Luqaasi 5:1 - Mataafa Qulqulloota

¹ Kuyyaata takkaayye Yesuusi pakateeta Kensaareti kapa'e qa'ade. Orra lekayta ka isha kapopa ollopa sooke ka qaaletase a Waaqa dakkaysatta'e, oli tuukni.

Luqaasi 5:1 ပူးပေါင်းရင်းမြစ်များ

Mataafa Dikoota 34:11

Xeeloose Sefaami xa'a ka Ayiiniyyi qinda piirtotatin Ripiilaapa lekkanni; ka kunkunnawwasene pakateeta Kelilaatiiyyi qinda piirtotatin ca kayni.

Maatiyoosi 11:12

Xelta Yohannisise pishaan orra jaqqinoti paayyatte haka awweti'i, mankisteeta moonta a kuttati tuukammi; a kuttati soonna ka isheeta teyan.

Maatiyoosi 14:34

Yesuusi isho tamaarewwaadi pakateetase qaranne tuullen ka piita Kensaareti kayen.

Mariqoosi 3:9

Yesuusi qoota samayta koope qaran xaate'e akka arta kara isha in qanninnini'i, akka koonka ishi harmishane tamaarewwaadi ajaje.

Mariqoosi 4:1

Yesuusi oppa'e oore ka pakateetase kapa kollissa paayyeew. Qoota samayta kuttayta isha kapopa ollopa de'e malla, isha koonka pisha qara ca karopa fayyade ka kara kuti'e. Samayta piisa ka pakateetase kapa ca.

Mariqoosi 5:24

Yesuusi ka isha olli aane. Sitiiyyi orra lekayta isha kamma anni ka qinda piisa desa isha tuukni.

Mariqoosi 6:53

Ikka pakateeta qaran tuullen ka piita. Kensareeti kayen ka koonkasene piita qudopa heeqqishen ka eyye hidden.

Luqaasi 12:1

Sitiiyyi, samayta a kuma lekayta mina co ollopa xore ka lekumaasso qaran xaate'e oli tuukni ka olqara yeyyetanni. Yesuusi ka turan qattishe ka tamaarewwaadi asse kida paayye “Haddaya Feresaata pappahanassase xaaysho kapa isi tooytaada

Luqaasi 5:2

Isha ka koonkada lakki, a pakateeteeyye qinda quda qaatishene akke. Orra murkuja qapanno xoori koonkadasene kara lelekkade ka nyupuraasso diipanni.

Luqaasi 8:22

Kuyyaata takkaayye Yesuusi tamaarewwaadi olliiyyi koonka karopa fayyade ka ishootta kide, “Pakateeteeyye afa disi opa tuullina!” Ka anta' xa'en;

Luqaasi 8:23

ete pakateetase qaran desa pisha pullannaan ka annaaneeyye, Yesuusi koonka sene kara'e muke. Sitiiyyi puppeeta a kokkoka ka pakateese qara xaate. Qoota koonkasene karopa pisha immakaatta paayyen malla, rakkoose ka ishootta fuurisse.

Luqaasi 8:33

Orriyyasene ka namase kara sooken ka tuuyyowwasene karopa kalen; tuuyyawwasene ka takeelase quda xata hiren ka pakateetase karopa sehen ka jimmen.

Luqaasi 8:45

Yesuusi ka kaassade ka kide, “Ayno ana quda qappade?” Orra piisa ka qinda piisaayye desa kide, “ino an ke quda an qappanne.” Peetiroosi ka ishi kide, “Kollissampayto, orra oli tuukni ka ke kamma deeni, akka akkiniiy; atta kiini ‘ayno ana quda qappade?’”

Yohaannisi 1:40

Tamaarewwasene wa a Yohaannisi haasawade dakaye ka Yesuusi kamma aane oppaayye, takka Intiriyaasi inna a opa Simooni Peetiroosi.

Yohaannisi 6:1

Se kammaayye Yesuusi pakateetase a Kelila Tipraadoosi kidammittooyye afa disi opa tuulle.

Mataafa oppa' Ooreta 3:17

Ka qinda dumaatatinni, piita Arapa ka a Yurtaanoosi isho piita a kapandesa kitto kuli karopaaw qapanni ka qinda piirtotatinniiw, pakateeta a Kelilaati paayyatte haka pakateetase a sookitta irroota Piska kela kitto kayni.

ipro 13:7

Saarra sene' xaayshin paayyota qara qaaleta Waaqa ishina' torre in teyman. Ka wa kallaataaysho kamma teyade matte oorsattaanne amanteetaayshinan ishootta pahanaada.

Mataafa Iyyaasu 12:3

Ka akkimose mina'ew, qinda piirtotatin naaba Yurtaanoositi paayyatte haka pakateeta Kelila kayni ka qinda Pete shimootitinni, pakateeta a sookittati kayni ka qinda tupattatinni haka irroota Piska kayni.

Mataafa Iyyaasu 13:27

Ka naabase a Yurtaanoositiiyyi katamadda Petehaara ka Petenimira ka Sukooti isho Saafooni kidamma isho a mankisteeta nuqusa Hasepooni a Sihooni mukinna piisa qapanni. Xeeloose qinda dumaatetatinni kirra Yurtaanoosi quda oora ka qinda qutattatinni, pakateeta Kelila kappa kayni.