Luqaasi 6:47 - Mataafa Qulqulloota

⁴⁷ Nama anopa deeno ka qaaletiyyo dakkaysanno ka ishin kallaanno, ayyno akka paho ana ishina lelo.

Luqaasi 6:47 ပူးပေါင်းရင်းမြစ်များ

Xuuma Issayyaasi 55:3

Napahataayshin anopa oorsha ka anopa dehaada; ka akka' caattane'e, anopa dakkaysada, xoonasene xayyo pirama in qapnini, an Taawwiti' qapa minannen, ishin olli kodayteeta parapara' kodada.

Maatiyoosi 12:50

Nama fiqaata aappinno a moonta koono piisa, ishan innaanno ka enentinno ka aayyaanno.”

Maatiyoosi 17:5

Ete isha sede afappa in dikkinniniiyyi, urratta ata ka de'e ka ishootta qara libbishe; urrase kara desa nessa kiino, “Ini innasene xayyo an jaalanna ka ishin xasoonna'ey, ishi dakaya” ka dakaade.

Luqaasi 11:28

Yesuusi ka ishetta kide, “A qaaleta Waaqa dakayna ka ishin kallaanna, ishootta eepisame.”

Luqaasi 14:26

“Nama anopa deeno piisa, oton a ana qaran qapto'e aappaaysho ka aayyaasso ka iskatteetaadi ka hellaadi ka hellaasso ka tuparraasso, taaki isi mikka jaalanniyyi, tamaarittiiyyo kodda in ettansho.

Luqaasi 6:48

Isha nama fayya qaawa qote ka qapaya qa'e ka qara tikaadi qupade paha. Malxa ka de'e ka tikase tuukke. Ma xoori qoota qapaya kokkoka qara qupamte malla, leehissa in ettaninne.

Luqaasi 8:13

Xottasene kookohota qara seehe'ew, orrase qaalese dakkaysanno ka xasan teyyanno lelli. Ma xoori ishootta eta desaaw amanni ka qoota hittinna in qapnin malla, oto rakkoota ishootta qara kaynittooyye, eennow marmanni.

Luqaasi 8:8

Xotta a taakane xoori, piita fayya oppa'e seehen ka sakkatten; sakkattase ka jife ka matta mina miillata harka dippa pale.” Kammadesa Yesuusi ikide “Nama napahata a dakaynitto qapo a dakayo.”

Yohaannisi 10:27

Kahirraayyo nessiyyo dakayni, anti nefo ka ishootta upa; ishootta nefo ka ana kamma deeni.

Yohaannisi 13:17

Kati sede upnaannittan ka koonittan kiiteeyye, ishina a orra eeppisame.

Yohaannisi 14:15

Oton i'ana jaalannittaneeyye, ajajiyyo tooyta.

Yohaannisi 5:40

a kodditoma, ishina caatta akkatta'e an opa deena a heentan.

Yohaannisi 6:35

Yesuusi ka ishootta kide, “Ha laaqqota caatta ana. Nama ana kapopa deeno pakkanna in doxo, umma nama ana amanno, pakkanna in deepoodo.

Yohaannisi 6:37

Nama a Waaqa Aappa ana daanno piisa, ana kapopa de'a, umma nama ana kapopa deeno, an alle lakopa an daanno.

Yohaannisi 8:52

Yihutaata ka ishi kiite, “Akka orritta ke kara co amman upnaanne, Aprihaami kuli to'e xuumampaya kuli ka le'en atti xoori ikiini ‘Nama qaaletiiyyo tooytaanno in to.’

ipro 5:9

Ka ete a qaja in qapnin kodde kammaayye, orra ishi ajajammo piisa'e, wa a minan dina parapara akkadane ishootta kodde.

Yayqoopi 4:17

Semmalla nama wa paxaara' kodeeta a upo kapa kooni in kinnin, sede a koda diishe, juppoota isha qara' koddini.

Petroosi a paayyota 2:4

Semmalla Yesuusise caattampayta daka kodde kapopa dehaada. Dakoose daka a orra puyade ka alle' kate, Waaqa kapaayye xoori, daka reexame ka ulfeessame.

Petiroosi a lammatta 1:10

Semmalla hellaanno a kiristaanatiiyyi! Reexamaayshin ka halaamaayshin dukaatissa'e, a xatta qaran qapto japaada. Oton sede koonittaneeyye, pakkanna a kehaysattan.

Yohaannisi a paayyota 2:29

Akkima isha hanqeellitta kodde oton i''upnaatteneeyye, nama hanqeelluma koono piisa akka Waaqa oppa dalade upnaada.

Yohaannisi a paayyota 3:7

Hellaay! nama takka' nefo ishina in sassapannin; Kiristoosi akka hanqeellitta kodde mina'e, nama hanqeelluma koono piisa hanqeellittaaw.

Keleshaata 22:14

Qoyrase a caatta qudaayye dalta dama'e, xarradaadippan katamasene karopa kulla'e, akka mapteeta qapnaadane'e, orra a mehaddaasso diipade, a eeppisame.