Luqaasi 20:1 - Mataafa Qulqulloota

¹ Kuyyaata takkaayye a Yesuusi tika qulqulloota kela co ka samaytase kollinno ka otootase a fayya torrinooyye, saarra qeesewwa ka kollissampaya a seera isho qimoota piita, isha kapopa de'en.

Luqaasi 20:1 ပူးပေါင်းရင်းမြစ်များ

Maatiyoosi 26:55

Etosenetiiyyi Yesuusi ka samaytaseti kide, “Hela akkima tiyyoolayta qapnaan mina'e, koraatewwa isho kumaya pohatten ka ana qapa deetene? An tika qulqulloota kela kuyyaata piisa kollinnooyye, ishina ana a qapne.

Luqaasi 20:2

Ka isha kaassaden ka kidene, “Intoonno, ino' leleey wossen a koonitta hupna ukkumeeta a maanaatinni kooni? Taaki akka wossen kooto'e a hupna a ukkumeeta ke' daashe ayno?”

Luqaasi 8:1

Se kammaayye Yesuusi katamadda isho palewwaappanne tarpini ka mankisteeta Waaqa torrini ka otootase a fayya salinni. Tamaarewwasene xaadi kudanka lakki nefo isha olliiyyiiw caan.

Yohaannisi 18:20

Yesuusi ka ishi oorshe ka kide, “Anti nama piisa'en la'ayshe ka haasawade ka tikkasene a qinseeta a Yihutaata kelopa ollopa annitta isho tika qulqulloota kela, awta piisa kollishe; umma waan dekandekatti haasawade takkan' nefo in caan;

Kodampaya 4:1

Ete Peetiroosi isho Yohaannisi samayta' haasawattaappa caaneeyye, qeesewwa ka saarra a tooytampayasene a tika qulqulloota isho Saatuqaata ishootta kapopa de'en ka

Kodampaya 6:12

Ka asseew samayta ka qimoota isho kollissampaya a seera isha qara' xaashen ka aanen ka Istifaanosi qapen ka firtishoonkota turopa dehayshen.