Luqaasi 22:32 - Mataafa Qulqulloota

³² Anti xoori akka amanteetaayti in pannini'in Waaqopa ke' qinsada. Atti oto tiittaawtooyye, hellaassin kokkonnayshe.”

Luqaasi 22:32 ပူးပေါင်းရင်းမြစ်များ

Maatiyoosi 18:3

ka kide, “Dukaatannen ishina kiini, oto ishina a pursammin ka akka hella shashakka mina a koddininiiyyi, pakkanna mankisteeta a moonta oppopa a kaltan.

Maatiyoosi 26:75

Sitiiyyi Peetiroosi isase a Yesuusi ishi kide, “A lukkalitta in iyyinin turanne sessaan ana marmatta.” Isha matte oore ikka lakopa alle sooke ka a kuttati pooye.

Mariqoosi 14:72

Lukkalitta ka eennow a lammattati iyye. Peetiroosi ka qaalese a Yesuusi ishi kide, “A lukkalitta lakkinni in iyyinin turanne sessaan ana marmatta” matte oorsade ka a kuttati pooye.

Mariqoosi 16:7

Amma aana ka tamaarewwaadi isho Peetiroosi kida, ‘Akkima turanneew ishina lele mina'e Yesuusi piita Kelila opa ishina' qattaay; eyye isha akkitan.’”

Luqaasi 8:13

Xottasene kookohota qara seehe'ew, orrase qaalese dakkaysanno ka xasan teyyanno lelli. Ma xoori ishootta eta desaaw amanni ka qoota hittinna in qapnin malla, oto rakkoota ishootta qara kaynittooyye, eennow marmanni.

Yohaannisi 14:19

Eta shakkaya kammaayye piita anan akkito, ishina' xoori i'ana akkitan. Anti qootan caattampayta kodde malla, ishina' nefo caattaanne' kallaattan.

Kodampaya 3:19

Semmalla akka juppootaayshin ishina' hasto'e alle juppootaayshin oppaayye oora ka Poqallaapa tiitaawa.

Roomi 8:32

Oto Waaqa innaadi takkaya in suraysannin ka ino malla toota' daasheeyye, atta innaadi olliiyyi we' piisa pattayya ino in daannin?

Roomi 8:34

Ayno ishootta qara' farata? Hela Yesuusi Kiristoosi ishootta qara' farata? Ha isha ino malla to'e ka tootoppa xa'e ka harka Waaqa Aappaati akkitta' kute'e ka isha ino malla Waaqopa qepanni?

Timotoosi a lammatta 2:18

Orroose, “Tootoppa xaana a orra le'eti xattaaw koddene” kiini ka shiishshaan dukaata kapa sekaaden. Ka amanteeta orra demo patinni.

Tiito 1:1

Ana Pawloosi, a orxayta Waaqa ka erkamampayta Yesuusi Kiristoosi kodde ka orra a Waaqa reexade kokkonnassa'e ka dukaata Waaqa fuureetan kallaatta akka immakkootan upnaadane' koda shuumame kapaayye, erkana erkame.

ipro 12:15

Ishin oppa, akka nama takka nefo'e, daassata Waaqa in kalinnini'i tooytaada. Ka akka hittina a dalta haddaawnito dallo ishin oppa in dehenin ka ishina in rakkaccisnin ka orra lekayta in nyalinnini'i, isi tooytaada.

ipro 7:25

Se malla isha, ishootta' Waaqopa qinsatta'e, qoota haka paraparati' kallaanno malla, a isha qudan Waaqopa deena' piisa, immakkootan dinissa i'ettaninni.

Petroosi a paayyota 1:1

Erkana ana Peetiroosi erkamampayta Yesuusi Kiristoosi kodde kapaayye, ishina olkela pase ka piita a Pantoosi ka a Kelaatiya ka a Qebbedooqiya ka a Issiya isho a Pittaaniya oppa kalayta kodde ka kallaannaati erkame.

Petroosi a paayyota 1:13

Semmalla dikattaayshinan impasa ka koda' harmisada ka minaddesa kallaada ka isitooytaada ka daassatase a Waaqa, oto Yesuusi Kiristoosi de'ooyye, akkattane'e, kippeeta immakkoota qapnaada.

Petroosi a paayyota 1:5

Ishina'ew, dinase kuyyaata piraampirati akkaado'e, amanteeta qudanne hupna Waaqatin tooytaamten.

Petiroosi a lammatta 3:14

Semmalla moottadayyooyye! oto kuyyaata a oppa wessen piisa koddan asatta qara kittaneeyye, akka poqalla ishina a qaja taaki nyala maliiyyi ca' qara de'o ka nakaytan ishina akkado'e japaattan kallaada.

Yohaannisi a paayyota 2:19

Ishootta inoppa sooken, a kodditoma turanneew ino oppa in qapnin. kadin ino oppa qapan kiiteeyye, ino olli japaanni heenen. Ma xoori akka pisanti ino oppa in qapnin akka upnaysamto malla ino quda xawwi' ooren.