade ka oppa moosse ka ishootta kide, “Hinda, sede dakintase xayyo ishin malla daasammittooy, sede matte anan oorsatta koda.”

Luqaasi 24:30

Ka ishootta olli damta kute'e. Ka laaqqoota qeede ka qara Waaqa kalataysade ka oppa moosse ka ishootta daashe.

Luqaasi 9:15

Tamaarewwasene xaadi ka akkima isha kide mina samaytase kutiishen.

Luqaasi 9:17

Ikka piisani damen ka duttanen, tamaarewwaadi ka moossowwa orra kela hase satara kudanka lakki immakkoota pohen.

Yohaannisi 6:11

Se kammaayye Yesuusi laaqqootase qeede ka qara kalataysade ka orrase kuti'e qoote. Ka asseew murkujase ishotta qooteew. Ishootta piisa ka wa ishootta parpaaccisna mina ca akkaden.

Yohaannisi 6:23

Ma xoori koonkadda pila'e Tipradoosi desa xa'e ka, porase a oppa Yesuusi qinseeta kalata kode; orrase ka oppaayye laaqqota dame opa kapopa de'e.

Kodampaya 27:35

Ka ete asse kide kammaayye, laaqqoota qeede ka ishootta piisa tura Waaqa kalataysade ka moossade ka damta paayye.

Roomi 14:6

Nama a kuyyaata takka a pila qaran jaalinno ka ulfeessinno oton icaayye, ulfeena a poqallaati'i sede kooni. Nama a damta piisa dammo ulfeena poqallaati'i dammi. Ka damta a dammo malla Waaqa kalataysanni. A damta piisa dammi in kinniniiw, ulfeena poqalla malla dammi in kinnin. Ka qoota dammi in kinnin malla Waaqa kalataysanni.

Qorontoosi a paayyota 10:30

Oton anti Waaqa kalataysattaan dammooyye, waan qara Waaqa kalataysanna' minan maana mallan qootisama?

Qorontoosi a paayyota 11:24

ka qara' Waaqa kalataysade ka oppa moosse ka kide, “[Hinda ka dama;] sede dakintase' xayyo ishina' kodditooy ka sede anan matte oorsatta' koda.”

Mataafa Saamu'eeli a paayyota 9:13

A damta pora kalisoota opa in annin turanne, oto katamaappa kaytaneeyye eennowwe isha akkitan paayyota qara qoota isha kalisootase eeppisno malla, a isha de'o mali orra we dammi in co. Orra halaame nefo, kuli kamma dameeta paayyini. Semmalla qara'ela aana eennowwe isha akkitaneey.