Luqaasi 8:47 - Mataafa Qulqulloota

⁴⁷ Iskatteetase ka ete akka in dekannin upnaatteeyye, xarri ka deete ka loqqa Yesuusi kela pi'ite ka sekkammaayye, maana malla akkima isha qappatte ka akkima eennow dinte, fuula orra piisa tura torrite.

Luqaasi 8:47 ပူးပေါင်းရင်းမြစ်များ

Mataafa Masmuureta 2:11

Ka Waaqa tura fuuretan, ishi' koda koda; isha tura xareeta ka ishin xasasso.

Mataafa Masmuureta 38:9

Poqallaayyo, waan faana ke tura la'ayta; umma rakkootiyyo ke tura in dekanne.

Mataafa Masmuureta 66:16

Ishina Waaqa fuurraati xooya dakkaysada, anti wa isha ana' kode'en ishina' torraay.

Xuuma Issayyaasi 66:2

Waaqa ikiini, “Sene piisa harkiyyo in koone, sene piisa ka uumamen; ma xoori anti a qaaletiyyo tura xarro ka a hapuraadin isi shakkinno ka juppootaadippa mararfanno opan tooyanni.

Hoose'i 13:1

Efreemeta oto haasawannittooyye, orra Isira'eeli ishootta tura xarri ka ulfeessini, ma xoori' qoota killootase a pa'aliti' sakatattaan juppoota koden malla ile'en.

Hoose'i 5:3

Anti qoota Efreemi desa we' piisan upa, Isira'eeli' nefo ana tura dekatta in ettanisso. Atti Efreemi amma i'almalumte, Isira'eeli'iw inyalte.”

Xuuma Inpaqoomi 3:16

Eten sede piisa dakayeeyye, anka tammaqe, meella ka ana kelaayye xaren, afaayyo ka haasa malaalen, dakinta piisa ka ana tupa toote, loqqa ka ana kela anta malaalen. Haka orra ino rakkacciisno qara haalota qeenno kara'e, duupattaannen asada.

Maatiyoosi 28:8

Sekkamma ishootta aren ifuurri ka aren harmo xasoonni ka jarjartan alle hawlase kapa aanen ka tamaarewwaadi torreeta hiren.

Mariqoosi 5:33

Iskatteetase xoori wa a isheetta kodde'e upnaatte ka fuuraan xarri ka loqqa Yesuusi kela pi'ite ka dukaata piisa ishi torrite.

Luqaasi 8:46

Yesuusi xoori ikide, “Akkima hupna anoppa sooke in upaay, dukaatanne nama takka ana quda qappade”

Luqaasi 8:48

Yesuusi ka ishetta kide, “Enentiyyo, amanteetaayti ke dinsheey, nakaytan kale.”

Kodampaya 16:29

Sitiiyyi tooytampaytase ka akka ipsa an ishi de'ane kode ka keere ka kaatasene karopa kulle ka xarri ka loqqa a Pawloosi isho a Sillaasi kela pi'e ka fuula piitan kaye.

Qorontoosi a paayyota 2:3

Semmalla an ishin olli cooyye, nukkullaytan kodde ka fuurri ka a kuttati' xarri.

Qorontoosi a lammatta 7:15

Akka piisantiiyyi a ajajamma' kodditen ka fuura ka tura xareetan Tiito teyyatten. Isha ete matte oorsannooyye, jaalala a ishina' qapa akata kuttaden.

Filippisiyuusi 2:12

Semmalla moottadaayyooyye! an ishin kapa cooyye, akkima awta piisa ajajammittan mina'e. An amma ishin kapa pora seka cooyye, akka a qaran qapto ajajamtane'en ishin dehaammi. Semmalla ishna takka takkaayye, fuura ka xareetan dinaayshin dikkisha.

ipro 12:28

Semmalla, ino' qootan mankisteetase lelleheni in kinnin lehanno malla, Waaqa kalataysanna ka saanta a isha xasannittonne isha ulfeessa ka fuureetanne isha kela koda koona.

Mataafa Saamu'eeli a paayyota 16:4

Saamu'eeli ka wa Waaqa isha ajaje kode. Ete Peetelehemi kayeeyye. Qimaya katamaseneti ka xarri ka isha dehaaden ka ishi kidene, “Hela nakayta'ewwe deete?”