Luqaasi 23:2 - Mataafa Qulqulloota

² Ka isha xasasa paayyen ka kiini, “namoose a orrinno saanta qara maqinnon qara kayne, ‘Ka akka Qeesaari opani kipira in daannini dawrini’ Ka issi kiini, ‘Anti Kiristoosi an nuqusa.’”

Luqaasi 23:2 ပူးပေါင်းရင်းမြစ်များ

Mataafa a Nuqussa a paayyota 18:17

Ete Aki'api Eeliyaasi akkeeyye, i'ishi kide, “Kenne a Isira'eeli rakkacciisno?”

Mataafa Masmuureta 35:11

Nyiramaya maakkiyya'e xa'e; ka wa a in upnini ana qara' haasawanni.

Mataafa Masmuureta 62:4

Ishootta ulfeenaadi qara isha kata'e olli oorsaden; ka qara' darta haasawatta jaalanni; afaassotinni ishi' sakni ka karanxata isha jiijni.

Xuuma Ermiyaasi 20:10

A orra lekayta hushushino ka kiino, “Tatammaqta qinda piisaayye desa caay; xooya ka mankisteeta isha lella, alle mankisteeta isha lellan” dakaye. A xeliyyaayyo kodde ka pi'ittiyyo faana ka kiini, “Sassapatama in diishooy, in isha punna.”

Xuuma Ermiyaasi 38:4

Kutkuttowwa ka nuqusa kapopa aanen ka ishi kidane; “Namoose qoota afaa haasawannaatin xelase a oranna katama kara hase isho samayta piisa qara xasa mursiisino malla toota isha parpaaccisni; samayseti'i neequmta diisheey a paxaara faani in cooy.”

Xuuma Amoosi 7:10

Sekkammayye isase qeesitta peteli' kodde Amesiyaasi, Iyyorpi'ami nuqusase a Isira'eeliti erkana erke ka kide, “Ha Amoosi samayta Isira'eeli oppopa kale ka wa neeqa ke qara' haasawanni; samayta kuli ka torroosen xaadi duupatta malaale.

Xuuma Sakkaariyaasi 11:8

Sikmayasene sessa qoota ana needdaden anti nefo ka ishootta pake malla, leya takkopa'ewwen alle ishootta tawshe.

Maatiyoosi 17:27

Ma xoori akkan ishootta an kehaytinnini'i, pakateeta kapopa aane ka watarootase shenqera qapto murkujan qapnaan pakateetoppopa kate ka murkuja a paayyota qapto qeede ka afaadi olkela kaa'e ka kaaja afaadippa akkatta, qeede ka qootiyyo isho qootaayti desa ishootta daashe.”

Maatiyoosi 22:21

Ishootta ka ishi oorshen ka kidene, “A nuqusase kutta a piita Roomiti.” Isha ka oori ishootta oorshe ka kide, “Ka asseeyye, a nuqusa Roomi nuqusa Roomiti daasha ka a Waaqa Waaqa daasha.”

Maatiyoosi 27:11

Sitiiyyi Yesuusi ka mukissampaytase Pilaatoosi turopa dehaade. Mukissampaytase ka isha kaassade ka kide, “Hela atti a nuqusa orra Yihuta'e?” Yesuusi ka ishi kide, “Akka kiite qara.”

Mariqoosi 12:17

Yesuusi ka ishootta oorshe ka kide, “Ka asseeyye, a nuqusa nuqusa daasha, ka a Waaqa Waaqa daasha!” Ishootta ka oorissaadippa qawwaawen.

Mariqoosi 15:2

Pilatoosi ka Yesuusi kaassade ka kide, “Hela atti a nuqusa Yihuta'e?” Yesuusi ka ishi orshe ka kide, “Akka atti kiite qara.”

Luqaasi 23:14

“‘Orra horayta xa'inni’ Kiiten ka namoose ana qaropan deeten. Tin anti ka fuulaayshin tura isha qore; umma kisseeta, a ishina qara dehannittanenne, dapa takka nefo namoose qara an teyne.

Luqaasi 23:5

Ishootta xoori a kuttati isha xasasen ka kidene, “Namoose are co Kelilaayye paayye ka haka areti, piita Yihuta pisa oppa kollinni ka orra horayta xa'inni.”

Yohaannisi 18:29

Semmalla Pilatoosi ka ishootta turopa sooke ka ishootta kaassade ka kide, “Kisseeta a namoose qara' dehannittan maana?”

Yohaannisi 18:30

Ishootta ka ishi oorshen ka kidene, “Namoose katin a neequmta koono in koddinin kiiteeyye, helani ke qaropa isha tarpinni an heenne.”

Yohaannisi 19:12

Pilatoosi ete haasoosen a Yesuusi dakayeeyye, alle isha fureeta fade. Yihutaata xoori, ihorte ka kiite, “Oton namoose'e' furtaayye, atti a' mootta nuqusase kutta a piita Roomiti'in. Maana malla, nama nuqusa isi koono piisa, paarakaala a nuqusase kutta a piita Roomiti'iyyi.”

Kodampaya 24:13

Kisseese a amma ana qara dehayshen oppaayye ana ratta'an in ettanshan.

Kodampaya 24:5

namoose paaqa neeqa ino qara kodde; Yihutaata a piita qara kitto piisa qara'e horayta xa'inni. Parkase a darta Naasiraata kidammo qara isha saaraysho a kutta.

Roomi 13:7

Semmalla wa ukkumampayta' kodama parpaaccisna piisa koda. A kipira parpaaccisno'e, kipira daasha ka a qarata parpaaccisno'e, qarata daasha ka a fuurama isha parpaaccisno tura fuura ka a ulfeena isha parpaaccisno ulfeessa.