Luqaasi 7:13 - Mataafa Qulqulloota

¹³ Poqalla ete ishetta akkeeyye, ishetta suraysade ka isheetta kide, “In pooyan.”

Luqaasi 7:13 ပူးပေါင်းရင်းမြစ်များ

Mataafa Masmuureta 103:13

Akka aappa hellaadi suraysanno mina'e, Waaqa asseew a isha tura fuurra' suraysanni.

Mataafa Masmuureta 86:15

Waaqqo, atti' xoori a' suraysatampayta ka a' diissampayta Waaqa; a kuttati orra kela duupanni ka xoona ka amanuma alle' purte.

Mataafa Masmuureta 86:5

Poqlo, atti ipaxaari ka a' diissampaytaay, ka a ke qinsanna' piisa'e, xoona alle' purte.

Xuuma Issayyaasi 63:9

Isha' rakkootaaysho piisa ishootta olli rakkade, erkampattootaadi ka ishoottan pahate; isha ka jaalalaadi isho suraysattaadin ishootta furade ka eta xatta' piisaayye opeela ishootta haade.

Xuuma Ermiyaasi 31:20

Waaqa ikiini, “Samayta Isira'eelitiiyyi, ishina hellaayyo an jaalanna ka a kuttati ishinan xasoonna'eenne? Kadin punu a lekatin ishin qara' haasawadeeyye, ammi ikki'in matte ishin oorsanni, semmalla karittiyyo ka a kuttati ishin yaatanniiy, anti dukaatannen ishin suraysada.

Mariqoosi 8:2

“Tin orroose kuyyaata sessa ana kapa pire, qoota wa damane in qapnin malla in ishootta suraysanni.

Luqaasi 10:1

Se kammaayye Poqalla, orra pila nama kunda tappa lakki reexadeew ka katamadda isho porra a oppopa isha anta dikade pisa opa akka isha turan desa aanane'e, nama lakki lakki ollin qape ka erke.

Luqaasi 11:1

Kuyyaata takkaayye Yesuusi pora takka oppaayye qinsanni, ete qinseetase dikkisheeyye, tamaarewwaadippaayye nama takka ka isha kide, “Poqallaay, akkima Yohaannisi tamaarewwaadi qinseeta kollishe mina'e, atti nefo qinseeta ino kollisheew.”

Luqaasi 11:39

Semmalla Poqalla Yesuusi ka ishi kide, “Ishina Feresaateeyye, kuppaayyaddaassin isho tomaddaassin laka tulan fayya'e jaqnittan, ishina xoori karan xata sara isho neequmtanne immakaatten.

Luqaasi 12:42

Poqalla Yesuusi ka ishi oorshe ka kide, “Ka kuliyya akka tikaadi qanqannissa ishi muksho'e, ka kiseetoppa orxayaadi damta daasho'e, ilattaytase a mukissampayta amaname, a aappa tika isha shuumade ayno?

Luqaasi 13:15

Poqalla Yesuusi ka ishi oorshe ka kide, “Ishina pappahanassampayaay, ishina takka takkaayye sampatan, xormaayshin qaadda kela taaki harreetaayshin pora a oppa hiddamteeyye a furri a kittan ka faaka a qulli a kittan'e?

Luqaasi 17:5

Erkamampayasene a Yesuusi ka Poqalla Yesuusi kidene, “Poqallaay, amanteeta ino padaawe”

Luqaasi 17:6

Poqalla Yesuusi ka ishootta kide, “Kadi amanteeta uqqinteeta leya mina kitto qaptaneeyye ka leyoositi kiinittane, ‘Areppaayye putame ka pakateetoppa dishameeyye’ i'ishina ajajama.”

Luqaasi 18:6

Kamma desa Poqalla Yesuusi ikide, “Wa ukkuttootase a taanynya haasawade matte qapnaada.

Luqaasi 19:8

Sakkiyoosi xoori iqa'ade ka Poqalla Yesuusi kide, “Poqallaay! tin teyanta an qapo piisa qaraayye, paka takkan teekolaya daasha. Oton sassapannen nama qara kuura qeede nefooyye, harka afuri'in oorsha.”

