Luqaasi 4:6 - Mataafa Qulqulloota

⁶ ka ishi kide, “Hupnose a ukkumeeta isho ulfeenose piisa ke'en daasha. Sede piisa qoota ana daasamte malla nama an heeno'e, daassata in ettansha;

Luqaasi 4:6 ပူးပေါင်းရင်းမြစ်များ

Mataafa Asteeri 5:11

Ka oori isi peepa paayye ka kuttumta a teyantaadi ka lekuma hellaadi ka nuqusa atta akka isha kuttishe ka orrase a ollin piita mukinaan piisa qaropeela isha jaalshe, piisa ishootta' torre.

Xuuma Issayyaasi 23:9

Isipeepa a ulfeena piisa jeerissa'e ka a piita qara kukuttade piisa shakkissa'e, Waaqa a we piisa ettaninno sede murade.

Xuuma Issayyaasi 5:14

Hawla ka afaa kaa'e ka karittaadi koopsade ka saarraasso a ulfeena' qapa ka samaytaaysho ka reekissampayaasso isho kirpampayaasso' loqa.

Luqaasi 4:7

Semmalla atti kati ana sakatatta kiiteeyye, sede piisa koddita.”

Yohaannisi 12:31

Eta a oppaayye piisse' qara faratamta amma. Eta a oppaayye poqallasene a piissiti, seetana lakopa katamo nefo, ammaaw.

Yohaannisi 14:30

Piddampaytase a piissiti seetana, qoota deeno malla, arepa desa ishin olliiyyi a kuttati an haasawado; isha ana qara hupna ukkumeeta takka nefo in qapo.

Yohaannisi 8:44

Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni.

Qorontoosi a lammatta 11:14

Umma sede wa orra qawwanna'en. Seetana kuli, erkampattoota la'ayta' pahanaatta'e isi purinniiy.

Efesooni 2:2

Ka sitiiyyi saantase a piisseti neeqa kamma annittan ka isase hupnaddasene a hapura xayxaytoppa ca ukkummooti ajajammittan. Isha' nefo hapurase neeqa orra ajajammi in kinnin kara koda koono.

Petroosi a paayyota 1:24

Mataafa ikiini, “Nama pisa a miissa' mina, ulfeenaadi piisa kan, pisa koommayta' mina. miissa ikokni, pisaadi ka seehni.

Yohaannisi a paayyota 5:19

Ino akkiman a Waaqa' koddine in upna. Piita piisa xoori a seetana piddammitto koddite.

Keleshaata 12:9

Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 13:2

Pinantose an akke, qayranta paha; loqqaadi loqqa pinantase tipi kidammo'e pahan; afaadi ka afa karma pahan. Pofase ka pinantaseti'i hupnaadi ka suufaanaadi isho hupna ukkumeeta kuttayta daashe.

Keleshaata 13:7

Akka qulqullowwa torpo ka ishootta puto'e, hupna ukkumeeta ka ishi daasame. Kaffa ka samayta ka a afadda ika lekayta haasawanna isho lekna qara'e hupna ukkumeeta ka ishi daasame.