Luqaasi 8:24 - Mataafa Qulqulloota

²⁴ Tamaarewwasene xaadi ka Yesuusi xaashen ka kidene, “Kollissampayto! kollissampayto! Ha in piramminna!” Isha ka, xa'e ka puppeetase isho pishasene pajaqjaqna fukke ikka eennow jaw kiden; pakateetase ka ollin kiite “Di'i”

Luqaasi 8:24 ပူးပေါင်းရင်းမြစ်များ

Mataafa Masmuureta 65:7

Atti yaaqyaaqta a pakatewwa, ka nessaaysho a kuuminno, isho horayta a samayta kuli' jaw ki'inni.

Xuuma Issayyaasi 50:2

Oton de'ooyye, maana'e nama eeyye kinnaanni in kinnin? Ka oton haleenooyye, maana'e ehanni in kinnin? Hela ishin furatta'e harkiyyo kumma'ade? Taaki nata ishin sookissa'en hupna dape? Tin, fukkeetiyyonne pakateetan ku'inni, ka kirraada koommayta' kooni; murkujaaysho ka deepottan leeni, ka pisha dapna minan xaccanni.

Xuuma Ermiyaasi 5:22

Waaqa ikiini, “Hela ana fuureta ishin parpaacciisni in kitto? Ana tura xareeta ishin faani in kitto? Akka haka paraparati qarannen tarpinini'i, ha anti tahaytan pakateeta tura xeela kode; pishasene kadi punu puppeetan kakattammaaneeyye, ikka qepnin in kinnin; ka kadi punu kekkehnaaneeyye qaran tarpini in kinnin.

Xuuma Nahoomi 1:4

Fukaadi pakateeta isho kirra ku'inni, ka akka kirrada piisa kokane' kooni; ka dishma Paasaani isho a Qermeloosi qara co piisa alle' ruqinni, pisa a miissa Lipaanoosi qara co ka alle' seehni.

Maatiyoosi 14:30

Ma xoori puppeetase kutta'e akke ka fuure ka pishasene karopa taweeta paayye ka ullupe ka kide, “Poqallaayyo, anan pahe.”

Maatiyoosi 8:25

Tamaarewwaadi ka isha kapopa dehaaden ka mukittoppa isha xaashen ka kidene, “Poqallaay, in piramminna! Ata inon pahen!”

Mariqoosi 4:39

Yesuusi ka xa'e ka puppeetase fukke. Ka pakateetaseti kide, “Jaw kide!” Xayxaytase ka jaw kide, we piisa ka ollin kidene “di'i!”

Luqaasi 4:35

Yesuusi ka, hapurase neeqa fukke ka ishi kide “Jaw kide! ka namoose kara sooke.” Hapurase neeqa ka, fuula samaytaseti tura'e, namase piitopa kate ka a isha in miiddinin maliiyyi kara sooke.

Luqaasi 4:39

Yesuusi ka isheetta kapopa dehaade ka isheetta kapa qa'ade ka akka awdase isheetta diisho ajaje. Awdase ka isheetta diishe, ikka eennow xaate ka ishootta paata deddehassa paayyite.

Luqaasi 5:5

Simooni ka ishi kide, “Ha Poqallaay, halkeesse kumman ekkanni rafne ka kakkafanne; umma murkuja takka nefo an qapne. Ma xoori oto atti asse kiiteeyye, nyupurasene pakateetoppopa in kata.”

Luqaasi 8:25

Sekkammaaye Yesuusi ka tamaarewwaadi kide, “Amanteetaayshin aysha kitta?” Ishootta xoori harmo'e oppa qawwaawen ka fuuren ka olli kidene, “Puppeeta isho pishasene pajaqjaqna'e ajajni ishootta nefo ka ishi ajajammiiy; ata ini ayno?”