Luqaasi 5:30 - Mataafa Qulqulloota

³⁰ Feresaata isho kollissampayasene a seera Feresaata quda kodde, tamaarewwa Yesuusi qara moomooni ka ishootta kiini, “Maana malla orra qarata qaratino isho juppoolaya olli dammittan ka ikkinittan?”

Luqaasi 5:30 ပူးပေါင်းရင်းမြစ်များ

Xuuma Issayyaasi 65:5

Ka kiini, ‘Ino ishin kapa akatan an qulqullowwaay isi tooytaada ka ino kapopan in dehaadan.’ Haasoosen ka ana miirassa'e a qayya' mina soonaappan ana' dooni ka kuyyaata kumma a apitta' mina opayni.

Maatiyoosi 5:46

Kadii orra ishin jaalanno pattaw jaalannittaneeyye, maana kamma teytan? Juppoolaya kuli asseew kooni in caane?

Maatiyoosi 9:11

Feresaata ete sede akiteeyye, tamaarewwa Yesuusi kaassatte ka kiite, “Kollissampaytaayshin maana malla orra qarata qaratno isho juppoolaya olli damta dammi?”

Mariqoosi 2:16

Kollissampaya seera a feresaata kodde, ete Yesuusi orra qarata qaratno isho juppoolaya olli damta dammo ikka akkeneeyye, tamaarewwaadi kaassaden ka kidene, “Isha maana'e orra qarata qaratno isho juppoolaya olli damta dammi ka ikkayta ikkni?”

Mariqoosi 7:3

Feresaata isho orra a Yihuta a ata hase haka aata qimaya tooytaadan ka taantetan harkaasso jaqadan mali damta dammi in caan.

Mariqoosi 9:16

Yesuusi ka tamaarewwaadi kaassade ka kide, “Ata maana qara ishootta oli shiishnittan?”

Luqaasi 18:11

“Feresitta iqaade ka isi karan xata qinsade ka kide, ‘Waaqqo, anti qootan a orra pila mina saramayta ka ukkuttoota isho dahalampayta an koddinin malla in ke kalataysanni; ka qootan namoose qarata qaratno nefo an pahanin malla ke kalataysanni.

Luqaasi 19:7

Orra sede akke piisa ka Yesuusi qara qoojqooje ka kide “namoose ha tika juppoolayta opa damta kulle.”

Luqaasi 5:17

Kuyyaata takkaayye Yesuusi a kollinnooyye, Feresaata isho kollissampaya a seera ka eeyye kuti'en. Ishootta palewwa Kelila isho a Yihuta pisoppa ka katama Yursaalami karaayye ollopa de'en; Yesuusi hupnase a Poqalla, a paaqolayaan dininno qapa.

Luqaasi 5:21

Kollissampaya a seera isho Feresaata ka oppa dikanni ka kiini, “Namoose Waaqa onno ayno? Waaqa takkayta maliiyyi a juppoota orra diinno a pila ayno?”

Luqaasi 7:34

Inna a nama'ew, ete deenooyye idammi ka ikkni; akka ishi kiitene ‘Tin ini karittoolayta a damta isho taadeta wayneeta jaalanno ka mootta juppoolaya isho a orra qarata qaratinooti’

Luqaasi 7:39

Feresittase piifa Yesuusi hale ete sede akkeeyye, isi karan xata dikade ka kide, “namoose katin keeton xuumampayta kiiteeyye, iskatteetose asse isha quda shohonitto ayno akkima koddite ka juppoolayteeta a atta pahato koddite, upnaanni heene.”

Kodampaya 23:9

Sitiiyyi horayta ka ollin koope. Kollissampaya a seera a Feresaata quda kodde demo ka xa'en ka shiishen ka kidene “Ino namoose qara wa neeqa takkan nefo an akkine. Takka punu hapura taakki erkampattoota Waaqa'e ishi haasawadeey ino maanan upna.”