Luqaasi 7:41 - Mataafa Qulqulloota

⁴¹ Yesuusi ka haasaadi kammaaw caade ka ishi kide, “Nama lakki leqeessampayta takka qara kaaja leqessade ca; takka pirreeta dippa keni leqeessade, takka ka kunda ken leqeessade.

Luqaasi 7:41 ပူးပေါင်းရင်းမြစ်များ

Xuuma Issayyaasi 50:1

Waaqa ikiini, “Warqata a ishin aayyaassin diisamte, an ishin alle isheetta daane, ayshaayye ca? Taaki oton in ishin kateeyye, a kaaja ana leqeesse oppaayye, a xaame'en ishin kate? Tin, ha neequmtaayshinanne' katamten, aayyaassin ka juppootayshin minan alle' daanamte.

Xuuma Ermiyaasi 3:11

Waaqa ka ana kide, “Yihutase amanteeta dapte kapaayye, Isira'eelise amanteeta in qapnini hanqeellitteeta kodde.

Mataafa Dikoota 27:3

“Aappinno koommaytoppa'e to'e; isha umma parkase olqape a Qore ka Yaahiwwe qara falqan xa'e oppaayye in co; ma juppootaadinni to'e, umma hella diira in qapo;

Maatiyoosi 18:28

“Orxaytase xoori ete desa sookeeyye, orra ollin orxumen oppaayye, orxayta takka a qaraayye dakara pirreeta dippa qapo akke ka qape ka niike; ka ishi kide, ‘Kuuriyyo ana oorshe!’

Maatiyoosi 6:12

Akkiman orra ino ishin dapno diinninno mina'e, atti dapinno ino diisheew.

Mariqoosi 6:37

Yesuusi ka ishootta kide, “Ishina wa damane ishootta daasha.” Ikka kidene, “Hela kuli in anna ka tinaareta dippa lakkin laaqqota a daman piddina ka ishootta daanna?”

Luqaasi 11:4

Akkiman orra ino ishin dape diinninno mina'e, atti juppootinno ino diisheew, umma ekkaysuma oppopa ino in kalshan neequmta kela inon pahe diisheey.’”]

Luqaasi 12:48

Ma xoori, a koda poqallaadi isha qara faano in upnin ka ishin dape, shakkayteeta'ew qatta'ama. Nama a kutta ishi daasamte qaraayye a kutta'e fadammi; nama a tara kutta teyyade qaraayye asseew a kutta asatammi.”

Luqaasi 13:4

Qoota namase kudanka sette, a Selehoomiiyyi, kawwatta qara qitte, ikka le'eneti desa maana dikannittan? Hela ishootta a orra Yursaalami kara kalo piisa qaropa, juppoota jaalene ishina pahata?

Luqaasi 7:40

Yesuusi ka ishi kide, “Simooni, waan ke lela takkanen qapa.” Isha ka ishi oorshe ka kide, “Owwe, kollissampayto ana' lelin ka.”

Luqaasi 7:47

Semmalla in ke kiini, isheetta qoota a kuttati jaalatte malla, juppootase xaadi koopte i'ishi haste. Ma xoori nama a juppoota shakkayteetaaw ishi diisamte, jaalalaadi nefo asseew shakki.”

Roomi 3:23

Orra piisa juppoota kode ka ulfeena a Waaqa ishootta' daashe dape.

Roomi 5:20

Akka juppoota koopto'e seera de'e. A juppoota koopte kapa'ew, daassata Waaqa ka a qaran qapto' koopte.