Luqaasi 5:32 - Mataafa Qulqulloota

³² Anti akka juppoolaya juppootaaysho oppa oorane'en hala de'e diisheey, hanqeellaya hala'e an deene.”

Luqaasi 5:32 ပူးပေါင်းရင်းမြစ်များ

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Maatiyoosi 18:10

Sene shashakka oppaayye akka takka nefo ishina a puyannin tooytaada in ishina kiini, erkampattowwaasso awta piisa fuula aappase xanno moonte kalo oppa tooyniiy

Maatiyoosi 9:13

Ma xoori aana ka isase taafamte ka kiinitto, ‘Anti diissatan jaalanni diisheey, kalisoota an jaalanni an co’ Maana akkima koddite kara qora ka upnaada anti juppoolaya halaa'en de'e diisheey, hanqeellaya hala'e an deeneey.”

Mariqoosi 15:10

Wa malla asse kide, akka saarra qeesewwa Yootan Yesuusi isha qaropa tarpishen qoota upo malla,

Mariqoosi 15:7

Sitiiyyi tiyyoolaya a mankisteeta qara xa'e ka orra leyshe ka hidame'e ca, Tiyyoolayoosen oppa takka Parpaani kidammi.

Mariqoosi 2:17

Yesuusi ka sede dakaye ka ishootta kide, “Ha paaqoolaya diisheey, orra fayya qapo'e akimitta parpaaccisni in co. Anti nefo juppoolaya akka juppootaaysho oppa oorane'e ishootta hala'en de'e diisheey, hanqeelaya hala an deene.”

Luqaasi 15:10

In ishina kiini, juppoolayta takka a juppootaadi oppa tiitaawno minanne moonte erkampattowwa a Waaqa asseew xasoonni.”

Luqaasi 15:7

Semmalla in ishina' kiini, hanqeellaya kunda sakali' sakal a juppootoppa tiitawa ishootta parpaaccisni in kinnini kapaayye, juppolayta takka a juppootaadi oppa tiitaawno minanne moonteeyye asseew xasa koddini.”

Luqaasi 19:10

Inna anama isase patte fadeeta ka dinissae de'e.”

Luqaasi 24:47

Akkimse mina'ew, maxxaadin, juppootoppa ooreta ka haseenta juppoota akkatta, Yursaalami paayyatte piitaddaappa samayta piisa torramto ilelamte.

Luqaasi 5:31

Yesuusi ka ishootta oorshe ka kide, “Ha orra paaqno'e akimitta parpaaccisni diisheey, orra fayya qapo parpaaccisni in co.

Luqaasi 5:33

Orra demo ka Yesuusi kaassade ka kide, “Tamaarewwa a Yohaannisi isho Feresata lekayteetanne damta musanni ka Waaqa qinsanniiy, tamaarewwaatti maana malla kuyyaata piisa damtaaw dammi ka ikkayta ikni?”

Kodampaya 17:30

Semmalla wa orra sapanna xattaati upna mali kode, Waaqa ituffade ka qaran tarpe; amma xoori orra a piitadaappa kalo piisa akka juppootoppa ooro'e ajaje.

Kodampaya 2:38

Peetiroosi ka ishootta' kide, “Juppootaayshin oppa oora ka akka juppootaayshin ishina' hasto'e, ishina takka takkaayye maxxa Yesuusi Kiristoosin jaqqama, Hapurase a Qulqulloota daassata Waaqa' kodde' teyyattaneey.

Kodampaya 20:21

Yihutaata isho orra a Yihutaata in koddinin akka juppootopa ooran ka Waaqopa tiitaawan ka Poqallaanno Yesuusi Kiristoosi amanane'e, tura desa in ishootta' lele.

Kodampaya 3:19

Semmalla akka juppootaayshin ishina' hasto'e alle juppootaayshin oppaayye oora ka Poqallaapa tiitaawa.

Kodampaya 3:26

Semmalla Waaqa innaadi paayyota qara ishina' erke; sede nefo akka saantaayshin a neeqa qara ishin oorsho ka ishina' sako malla asse kode.”

Kodampaya 5:31

Waaqa akka samayta Isira'eeliti juppootoppa ooreta ka haseenta juppoota' daasho'e, Yesuusi mattitta ka dinshampayta kode ka akka akkittaadi ulfeenan kuti'o' kode.

Petiroosi a lammatta 3:9

Akka orra demo' pahato mina'e Poqalla qaalese a kippeeta a haasawade dikkissa'e in jaro. Ma xoori akka nama piisa juppootaadippa ooretoppa kayo, nama takka' nefo ka in pannini faani ka qootaayshina desa duupanni.