Luqaasi 8:2 - Mataafa Qulqulloota

² Akkimose mina'ew iskatta akaraayye hapurra nenneeqa sooken isho a paaqaaysho kela dine isha kamma anni. Ishootta nefo Maariyaamise Mektelitteeta kidammitto, a Yesuusi karaayye orritta tappa sookshe isho

Luqaasi 8:2 ပူးပေါင်းရင်းမြစ်များ

Maatiyoosi 4:24

Qoota kurraadi piita Sooriya pisoppa dakaade malla; orra ka a paaqa isho deesa ika lekaytan miidamma ka a orriyyaan qapame ka a mawna isho totoonnaya piisan isha kapopan de'e; isha ka ishootta dinshe.

Mariqoosi 16:1

Ete kuyyaata sampata a orra Yihuta tarpiteeyye, Mekdelitteetase Maariyaami ka Maariyaamise Yayqoopi xaayte isho Seloome pukka Yesuusi quda daateta'e shittoota a qimaameta paxaara oppa kodamte pidden.

Mariqoosi 16:9

Yesuusi ete torpaappa kuyyaata paayyotati sampate teykantan, tootoppa xa'e kammaayye, paayyota qaraayye, Mekdelitteetase Maariyaami a karaa orriyya tappa sookshe tura'e akkaade.

Luqaasi 23:27

Orra lekayta ka Yesuusi kamma anni. Ishootta oppaayye iskatta a kessoppa tottoomanno ka Yesuusi malla pooyno ka ca.

Luqaasi 23:49

Orra fayya Yesuusi upo isho iskatta Kelilaayye paayye ka isha kamma anno, piisa lake desa qaade ka wessen tooyni.

Luqaasi 23:55

Iskattase Kelilaayye Yesuusi kamma de'e, Yoosefi kamma'e aanen ka hawlase tooyen ka akkima pukkase nefo hawlame akken.

Luqaasi 8:30

Yesuusi ka isha kaassade ka kide, “Maxxaayti ayno?” Qoota orriyya lekaya isha kara safaren malla, ikka oorshe ka kide, “Maxxiyyo lekno”

Yohaannisi 19:25

Aayya opa Yesuusi isho enenta opa aayya opa Yesuusi ka iskatteetase a Qeliyoobba Maariyaami isho Mekdelitteetase Maariyaami masqalase a Yesuusi kapae'e qaqqaaden.

Kodampaya 1:14

Sene piisa ka awta piisa qinseeta'e ollopa anni. Ishootta qudaayyeew iskatta takka takka ka Maariyaami aayya opa Yesuusi isho hellaa opa Yesuusi ca.