Luqaasi 8:25 - Mataafa Qulqulloota

²⁵ Sekkammaaye Yesuusi ka tamaarewwaadi kide, “Amanteetaayshin aysha kitta?” Ishootta xoori harmo'e oppa qawwaawen ka fuuren ka olli kidene, “Puppeeta isho pishasene pajaqjaqna'e ajajni ishootta nefo ka ishi ajajammiiy; ata ini ayno?”

Luqaasi 8:25 ပူးပေါင်းရင်းမြစ်များ

Mataafa Pahana 30:4

Ayno moontopa fayyade ka lekkade? Ayno kanaataadi karopa xayxayta oorsade ka qape? Ayno qeppaadi mina pisha ollopa marre? Ayno xeella piita' piisa xeelle? Maxxaadi ayno? Maxxa innaadi kan ayno? Oton i''uptaayye intoonno ana' leleey?

Mataafa Pahana 8:29

akka pisha ajajaadi qaran in tarpinini'i, awta pakateeta' xeela koonooyye, ka piita' kiritta kannooyye, anti eeyyen ca.

Maatiyoosi 14:31

Yesuusi ka eennow harkaadi derayshe ka isha qape ka ishi kide, “Ke amanteeta ke qajte, maana'e amanteeta dapte?”

Maatiyoosi 17:20

Yesuusi ka ishootta oorshe ka kide, “Qoota amanteetaayshin ishina qajatte malla. Dukaatannen ishina kiini, katin amanteeta uqqina leya opa kitto qaptaneeyye, irrootoseti, ‘Areppa xa'e ka eeppopa aane’ Kideeta i'ettanissan ikka xaata ka anta umma wa ishinan kama takkan nefo in caadan.

Maatiyoosi 6:30

Oto Waaqa, jabbase lakoppa awwe co ka parri kupaanaappopa katammo, asse sireeyye, ishina amanteeta ishina qaje ma, oo desa atta ishin siraaw?

Maatiyoosi 8:10

Yesuusi ete sede dakayeeyye, oppe qawwaawe ka orrase isha kamma anno kide, “Anti dukaatannen ishina kiini, piita Isira'eeli oppaayye nama amanteeta asse kutta qapo takka nefo an akkine.

Maatiyoosi 8:26

Isha ka ishootta kide, “Ishina a amanteeta ishina qajte, maane pora fuurrittan?” Ka ela xa'e ka puppeetase isho xayxaytase fukke. Jaw kidayta kuttayta ka kodde.

Mariqoosi 4:35

Awseti shishshipeeyye, Yesuusi tamaarewwaadi'i kide, “Pakateeteeyye afa disi opa tuullina.”

Luqaasi 12:28

Ka kuli Waaqa, oto jabbaase a lakoppa awwe akkaanno opan ka parri apittoppopa kannaan, asse sirro ka uwwinnooyye, ishina amanteeta ishina qajteeti, desa, atta in jaalinnin ka ishina in uwwinnin?

Luqaasi 8:24

Tamaarewwasene xaadi ka Yesuusi xaashen ka kidene, “Kollissampayto! kollissampayto! Ha in piramminna!” Isha ka, xa'e ka puppeetase isho pishasene pajaqjaqna fukke ikka eennow jaw kiden; pakateetase ka ollin kiite “Di'i”

Luqaasi 8:26

Ikka pakateetase tuullen ka piitase a Kerkesenooni, piita Kelila minan desa kitto opa kayen.

Yohaannisi 11:40

Yesuusi ka isheetta kide, “An ke an kiine'e, ‘Oton i'amanniiyyi, ulfeena Waaqa'e akkita?’”