Luqaasi 9:11 - Mataafa Qulqulloota

¹¹ Samayta ete Yesuusi ayysha akka co upnaadeeyye, isha kamma'e aane. Isha ka ishootta teyyade ka qoota mankisteeta Waaqati desa ishootta kollishe ka orra paaqa kela dina fade ka de'e piisa dinshe.

Luqaasi 9:11 ပူးပေါင်းရင်းမြစ်များ

Xuuma Issayyaasi 61:1

Hapura a Waaqa Poqalla ana qara ca, maana malla akkiman teekolaya' otoota faya' torro, ka a nyarrahanaati' xasa oorsho'e, ka a poojameti' natan sooketa salisho'e, ka a hidame tika hida' kara furo'e, Waaqa ana reexadeey;

Maatiyoosi 12:15

Yesuusi ka sullaase xaaysho upnaade ka eeppaayye alle qinda kode. Orra lekayta ka isha kamma de'e, ikka paaqolaya piisa dinshe.

Maatiyoosi 14:14

Isha ete koonkaappa lekkadeeyye, samayta kuttayta akke ka ishootta suraysade ka paaqolayaasso nefo dinshe.

Maatiyoosi 21:31

Ka kuli hellosen lakkippa a xaame wa aappaaysho faana kode ishina pahata?” Ishootta ka ishi oorshen ka kidene, “Inna sene a paayyota” Yesuusi ka ishootta kide, “Dukaatannen ishina kiini, juppoolaya isho sharmuutta, mankisteeta moonta opa kalta ishina qatta.

Maatiyoosi 21:43

Semmalla in ishina kiini, mankisteeta Waaqa ishin qara qeedamta ka samayta a dalta fayya dallo daasamta.

Luqaasi 1:53

ka isasene doxe wa paxaaratin duttanshe, ka teyantoolaya harka luleetin daane.

Luqaasi 5:31

Yesuusi ka ishootta oorshe ka kide, “Ha orra paaqno'e akimitta parpaaccisni diisheey, orra fayya qapo parpaaccisni in co.

Luqaasi 8:1

Se kammaayye Yesuusi katamadda isho palewwaappanne tarpini ka mankisteeta Waaqa torrini ka otootase a fayya salinni. Tamaarewwasene xaadi kudanka lakki nefo isha olliiyyiiw caan.

Luqaasi 8:10

Yesuusi ka ishootta oorshe ka kide, “Ishina, akka haasa a juutame a mankisteeta Waaqa upnaattane'e i'ishina daasamte; orra pilaati xoori, we piisa pahanaanne ishootta lelammi. Sede nefo, ishootta a eyye tooynaan kapa akka in akkinnini ka a eeyye dakaynaan kapa akka matte in qapnaannin malla.”

Luqaasi 9:10

Erkamampayasene ka pora a opa erkameneeye kalen. Ka wa kodene piisa Yesuusi torren. Isha ka ishootta patta qeede ka pora takka katama Peetesayda kapa xawwi desa co opa ishoottan aane.

Luqaasi 9:12

Ete letta poornaannittooyye, tamaarewwasene kudanka lakki ka isha kapopa dehaaden ka ishi kidene, “Amma are koommaytoppan kinnaay, samaytose akka katamadda isho palewwa are kapandesa ca oppopa aano ka damta isho pora mukitta faddado'e, ishootta isi qara xaashe.”

Luqaasi 9:2

Ka akka mankisteeta Waaqa deete orra piisa torran ka paaqolaya dinshane ishootta erke.

Yohaannisi 4:34

Yesuusi ka ishootta kide, “Ha damtiiyyo, henna a isase ana erkeeti kodeeta ka kodaadi dikkissa.

Yohaannisi 6:37

Nama a Waaqa Aappa ana daanno piisa, ana kapopa de'a, umma nama ana kapopa deeno, an alle lakopa an daanno.

Kodampaya 28:31

Ka qoota mankisteeta Waaqati desa torreetanne a nama takka nefo isha dawrini in kinnin mali qoota Poqalla Yesuusi Kiristoosi desa maxanyumaan kollinni.

Roomi 10:14

Ma xoori a isha in amannin mali, atta isha hala ettanshan? A qootaadi desa in dakaynin maliiyyiiw, atta amanan? Kollissampayta maliiyyiiw, atta dakaya ettanshan?

Roomi 10:17

Semmalla amanteeta, otootase a fayya dakayaanne teyanni; otootose a fayya'ew, kollissase qoota Kiristoosi desa haasawanno quda teyanni.

Roomi 15:3

Kiristoosi issin xasanne ma, akka mataafa qulqulloota' qara' taafamte ka kiinitto, “Otittase a ken otene, ana qara' kaye.” Mina'e, isha qara' kayte.

Timotoosi a lammatta 4:2

qaalese torre, kadi punu ettanta ka ettana diissaayye, eta piisaayye a japaanno kodde ka la'assaanne ka fukkanne ka dehaamaanne, a kuttati' duupatta ka kollissaan japaado.

ipro 4:16

Se malla, akkan diissata akkanno'e ka oto qaarqaarsa ino parpaaccisnaaneeyye daassataadi akkanno'e, suufaanase a Waaqa, a kapa daassataadi teyannitto, kapopa fuura takkan nefo mali dehaanna.