Luqaasi 6:12 - Mataafa Qulqulloota

¹² Kuyyaata takkaayye, Yesuusi qinseeta'e irroota qaropa fayyade ka halkeettose kumma eeyyeeyye Waaqa qinsatta quda parishe.

Luqaasi 6:12 ပူးပေါင်းရင်းမြစ်များ

Mataafa Masmuureta 22:2

Oo Poqallaayyo! Kuyyaaten keepa ullupni; atti' xoori ana'e a' dakayni a' kitto; anka halkeette ullupni rafni umma nessuma an qapo.

Xuuma Issayyaasi 26:9

Halkeetteeyye karittiyyo ke yaatanni; hapuriyyo ka a kuttati ke faani; maana malla, oto muraatti a dukaata' piita qara' dehannittooyye, samayta piita hanqeelluma kollanni.

Xuuma Taani'eeli 6:10

Taani'eeli kadii punu akka ajajoose' taafame, kobbeeta ka kamma' toommamte dakayeeyye, fooqotaadi qaropa fayyade. Maskootewwa fooqetaadi qinda Yursaalami opa panama ka akka turan kuyyaatoppa sessaan qinsanno mina'e, Waaqaadi tura kilpiippanni ka kuyyaatoppa' sessaan Waaqa qinsanni ka isha kalataysanni.

Maatiyoosi 5:1

Yesuusi ete samayta kuttayta a isha kamma deeno akkeeyye, irroota qaropa fayyade ka kute'e. Tamaarewwaadi ka isha kapopa de'en.

Maatiyoosi 6:6

Atti xoori otoo Waaqa qinsannittooyye, alletaayti kelopa kulle ka xarraayti ittura dufe ka aappaase xaayshin dekoota in co ka akkaanni in kinnin opa qinsado aappase xaayshin wa dekootan kodde akkino xaayya a kodaayte a paxaara'e ke daashaay.

Mariqoosi 1:35

Yesuusi ete parinittooyye, paraappanne xa'e ka sooke; ka pora takka xawwi co opa qinseeta kede.

Mariqoosi 3:13

Yesuusi ete irroota qaropa fayyadeeyye, isasene a faana'e isi kapopa halaade. Ishootta ka isha kapopa de'en.

Mariqoosi 6:46

ka ete samaytase isi qara xaasheyye, qinseeta irroota qaropa fayyade.

Luqaasi 5:16

Isha xoori kuyyaata piisa xawwaati koommaytoppopa anni. Ka Waaqa qinsanni.

Luqaasi 6:11

Kollissampayasene a seera isho Feresata xoori, harmo'e miiroden ka maana akka Yesuusi qara kodan suladen.

Luqaasi 6:17

Yesuusi erkamampayasene xaadi olliiyyi irrootase qara lekkade ka lakoppa qa'ade. Tamaarewwasene xaadi oppaayye lekaya ka eeyye caan; samayta a qaaletaadi dakkaysatta ka paaqaaysho kela dina faano a akata kutta ka eeyye caaw ishootta nefo piita Yihuta ka katama Yursaalami ka katamaddasene pakateeta kapa ca a Tiroosi isho a Sidoonaati de'en.

Luqaasi 9:18

Kuyyaata takkaayye Yesuusi ete xawwaati Waaqa qinsannooyye, tamaarewwaadi isha kapopa de'en, ikka ishootta kaassade ka kide “Ata orra ayno ana kiini?”

Luqaasi 9:28

Yesuusi a sede haasawade kuyyaata sette kammaayye, Peetiroosi ka Yohaannisi isho Yayqoopi isi quda qeede ka, irroota takka qaropa qinseeta fayyade.

Luqaasi 9:29

Ete qinsannooyye, pissaadi ka pursame; mehaddaadi a kalsade ka attaaden ka warwarri.

Yohaannisi 6:3

Yesuusi ka irroota qaropa fayyade ka tamaarewwaadi olli eyye qa'e.

Qolaasiisi 4:2

Waaqa kalataysattaan kokkonnaada ka qinseeta an qaatishan.

ipro 5:7

Yesuusi eta a nama kodde ka piisse' qara kallaadeetiiyyi, Waaqase toota kela ishan paheeta ettanshopa, ullupitta a kutta ka ilmaama kuttaatin qinseeta isho naappuma dehayshe. Qoota naalumaan a ajajammo isi kode malla Waaqa ka qinseetaadi dakaye.

Mataafa Saamu'eeli a paayyota 15:11

“Saa'ooli nuqusa kodeetiyyon in maraarfade; maana malla isha ana kamma anta alle diishe ka ajajiyyo in tooytininiiy.” Saamu'eeli ka miirode ka halkeetta piisa Waaqopa ullupni rafe.