Luqaasi 8:1 - Mataafa Qulqulloota

¹ Se kammaayye Yesuusi katamadda isho palewwaappanne tarpini ka mankisteeta Waaqa torrini ka otootase a fayya salinni. Tamaarewwasene xaadi kudanka lakki nefo isha olliiyyiiw caan.

Luqaasi 8:1 ပူးပေါင်းရင်းမြစ်များ

Maatiyoosi 11:1

Yesuusi ete tamaarewwasene xaadi kudanka lakki'i ajajddosen daashe kammaayye, porose oppaayye xa'e ka otootase a fayya torreeta ka kollissa'e katamadda a eyye kapan desa ca karopa aane.

Maatiyoosi 13:19

Xottasene pora kapa seehe, ini nama qaaletase a mankisteeta Waaqa dakaye, ikka ishi in kallini lelli; seetana ka deeni ka qaaletase karittaadi kara aylamte isha kara pohanni.

Maatiyoosi 4:23

Yesuusi ka tikkasene a qinseeta a orra Yihuta kela kollissanne, ka otootase a fayya amankisteeta Waaqa torreetanne ka a paaqa isho deesa ika lekaytan qapame dinissaanne, piita Kelila piisa oppa tittiitaawni.

Maatiyoosi 9:35

Yesuusi ka katamadda isho palewwa pisa oppa pora anni ka tikase xaaysho a orra Yihuta a qinseeta kela kollinni; ka otootase a fayya a mankisteeta Waaqa orra torrini; ka paaqa isho deesa piisa dininni

Mariqoosi 1:39

Ikka oori piita Kelila pisa oppa a''anni; ka tikkasene a orra Yihuta a qinseeta kela orra kollinni ka orriyya kuli sookinni.

Luqaasi 1:80

Inna sene ka kuttaden ka hapuran kokkonnaaden ka haka samayta Isira'eeli tura akkaannaan kara'e koommaytoppa kallaaden.

Luqaasi 20:1

Kuyyaata takkaayye a Yesuusi tika qulqulloota kela co ka samaytase kollinno ka otootase a fayya torrinooyye, saarra qeesewwa ka kollissampaya a seera isho qimoota piita, isha kapopa de'en.

Luqaasi 4:18

“Hapura Poqalla ana qara ca, ka akkan otootase a fayya teekolaya torro ana shuume. Ka akkan orra hidame'e, furama, ka a ilda in qapnini'i, paata akkeeta salisho, ka a miiddame nata sooksho'e, ana erke.

Luqaasi 9:6

Erkamampayasene ka eyye xa'en ka porra piisoppa paaqolaya dininni. Ka palewwaappa anni ka otootase a fayya kollinni.

Kodampaya 10:38

“Ka asseew Waaqa akka Yesuusise a Naasirati Hapura Qulqullootatin daate ka hupna ishi daashe, i'uptan. Waaqa qoota isha olli co malla, isha ka wa pa'aara kodanne ka orra a hupna ukkumeeta kela miiddame piisa dinissaanne pora aane.

Kodampaya 13:32

Ino nefo ka otootase a fayya a Waaqa, aappadaanno kippeeta daashe, ishina torrininna.

Roomi 10:15

A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni!” mina.