Luqaasi 5:21 - Mataafa Qulqulloota

²¹ Kollissampaya a seera isho Feresaata ka oppa dikanni ka kiini, “Namoose Waaqa onno ayno? Waaqa takkayta maliiyyi a juppoota orra diinno a pila ayno?”

Luqaasi 5:21 ပူးပေါင်းရင်းမြစ်များ

Mataafa Masmuureta 103:3

Isase' juppootaayti piisa ke' diinno, ka paaqaayti pisa oppa ke dininno,

Mataafa Masmuureta 130:4

Ma xoori juppoota' diissatta ke kapaayye ca; semmalla fuurama ke parpaaccisni.

Mataafa Masmuureta 32:5

Juppootiyyon ke tura' upnayshe; umma ishin dapaytiyyo an juunne; ka kide, “Dapiyyon Waaqa tura' lelada” Atti ka juppootiyyo ana' diisse.

Mataafa Masmuureta 35:5

A ukkashsha puppeeta tura co kodden! A erkampattoota Waaqa ishootta kamma daanto.

Xuuma Issayyaasi 1:18

Waaqa ikiini, “Xooya ka oli deexna; juppootaayshin kadi punu akka qalameeta' mina tiimiiyyi, a fuuttota' mina'en attaysha ka kadi punu akka a diika' mina tiimiiyyi, a apteenta' mina attaysha.

Xuuma Issayyaasi 43:25

Anti an Waaqa, a isi malla kiino, ka ishin dapaytaayshin alle' diinno ana, umma juppootaayshin an dikni in co.

Xuuma Issayyaasi 44:22

Ishin dapaytaayti a urratta' mina'en alle' haqa, ka juppootaayti a qayanqayoota teykanta' mina alle' tawsha; in ke furadeey, anopa tiitaawe.”

Xuuma Taani'eeli 9:19

Oo waaqqo ino dakaye! Ka ino' diishe ka inopa dakkaysado! Ka kodaayti ino' akkishe! Waaqqo katamoosen isho samaytose maxxaaytinni halaameneey, maxxaayti malla kide ka in jaran.

Xuuma Taani'eeli 9:9

Waaqqo Poqallaano kadin puno ke dakaya tiinneeyye, atti a diissampayta ka a suraysattampayta.

Mataafa orra Lewi 24:16

Nama maxxa a Yaahiwwe onno piisa a alle ishamo; xora samayta piisa ka dakaan isha dakko; oton kalaytaayye taaki nama piitatiiyyi a maxxa a Yaahiwwe oto piisa a ishshamo.

Xuuma Mikkiyaasi 7:19

Amma nefo ino suraysattaaw ka dapinno alle' diissa ka juppootinno piisa ino qara alle xati hiwwalaalla pakateeta' kelopa tawissa.

Maatiyoosi 26:65

Sitiiyyi qeesittase kutta ka miirode ka mehaddaadi isi quda kakkaa'e ka kide, “Waaqa ote! Ishina ka otittaadi dakayteneey sede qaropa maakkitta maana'e parpaaccista?

Maatiyoosi 9:3

Sitiiyyi kollissampaya a seera Muuse oppaayye demo ka iskaran xata dikanni ka kiini, “Namoose Waaqa onni!”

Luqaasi 3:8

Semmalla, akka juppootayshin oppa oorten kodan akkisha diisheey, ‘Ino an hellaa Aprihaami’ Issi kideetan karitta karan xata issi in jeejjan. Anti in ishina kiinii, Waaqa dakaddosen are ca, hellaa Aprihaami kodeeta i'ettansha.

Luqaasi 5:17

Kuyyaata takkaayye Yesuusi a kollinnooyye, Feresaata isho kollissampaya a seera ka eeyye kuti'en. Ishootta palewwa Kelila isho a Yihuta pisoppa ka katama Yursaalami karaayye ollopa de'en; Yesuusi hupnase a Poqalla, a paaqolayaan dininno qapa.

Luqaasi 5:22

Yesuusi ka dikattaaysho upnaade ka ishootta kide, “Maana malla isi karan xata sede dikannittan?

Luqaasi 7:49

Orrase isha olliiyyi damta qara co ka isi karanxata dikatta paayye ka kiini, “Ini juppoota kuli nama diinno ayno?”

Yohaannisi 10:33

Ishootta ka ishi oorshen ka kidene “Waan malla ke dakkinninna, qoota Waaqa qara afa otitta haasawatte malla. diishe, qoota kodaayte a paxaara mallan. Sede nefo a ati nama koddite ka Waaqa isi koote malla.”

Roomi 8:33

Orra Waaqa reexade ayno ishootta xasasa? A ishootta hanqeellanno ishaay.