Luqaasi 9:12 - Mataafa Qulqulloota

¹² Ete letta poornaannittooyye, tamaarewwasene kudanka lakki ka isha kapopa dehaaden ka ishi kidene, “Amma are koommaytoppan kinnaay, samaytose akka katamadda isho palewwa are kapandesa ca oppopa aano ka damta isho pora mukitta faddado'e, ishootta isi qara xaashe.”

Luqaasi 9:12 ပူးပေါင်းရင်းမြစ်များ

Xuuma Hisqeeli 34:25

Anka ishootta olli kodayteeta nakayta' kodada ka akka koommaytoppa nakaytan kallaadane'e ka muroppa nakaytan mukane'e, piitaaysho oppa pinaana koommayta alle' pashsha.

Hoose'i 13:5

Koommayta koke, a atoota oppa orra xaalannitto oppaayye, a ishin kaalkalshe ana.

Maatiyoosi 14:13

Yesuusi ete akka Yohaannisi ishshame dakayeeyye, koonkaappe fayyade ka xawwaatiiyyi pora xawwi desa co opa aane. Orra ka sede dakaye ka katamaddaappaayye loqqaan isha kamma aane.

Maatiyoosi 15:23

Isha xoori oppa ishi in oorinne tamaarewwaadi ka isha kapopa de'en ka isha qinsaden ka kidene, “Iskatteese ino kamma deeni ka ino qara pora ullupniiy, alle isqara isheetta kalshe.”

Maatiyoosi 15:32

Yesuusi ka tamaarewwaadi hale ka ishootta kide, “Samaytose kuyyaata sessa ana kapa pire, umma wa dama in qapo ka ana suraawniiy; oton ishootta a doxe'en isiqara xaashaayye, poroppa'e makkaneey, asse patta ishootta isqara xa'issa an heeno.”

Luqaasi 9:11

Samayta ete Yesuusi ayysha akka co upnaadeeyye, isha kamma'e aane. Isha ka ishootta teyyade ka qoota mankisteeta Waaqati desa ishootta kollishe ka orra paaqa kela dina fade ka de'e piisa dinshe.

Luqaasi 9:13

Yesuusi xoori i'ishootta kide, “Ishina mattaayshina wa damane ishootta daasha.” Ishootta ka ishi kidene, “Ino laaqqoota ken ka murkuja lakki pattan qapnaay, hakan anno ka damta quda piddino maliiyyi, sede samayse piisa in kayto”

Yohaannisi 6:1

Se kammaayye Yesuusi pakateetase a Kelila Tipraadoosi kidammittooyye afa disi opa tuulle.

Filippisiyuusi 1:19

A pilaa'ew waan malla xasoonna, qinseetaayshinanne ka qaarqaarsa a Hapura Yesuusi Kiristoosinni akkan nataan sooko qootan upo malla.