Luqaasi 7:40 - Mataafa Qulqulloota

⁴⁰ Yesuusi ka ishi kide, “Simooni, waan ke lela takkanen qapa.” Isha ka ishi oorshe ka kide, “Owwe, kollissampayto ana' lelin ka.”

Luqaasi 7:40 ပူးပေါင်းရင်းမြစ်များ

Mataafa a Nuqussa a paayyota 2:14

Ikka kide, “Waan ke lelada'en qapa.” Isheetta ka ishi kiite, “Leladunka.”

Xuuma Hisqeeli 33:31

Ikka akka orra ollopa deeno mina'e, ke kapopa de'an ka akka samaytiyyo' mina'e, ke tura' kuti'an ka wa a' kiinitta dakayan' Umma in kodan ka afaasso oppa a teyyanna' pahanaadan ka haasawadan; karittaaysho' xoori tooktaaysho qaropaaw tiitaawa.

Xuuma Milkiyaasi 1:6

Waaqase we pisa ettaninno iqeesewwa' kiini, “Inna aappa ishootta xaaye, ulfeessini orxayta nefo ka nama a kapa kalo tura fuurri ka anti oton an aappaayshinaayye, aytami ana ulfeessinittan? Oton anti an Poqallaassinaayyeew, aytami ana fuurrittan? Ha ishina' qeesewwaayye ana' puyatten ka desa oorten ka ana kaassannittan ka kiinittane, ‘Hela xawwi attannen ke puyanne?’

Maatiyoosi 26:49

Ka eennow Yesuusi kapopa dehaade ka isha dinke ka kide, “Kollissampayto, a nakayta ke koddo.”

Maatiyoosi 7:22

Kuyyaata firteetatiiyyi orra lekayta ana kida, ‘Poqallaay, Poqallaay, ino maxxaaytin xuuma an haasawanne? Ka maxxaaytin orriyya an sookinne? Ka maxxaaytin kodadda orra qawwanna lekaya an koone?’

Luqaasi 18:18

Saarra Yihutaata oppa takka ka Yesuusi kaassade ka kide, “Atti kollissampayta, a paxaara, akkan caatta parpara akkado'e, maana kodeeta ana faani?”

Luqaasi 5:22

Yesuusi ka dikattaaysho upnaade ka ishootta kide, “Maana malla isi karan xata sede dikannittan?

Luqaasi 5:31

Yesuusi ka ishootta oorshe ka kide, “Ha orra paaqno'e akimitta parpaaccisni diisheey, orra fayya qapo parpaaccisni in co.

Luqaasi 6:8

Yesuusi xoori dikkattaaysho'e upnaade ka namase harkan toonnaawe kide, “Xa'e ka otantoppa qa'ado!” Namase ka xa'e ka otantoppa qa'ade.

Luqaasi 7:39

Feresittase piifa Yesuusi hale ete sede akkeeyye, isi karan xata dikade ka kide, “namoose katin keeton xuumampayta kiiteeyye, iskatteetose asse isha quda shohonitto ayno akkima koddite ka juppoolayteeta a atta pahato koddite, upnaanni heene.”

Luqaasi 7:41

Yesuusi ka haasaadi kammaaw caade ka ishi kide, “Nama lakki leqeessampayta takka qara kaaja leqessade ca; takka pirreeta dippa keni leqeessade, takka ka kunda ken leqeessade.

Yohaannisi 13:13

Ishina i'ana' kiinittane, ‘Kollissampayta ka ‘Poqalla’ ikkan dukaata. Anti keeto'en an kollissampayta ka an Poqallaay.

Yohaannisi 16:19

Yesuusi ka akkima qootoseti desa isha kaassatta faden upnaade ka ishootta' kide, “Hela sede a oli kakaassannittan qootan ishina' kide, ‘eta shakkaya kammaayye ana a akkitan ka eta shakkaya kammaayyeew i'ana akkitan malla?’

Yohaannisi 16:30

Atti akkima we' piisa upto, nama takka' nefo ka ke qara kaassuma kaassatta isha parpaaccisni in kinnin, amman upnaanne. Semmalla akka' Waaqa kapa deete in amanninna.”

Yohaannisi 3:2

namoose halkeette Yesuusi kapopa aane ka ishi kide, “Kollissampayto, a Waaqa isha olli kinnaado maliiyyi nama takka nefo wossin orra qawwanna a atti koonitta, koda ettaninno in co. Semmalla atti akkima kollissampayta Waaqa kapa de'e koddite in upna.”