Luqaasi 22:61

Sitiiyyi Poqalla Yesuusi ka desa tiitawe ka Peetiroosipa desa tooyyade. Peetiroosi ka qaalese a Poqalla Yesuusi haasawade ka kide, “Awwe a lukkalitta in iyyinin turanne sessan ana marmatta” Matte oorsade.

Luqaasi 24:3

Ma xoori ete hawlase karopa kulleneeyye pukka a Poqalla Yesuusin akkine.

Luqaasi 24:34

Ishootta ka ishootta kiini “Poqalla Yesuusi dukaatanne tootoppa xa'e ka Simooni tura akkaade!”

Luqaasi 7:12

Yesuusi ete xarra katamaseneti kapa kayeeyye, tin orra a pukka haano katamasene kara sookni. namoose to'e nefo, aayyaasso isha takkaaw qapta. Aayyaasso nefo, hiyyetteeta a diirtaadi qara in kinnin. Katamasene kara orra lekayta ka isheetta kamma anni.

Luqaasi 7:14

Se kammaayye, Yesuusi itturan desa lalaabbe ka shaabbasene quda qappade. Orrase haano ka qa'ade. Yesuusi ka kide, “Xayyoolayto, in ke kiini xa'e!”

Luqaasi 7:19

Yohaannisi ka tamaarewwaadi oppaayye lakki hale ka Poqalla Yesuusi kapopa erke ka kide, “Isha kaassada ka kida, ‘Hela kiristoosise kiinaane “ide'a” kem, mon a pila'en asanna?’”

Luqaasi 8:52

Orra eyye co piisa olloppe qite ka qoota enentaseti desa pooyni. Yesuusi xoori i'ishootta kide, “In pooyan, enentoose imukte diisheey in tooneey.”

Yohaannisi 11:2

Maariyaamise nefo, isase loqqa Poqalla shittootan daatite ka nyirfaadi a mattatin quda haaqte. Alaasaarise paaqno nefo innaasso.

Yohaannisi 11:3

Tuparraasso ka Yesuusi kamma erken ka kidene, “Poqallaay, ha isase a jaalannitto ipaaqni.”

Yohaannisi 20:13

Ishootta ka Mariyaami' kidene, “Atti iskatteetayti, maana malla' pooyni?” Isheetta ka kiite, “Ha Poqallaayyo qeeden, umma pora a oppa' xaayen anti an upo.”

Yohaannisi 20:15

Yesuusi ka isheetta' kide, “Iskatteetayti, maana'e' pooyni? Ka ayno faani?” Isheetta qaraayye aappase a dulaseti, ikka ishi' kiite, “Poqallaay, oton ke qeedeeyye, pora a oppa' xaayte ana' lele, an ka teyyado.”

Yohaannisi 4:1

Sitiiyyi Feresaata ka akkima Yesuusi a Yohaannisi qaran qapto orra lekayta tamaarewwaadi kodanno ka pishaan ishootta jaqqino dakayte.

Yohaannisi 6:23

Ma xoori koonkadda pila'e Tipradoosi desa xa'e ka, porase a oppa Yesuusi qinseeta kalata kode; orrase ka oppaayye laaqqota dame opa kapopa de'e.

Qorontoosi a paayyota 7:30

A nyarrahana, akkima orra a nyarrahani in kinnin' mina a kallaaden; a xasoonna'ew, akkima orra a xasoonni in kinnin mina a kallaaden; a meeha piddanna, akka meehose' xaaysho in koddinin mina a dikaden;

Teseloonqe a paayyota 4:13

Hellaanno a kiristaanatiiyyi! a orra kippeeta in qapnin' mina'e, akka a nyarrahanini'i, qoota orra le'eti desa, akka' dukaata upnaattane'en faaninna.

ipro 2:17

Se malla we' piisanne hellaasso' pahanaatta isha parpaacciste. Sede nefo, Waaqa kela koda kodaanne, akka saara qeesewwa a amaname isho diissampayta koddo ka juppoota samayta alle' pashsho malla.

ipro 4:15

Saara qeesewwa an ino' qapno, a nukkullumaanno oppa ino suraysanno; isha we piisanne xanno mina'e ekkaysatame ma juppoota takka nefo in koone.

Mataafa Taanynyada 10:16

Ka killowwasene xaaysho alle pashshen ka Waaqa saksaden; Waaqa ka ete Isira'eeleta rakkannittooyye, jaw kida ka ildaan tooyeeta in jaalanne.