Luqaasi 7:22 - Mataafa Qulqulloota

²² Ka orrase ishopa erkame kide, “Tiitaawa ka aana ka wossen a akkitene ka dakaytene Yohaannisi lela: Tin orra ilda in qapnin ipaata akkini, totoonnaya ka jib kiini ka anni; qoosholaya idinni, orra dakkaawe ipaata dakayni, orra le'e tootoppa i'aani, otootase a fayya ka teekolaya torraammi.

Luqaasi 7:22 ပူးပေါင်းရင်းမြစ်များ

Mataafa Iyyoopi 29:15

A ilda in qapniniiti ildaan kodde ka a toonnaaweeti loqqa kodde.

Mataafa Masmuureta 146:8

Waaqa joolada'e, ilda panni; ka a jeere ela qapni; ka hanqeellaya jaalanni.

Xuuma Issayyaasi 42:16

Ka orra a ilda qara' paten pora a pari in upnin oppan aansha, ka saanta in upnin oppan ishoottan aana; ka ishootta tura tukkanta la'ayta' oorsha, ka kurtuptuppa a pora' olmina' oorsha; ka sede piisa anti'iw koda, umma alle'e ishootta an diisho.

Xuuma Issayyaasi 43:8

Waaqa ikiini, “Sene a ilda qapan kapa paata akkini in kinnini, ka a nappa qapan kapa paata dakayni in kinnini' sooksha.

Xuuma Ermiyaasi 31:8

Tin anti piita qutattati xatan ishoottan kala; ka qinda piita oppa oortooyye ollopa ishootta oorsha; ishoottoppaayye a joole ka a totoonnaawe ka iskatta karittoppa hellaa qapo isho ayatattan qapame kuli ca; ishootta samayta kuttayta; ka arepa kalan.

Xuuma Sofooniyaasi 3:12

Ishin oppaayye, orra matta shakkinno ka naalaya kodden issi hattisha; ishootta ka ana kippadan ka qaarqaarsiyyoow asadan.

Maatiyoosi 11:5

Orra joole ipaata akkini, totoonnaya jib kiini ka anni, qoosholaya idinni, nyalaasso ka quda tawni, orra dakkaawe ipaata dakayni, orra le'e tootoppa ixaani, otootase a fayya ka teekolaya torraammi.

Maatiyoosi 21:14

Yesuusi a tika qulqulloota kela cooyye, orra a ilda qara patene isho totoonnaya isha kapopa de'e. Ikka ishootta dinshe.

Luqaasi 4:18

“Hapura Poqalla ana qara ca, ka akkan otootase a fayya teekolaya torro ana shuume. Ka akkan orra hidame'e, furama, ka a ilda in qapnini'i, paata akkeeta salisho, ka a miiddame nata sooksho'e, ana erke.

Luqaasi 7:21

Yesuusi saatese oppaayyeew paaqa isho deesa ika lekayta kela orra dinnshe; ka hapurra nenneeqa sookshe. Ka orra ildaan qapnin lekayta akka paata akka'o kode.

Luqaasi 7:23

Nama ana dukaysatta malaalli in kinnin, i'eppisame.”

Yohaannisi 1:46

Naatina'eli xoori i'ishi kide, “Katama Naasirati kara wa paxaara te'atta i'ettanshane?” Filippoosi ka ishi kide, “Xooye tooyye!”

Kodampaya 26:18

Akka ishootta ildaasso panta ka tukkantoppa la'aytoppopa ishootta sookisso'e, ka hupna seetana kela Waaqopa ishootta oorisso'en koda. A ishootta ka ana amana minanne, haseenta juppoota akkadan ka orrase ana amane ka qulqllaawe olliiyyi lehanda qoottadan.’”

Kodampaya 8:7

Hapurra nenneeqa ka nessa kuttan ullupni ka orra lekayta kara sookni; totoonnaya isho a hekkella lekaya ka dinni.

Yayqoopi 2:5

Ishina a jaalatame hellaanno a kiristaanatiiyyi, dakkaysada! Waaqa, akka amanteetan teyaantolaya koddan ka mankisteetase a orra isha jaalanno' kippeeta' daashe lehadane'e, teekolaya piisseti in reexanne?