Luqaasi 8:13 - Mataafa Qulqulloota

¹³ Xottasene kookohota qara seehe'ew, orrase qaalese dakkaysanno ka xasan teyyanno lelli. Ma xoori ishootta eta desaaw amanni ka qoota hittinna in qapnin malla, oto rakkoota ishootta qara kaynittooyye, eennow marmanni.

Luqaasi 8:13 ပူးပေါင်းရင်းမြစ်များ

Mataafa Iyyoopi 19:28

Oton ikkiinittane wa minan rakkoose koddite isha kapa'ew teyatteey, attan isha payyahinnaayye?

Mataafa Pahana 12:12

Ukkuttowwa, poojeta ukkuttowwa'e xajeelli; hittina hanqeellayta' xoori ipoorri.

Mataafa Pahana 12:3

nama falqan japaanni in co ka qa'anni in co; hittina hanqeellayta' xoori lehni in co.

Xuuma Issayyaasi 58:2

Takka a samayta hanqeeta kode mina'e kodden ka muraayo a dukaata a Waaqaaysho alle in diinnin mina'e ana faani ka saantadaayyo upnaatta xajeelli ka muraayo a dukaata ana qara kaassanni ka ana Waaqa kapopa dehaatta xajeelli.”

Xuuma Hisqeeli 33:32

Atti Hisqeeli samaytose' tura'e, palpalayta a kehayta dawno ka saara a hemitta saarinno pahanaatta; ishootta ka ke dakkaysadan umma wa' kiinitta in kodan.

Hoose'i 6:4

Waaqa ikiini, “Ata Efreemi ka Yihuta, hela attan ishin koda? Ha jaalala ana qaptane akka urratta ka a tadahata teykanta' mina'e ennoow alle' panni.

Mariqoosi 6:20

Paayyota qaraayye, Herodiisi akka Yohaannisi qulqullitta ka hanqeellitta kodde qoota upo malla, i'isha tura fuurri ka isha qara tooyni. Herodiisi oto haasa Yohaannisi dakkaysannooye itammaqni. A koddito ma isha dakkaysatta ijaalanni.

Luqaasi 8:12

Xottasene pora kapa seehe, orra a eta desa qaaletase a Waaqa dakkaysanno lelli. Ma xoori ishootta akka in amannin ka in dinnini'i, taaploosi ideeni ka qaalese karittaaysho karaayye qeenni.

Luqaasi 8:14

Xottasene qe'eyya kara seehe'ew, orra eta desa qaalese dakkaysanno lelli. Ma xoori, dikatta piisseti ka teyanta isho ettana kallaata piisseti'i ishootta niikni ka dalta mali ishootta hattini.

Yohaannisi 15:2

Taama ana qara co ka dalta dalli in kinnin piisa Aappinno alle'e murri ka alle' kanni. Ka taama delta dallo akka dalta kutta' delo'e, qara tamini ka harminni.

Yohaannisi 15:6

Nama anan kallaanni in kinnin, a taama mina'e lakopa katama ka koka, taamma asse paha apittoppopa kataman ka kupadan.

Yohaannisi 5:35

Yohaannisi akka ipsa opayna ka la'ayna mina'e kodde; ishina ka eta shakkaya kara ipsoosen xaadin xasootta faaten.

Qorontoosi a paayyota 13:2

Kadin daassata xuuma haasawatta' qapaayye ka juutota piisa upnaanna ka upna piisa qapaayye ka amanteeta a irroota pora takka desa pora pila opa aaninnitto kuli qapaayye ka jaalala an qapniniiyyi, an paata patta.

Qorontoosi a paayyota 15:2

Kadin otootase a fayya an ishin kollishe kokkonnaysannittan ka qapannittan kiiteeyye, ishinni' dintan.

Kelaatiya 3:1

Ishina eeppaayye orra Kelaatiyaatiiyyi, ayno tipan ishin lulshe? Yesuusi Kiristoosi, a masqala qara' fannisame ishin tura'e akkaade;

Kelaatiya 3:4

Rakoose otootase a fayya' minan ishin qara' kayte piisa, oori paata pattape ka? Oton asse' kooteneeyye, keeto'en paata patta.

Efesooni 3:17

Ka akka Kiristoosi amanteetan karittaayshin kara kinnaado, akka hittina katattan ka a jaalalaan kokkonnaanna kodditane' qinsanni.

Qolaasiisi 1:23

Sede nefo, oto ishina kippeetase a otoota fayya qara a' lellehni a' kinnin ka qara' kokkonnaannittan ka qa'annittan ka amanteetan japaannittan pattaayye koddita. Otootose a fayya' nefo isase a' ishina' dakayten ikka orra piita qara co piisa' torramte; anti Pawloosi nefo, otootose a fayyaati'iwwin orxayta kodde.

Qolaasiisi 2:7

Ka ishan hittina katada ka isha qara' qupama ka akka' kollatten qara'e, amanteetan kokkonnaada ka ishi'i kalata kalissaan immakaada.

Teseloonqe a paayyota 3:5

Seminan qootan kulipaata duupattaan asatta malaalle malla, qoota amanteetaayshinati desa upnaattan fade ka Timootoosi ishina' erke, waan malla isha erke' nefo in fuure ka kide, “Hela takkapunu ekkaysattampaytase'e saanta Pilaatin ishootta ekkaysada koddita, yaalinno ka patta' hasa?”

Timotoosi a paayyota 1:19

Amanteeta ka dikatta paxaara a ke qootinni in kinnin qapnaado. Orra demo, dikattaaysho a karanxata'e alle' kate ka akkima markapa puppeeta pakateetatin panno mina'e, amanteetaaysho' pashshen.

ipro 10:39

Ino' xoori, an orra amanno ka dinno quda diisheey, orra iskamman desa oorro ka panno qudan.

Yayqoopi 2:26

Dakinta a kara napseeta in kinnin akkiman dakinta toote mina'e, amanteeta koda in qapnin, asseewwen amanteeta toote.

Petiroosi a lammatta 2:20

A poqallaanno isho dinshampaytinno Yesuusi Kiristoosi upnaattaanne nyala piita kela qahen kammaayye, oto tiitawan ka nyalasene kara'ew qapaman ka putamaneeyye, a paayyota kapaayye a kamma desa'e ishootta qara kokkonnaada.

Petiroosi a lammatta 2:22

Deymatteetase a dukaata kiinitto “Kuta fataadipa tiitaawni.” Ka kiinitto owwe “Tuuyyata a pishaan jaqen itiitaawni ka dooqqetoppa kankalaanni.” I'ishootta qara kayte.

Yohaannisi a paayyota 2:19

Ishootta inoppa sooken, a kodditoma turanneew ino oppa in qapnin. kadin ino oppa qapan kiiteeyye, ino olli japaanni heenen. Ma xoori akka pisanti ino oppa in qapnin akka upnaysamto malla ino quda xawwi' ooren.

Yihuta 1:12

Orroose fuura mali nyala koono, oto sankulta takkumtaayshina oppopa deaneyye, kehayta ishina' koddini. Ishootta sikmaya issiiw sikinna. Ishootta oraara roopa in qapnin ka xayxaytan haadamma mina; ishootta eta a luukata palinitto nefooyye qoyra a qara luukkata kinnaanni in kinnin a hittinan shukkame ka lakkin to'e mina.