Luqaasi 23:5 - Mataafa Qulqulloota

⁵ Ishootta xoori a kuttati isha xasasen ka kidene, “Namoose are co Kelilaayye paayye ka haka areti, piita Yihuta pisa oppa kollinni ka orra horayta xa'inni.”

Luqaasi 23:5 ပူးပေါင်းရင်းမြစ်များ

Mataafa Masmuureta 22:16

Orra akka kutta' mina ana kapa immake; ishaarritta ukkuttowwa ka ana kapa mure; ka harkaayyo ka loqqaayyo issalen.

Mataafa Masmuureta 57:4

Napseetiyyo karmada a orra damma otantoppa'e pi'ite; ilkaasso akka oranna ka a lawadda' mina, arrapaayshokan koraateta a qarta qapto mina.

Mataafa Masmuureta 69:4

A pattayya ana needdanna, nyirfaayyo a matta qara lekuma' qapan; a ana ikassa faana ka tabaan ana needdanna ikoopen; ka waan an hannini ana' kiini, “Oorshe.”

Maatiyoosi 11:1

Yesuusi ete tamaarewwasene xaadi kudanka lakki'i ajajddosen daashe kammaayye, porose oppaayye xa'e ka otootase a fayya torreeta ka kollissa'e katamadda a eyye kapan desa ca karopa aane.

Maatiyoosi 2:1

Sapana a nuqusa Herodiisiiyyi, ete Yesuusi katamasene a Peteleheemi piita Yihutaata kara ca oppa daladeyye; tooyampaya a hikka moonta'e qinda pirtootate desa Yursaalamipa de'en.

Maatiyoosi 27:24

Pilatoosi oori akkima wossen horaytaaw xaashan ka we in nakannini ete akkeeyye, pisha qeede ka samayta tura harkaadi jaqade ka kide, “Anti diika a namooseti oppaayye an co. Ma ishina oppa kaassatama.”

Maatiyoosi 4:23

Yesuusi ka tikkasene a qinseeta a orra Yihuta kela kollissanne, ka otootase a fayya amankisteeta Waaqa torreetanne ka a paaqa isho deesa ika lekaytan qapame dinissaanne, piita Kelila piisa oppa tittiitaawni.

Mariqoosi 1:14

Ete Yohaannisi hidame kammaayye, Yesuusi Kelilaapa aane ka otootase a fayya a Waaqa torrini

Luqaasi 11:53

Yesuusi ete porose oppa anta xa'eyye, kollissampaya a seera isho Feresaata isha shiisha ka kaassuma lekaya isha' dehassa paayyen.

Luqaasi 23:23

Ishootta xoori nessaaysho'e kuttushen ka ullupen ka kidene, “Fannise! fannise!” Nessa samayta isho a saarra qeesewwa ka ollin koope.

Luqaasi 23:6

Pilatoosi ete lela Kelila kiino dakayeeyye, ikaassade ka kide, “Hela isha nama piita Kelila'e?”

Yohaannisi 1:43

Parraytaadiiyyi, Yesuusi piita Kelila opa anta heena ka Filippoosi akke ka ishi kide, “Ana kamma' xooye.”

Yohaannisi 19:15

Ishootta' xoori ihoren ka kidene, “Alle' sekayshe, alle sekayshe ka fannise!” Pilatoosi ka ishootta' kide, “Hela nuqusaayshinan alle' fannisa?” Saarra qeesewwa kuli ka ishi oorshen ka kidene, “Nuqusase kutta a Roomi qeesaari maliiyyi ino nuqusa pila an qapno!”

Yohaannisi 2:11

Yesuusi piita Kelilaati katama Qaana kara'e wa orra qawwanna oppa wossin orra qawwanna a paayyota kode ka seden ulfeenaadi akkishe. Tamaarewwaadi ka isha amanenen.

Yohaannisi 7:41

A pila ka kiiniiwi, “Ini Kiristoosi” Apila xoori ikiinii, “Kiristoosi xawwa Kelilaayye de'a?

Yohaannisi 7:52

Ishootta ka ishi kidene, “Hela atti nefo Kelilaayye deete? Xuumampayta akka Keliila karaayye in xaanin qorado ikka ke kalto”

Kodampaya 10:37

Eta a Yohaannisi qoota pisha jaqattaati desa torre paayyatte, Kelila xaate haka piita Yihuta piisa oppa'e, wa kodde i'uptan.

Kodampaya 23:10

Qoota peeqose qara'ew koopaan aane malla, akka orrose Pawloosi in nyifannini'i, ajajampaytase ka fuure ka xelaadi a oranna ajaje ka kide “Lekkada ka orrose oppaayye Pawloosi tafa ka ishin xooya ka safarase a oranna oppopan aana.”

Kodampaya 5:33

Orrase a firtishoonkota, ete sede dakayeeyye, harmo'e miirode ka erkamampaya lessaata fade.

Kodampaya 7:54

Firtishoonkotase ete sede dakayteeyye, imiirootte ka Istifaanoosi qara'e, miiran ilka ollin qomte.

Kodampaya 7:57

Sitiiyyi ishootta ka nessa kuttan ullupen ka nappaasso qara qapaden ka takka' isha qaropa hiren.