Luqaasi 7:19 - Mataafa Qulqulloota

¹⁹ Yohaannisi ka tamaarewwaadi oppaayye lakki hale ka Poqalla Yesuusi kapopa erke ka kide, “Isha kaassada ka kida, ‘Hela kiristoosise kiinaane “ide'a” kem, mon a pila'en asanna?’”

Luqaasi 7:19 ပူးပေါင်းရင်းမြစ်များ

Mataafa Uumata 22:18

Qoota' waan ke' kiina' dakayte malla, orra piita qara co piisa sanynyeetaayti minan sakama.’”

Mataafa Uumata 3:15

Otantaayti ka a iskatteetoseti ka otanta sanynyeetaayti ka a sanynyeetaadi oppa'en paarkaallummaata koda. Isha mattaayti oppa tuma atti ka kamdaadi qomta.”

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Xuuma Issayyaasi 11:1

Akkima kurpana qudaayye fujuqa ujjino, hittinaadi ka taama dehinno mina'e, toola Isseyi oppaayye nuqusa xa'a;

Xuuma Issayyaasi 7:14

Semmalla Poqalla mattaadi' milikkita ishina' daasha; tin, iskatteeta xayya qapto inna hita ka inna diirta' xaaya ka maxxaadi ‘Amaanu'eeli’ Kiita ka haleeta.

Xuuma Mikkiyaasi 5:2

Waaqa ikiini, “Atti ke a piita Efraata kara kitto Peteleheemi, kadi punu kantada a Yihuta oppa shakkatte nefooyye, a xattati paayyatte haka paraparati'i, a saara koddo ka Isira'eeli mukshon keppaayye xaasha.

Xuuma Hake 2:7

Waaqase piisa ettaninno ikiini “Mankistewwa ana amanni in kinnini alle'en karkalsha, teyantaaysho' piisa ka arepa deeta anka tikoose are kitto ulfeenan immaka.”

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Xuuma Milkiyaasi 4:2

Ma xoori ishina ana tura fuurraati'i, letta a fayya'e ishina' piira, dina ka kelaxata ishina' de'a akka a innayya sa'a a tura xarra paname mina'e sooktan ka pora siikattan.”

Mariqoosi 6:7

Yesuusi erkamampayasene xaadi kudanka lakki isi kapopa hale ka lakki lakki ollin qape ka erke ka hapurra neeqa qara hupna ukkumeeta ishootta daashe.

Luqaasi 10:1

Se kammaayye Poqalla, orra pila nama kunda tappa lakki reexadeew ka katamadda isho porra a oppopa isha anta dikade pisa opa akka isha turan desa aanane'e, nama lakki lakki ollin qape ka erke.

Luqaasi 11:1

Kuyyaata takkaayye Yesuusi pora takka oppaayye qinsanni, ete qinseetase dikkisheeyye, tamaarewwaadippaayye nama takka ka isha kide, “Poqallaay, akkima Yohaannisi tamaarewwaadi qinseeta kollishe mina'e, atti nefo qinseeta ino kollisheew.”

Luqaasi 11:39

Semmalla Poqalla Yesuusi ka ishi kide, “Ishina Feresaateeyye, kuppaayyaddaassin isho tomaddaassin laka tulan fayya'e jaqnittan, ishina xoori karan xata sara isho neequmtanne immakaatten.

Luqaasi 12:42

Poqalla Yesuusi ka ishi oorshe ka kide, “Ka kuliyya akka tikaadi qanqannissa ishi muksho'e, ka kiseetoppa orxayaadi damta daasho'e, ilattaytase a mukissampayta amaname, a aappa tika isha shuumade ayno?

Luqaasi 13:15

Poqalla Yesuusi ka ishi oorshe ka kide, “Ishina pappahanassampayaay, ishina takka takkaayye sampatan, xormaayshin qaadda kela taaki harreetaayshin pora a oppa hiddamteeyye a furri a kittan ka faaka a qulli a kittan'e?

Luqaasi 17:5

Erkamampayasene a Yesuusi ka Poqalla Yesuusi kidene, “Poqallaay, amanteeta ino padaawe”

Luqaasi 17:6

Poqalla Yesuusi ka ishootta kide, “Kadi amanteeta uqqinteeta leya mina kitto qaptaneeyye ka leyoositi kiinittane, ‘Areppaayye putame ka pakateetoppa dishameeyye’ i'ishina ajajama.”

Luqaasi 18:6

Kamma desa Poqalla Yesuusi ikide, “Wa ukkuttootase a taanynya haasawade matte qapnaada.

Luqaasi 19:8

Sakkiyoosi xoori iqa'ade ka Poqalla Yesuusi kide, “Poqallaay! tin teyanta an qapo piisa qaraayye, paka takkan teekolaya daasha. Oton sassapannen nama qara kuura qeede nefooyye, harka afuri'in oorsha.”

Luqaasi 22:61

Sitiiyyi Poqalla Yesuusi ka desa tiitawe ka Peetiroosipa desa tooyyade. Peetiroosi ka qaalese a Poqalla Yesuusi haasawade ka kide, “Awwe a lukkalitta in iyyinin turanne sessan ana marmatta” Matte oorsade.

Luqaasi 24:34

Ishootta ka ishootta kiini “Poqalla Yesuusi dukaatanne tootoppa xa'e ka Simooni tura akkaade!”

Luqaasi 7:13

Poqalla ete ishetta akkeeyye, ishetta suraysade ka isheetta kide, “In pooyan.”

Luqaasi 7:20

Ishootta ka Yesuusi kapopa aanen ka ishi kidene, “Yohaannisise pishaan orra jaqno ke kapopa ino erke ka kiini, ‘isha kaassada ka kida, Kiristoosise kiinaane ide'a hela kem mon a pila'en asannaa?’”

Yohaannisi 11:2

Maariyaamise nefo, isase loqqa Poqalla shittootan daatite ka nyirfaadi a mattatin quda haaqte. Alaasaarise paaqno nefo innaasso.

Yohaannisi 4:1

Sitiiyyi Feresaata ka akkima Yesuusi a Yohaannisi qaran qapto orra lekayta tamaarewwaadi kodanno ka pishaan ishootta jaqqino dakayte.

Yohaannisi 4:25

Iskatteetase ka ishi kiite, “Dinshanpaytase a Waaqa reexade Kiristoosi kidammo akkima de'o in upa. Isha oto de'oyye, we piisa ino' lela.”

Yohaannisi 6:23

Ma xoori koonkadda pila'e Tipradoosi desa xa'e ka, porase a oppa Yesuusi qinseeta kalata kode; orrase ka oppaayye laaqqota dame opa kapopa de'e.

Mataafa Iyyaasu 2:1

Sekkamma Iyyaasu inna Newe ka safara Shitiimiti desa akka aanan ka piita Kene'aaniti katama Iyyaarko lettishane'e, lettissampaya lakki erke. Orrase ka aane ka katamasene a Iyyaarkootiiyyi tika arpalayteeta takka Re'aapi kidammitto opa kale ka eyye muke.

Keleshaata 11:3

Maakkiyyasene xayyo lakki akka mehadda dapteeta kalsadan ka kuyyaata kuma ka dippa lakki kunda lehi xuuma haasawadane'en ishootta hupna daasha.”